ཁར་རྩང་སྤྱི་ལོ་༢༠༡༣/༡༠/༡༨ཉིན་ཞི་བདེ་རྒྱ་མཚོའི་གླིང་ཕྲན་ཐེ་ཝན་ནས་ཞོགས་པའི་གནམ་གྲུ་བརྒྱུད་ནང་པའི་རྒྱལ་ཁབ་འབར་མར་སླེབས། ད་རེས་ཐེ་ཝན་དང་། སེངྒ་པོ། མ་ལེ་ཤ་རྒྱ་ནག་བཅས་ནས་སྐྱ་སེར་བརྒྱ་ལྷག་འབྱོར་འདུག སྤྱིར་འབར་མ་ནི་དམར་པོའི་རིངས་ལུགས་ཡིན་ཀྱང་མི་མང་ཁྲོད་དུ་ནང་ཆོས་དར་ཁྱབ་ཆེ་བའི་རྒྱལ་ཁབ་ཏུ་འདུག་པས་མི་རྣམས་ཡ་རབས་དང་ཆོས་ལུགས་ལ་དད་པ་ཆེ། ད་ལྟ་དམངས་གཙོ་ལ་གོམ་པ་སྤོ་བཞིན་པ་རེད་ཟེར། འཛམ་གླིང་ལ་སྙན་གྲགས་ཆེ་བའི་འབར་མའི་གསེར་གྱི་ལྷ་ཁང་དང་། སངས་རྒྱས་ཀྱི་དབུ་སྐྲ་བཞུགས་པའི་མཆོད་རྟེན་དང་། ནང་པར་ཆེས་ཆེ་བའི་སངས་རྒྱས་མྱ་ངན་ལས་འདས་པའི་སྐུ་སོགས་མཇལ། དེ་རིང་འབར་མའི་མར་མེའི་དུས་སྟོན་དང་། དགེ་འདུན་པ་རྣམས་དབྱར་གནས་དགག་དབྱེ་ལ་ཁེལ་འདུག་པས་དགེ་འདུན་མཆོད་པ་དང་། གནས་མཇལ་ཁ་ཤས་ལ་སོང་། ཁོང་རྣམས་ནས་དེ་རིང་ལྷ་བབས་དུས་ཆེན་ལ་བརྩི་བཞིན་འདུག དེའང་སྟོན་པ་ལྷ་གནས་སུམ་ཅུ་རྩ་གསུམ་ལ་ཡུམ་སྒྱུ་མ་ལྷ་མཛེས་ལ་དྲིན་ལན་གསབ་པའི་ཆེད་དབྱར་ཟླ་གསུམ་རིང་ལྷ་ཡུལ་དུ་དབྱར་གནས་ལ་བཞུགས་ནས་ཆོས་གསུངས། དབྱར་གྲོལ་བ་དང་མི་ཡུལ་ལ་ཕེབས་པ་ལ་ལྷ་བབས་དུས་ཆེན་ལ་བརྩི་བས་ཁོང་རྣམ་པའི་ལྷ་བབས་ལ་ཡང་རྒྱུ་མཚན་གསར་པ་རེ་གསུང་རྒྱུ་འདུག ཉིན་དེར་དགེ་འདུན་མཆོད་པ་གཞི་རྒྱ་ཆེ་བ་དང་བོད་ཀྱི་དགེ་འདུན་པས་མཆོད་པ་ཕུལ་བ་ཐོག་མའི་གྲལ་ཡིན་ཤས་ཆེ་བས་འབར་མའི་གཞུང་གི་ཆོས་ལུགས་ལས་ཁུངས་ནས་དྲི་བ་དང་གསར་འགོད་པ་སླེབས། ངས་ཀྱང་བོད་ཀྱི་ནང་ཆོས་ངོ་སྤྲོད་རོབ་ཙམ་དང་། གལ་ཆེ་ཤོས་ང་ཚོ་ནང་པའི་ཆོས་བརྒྱུད་ཁག་མཐུན་ལམ་དང་ངོ་ཤེས་མཉམ་ལས་དགོས་པའི་སྐད་ཆ་བྱས། ཁོང་ཚོའི་དགོང་མོ་རྒྱལ་ཡོང་བརྙན་འཕྲིན་ནང་བཏོན་བཞིན་འདུག
དེ་ལས་མང་།»

གྲང་ཤུར་ཤུར་གྱི་ཕྱི་དྲོ་དེར ངའི་སེམས་པ་འཁྱགས་པ
རི་ངོགས་འདིར་རྒྱུ་བའི་གྲང་རླུང་དང ནགས་གསེབ་ཏུ་ཉལ་བའི་མུན་པ་ཁོ་ནས་ཚོར་ཡོད་སྲིད
གཤོག་འོག་ཏུ་རླུང་འཚུབ་པའི་བྱིའུ་ཞིག་གིས
“ངས་མི་སུ་ཞིག་གི་སེམས་ལའང་སྡུག་བསྔལ་དང་རྨ་ཁ་བཟོ་མི་འདོད”ཅེས
ང་ལ་དེ་ལྟར་ཆོ་ངེ་ཡང་ཡང་བཏབ
སྐབས་དེར སྐྱ་འདོག་གི་ནམ་མཁའ་རུ སྐར་མའི་མུ་ཏིག་གི་མགུལ་རྒྱན་ཐོར་ལ་ཉེ
མྱ་ངན་དང་བརྩེ་བ་མེད་པའི་སྨག་རུམ སྔར་བཞིན་བསླེབས་ཤིང་མཆིས
ངས་ཆོ་ངེ་འདེབས་ཀྱིན་པའི་བྱིའུ་དེར
“ཀྱེ ཁྱེད་ཀྱིས་མིན་མ་གསུང་ལགས ཁྱེད་ཀྱིས་ཁོང་གི་སེམས་པ་རྨས་ནི་རྨས་ཟིན
ད་ནི་ཁྱོད་ཀྱི་ཁོང་གི་རེ་བ་དང་བརྩེ་བ་དང་དུ་ལེན་པའི་དུས་མ་ལགས་སམ?
ཁོང་གིས་སྔ་ས་ནས ཁྱོད་དང་ལྷན་དུ་སྙིང་ཉེ་བའི་བརྩེ་བ་ཞིག་སྐྱོང་རྒྱུ་སེམས་ཐག་ཆོད”ཅེས་བཤད
དུས་དེ་ཉིད་ན འཁྱགས་སོབ་སོབ་ཀྱིས་རྒྱུ་བའི་དགུན་ལྗོངས་ཤིག་གི་ས་སོས་ལ་འཁྱུད་པའི
བདག་གི་སེམས་པའི་མཁའ་མཐའ་རུ བྱིའུ་གཞན་ཞིག་འཕུར་གྱིན་པའང་ཚོར་བྱུང
ཆོ་ངེ་འདེབས་ཀྱིན་པའི་བྱིའུ་དེས དེ་ལས་མང་།»

བོད་ཀྱི་དུས་བབ་གསར་ཁང་གིས་བཙན་བྱོལ་བོད་མའི་གྲོས་ཚོགས་ཀྱི་ཚོགས་གཙོ་སྤེན་པ་ཚེ་རིང་མཆོག་ལ་བཅར་འདྲི་ཞིག་བྱས་བ་བོད་ཀྱི་དུས་བབ་ཐོག་བཀོད་འདུག བཅར་འདྲི་དེ་ནི་ལོ་འདིའི་སྤྱི་ཟླ་༡༠བའི་ཚེས༡༠ཉིན་སྐབས་༡༥གྲོས་ཚོགས་ལྷན་ཚོགས་ཐེངས་དྲུག་པའི་མཇུག་སྒྲིལ་ཉིན་མོ་རེད།
སྤྱིར་དྲི་བ་བརྒྱད་འདུག་ལ།དྲི་བ་བརྒྱད་ཀྱི་ནང་ཚན་དྲི་བ་དྲུག་པའི་ལན་འདེབས་སྐབས་སུ། ཚོགས་གཙོ་མཆོག་གིས་གོ་སྐབས་དང་བསྟུན་ཏེ་སེང་གེ་བཀའ་ཤག་ལ་འབོད་སྐུལ་ཤུགས་ཆེན་ཞིག་གནང་འདུག་པས།འབོད་སྐུལ་འདི་མ་གནང་གོང་བཙན་བྱོལ་བོད་མི་ཚོ་གཙོ་བྱས་ཏེ་གཞི་ལུས་སྤུན་ཟླ་ཚོས་ཀྱང་སྲིད་སྐྱོང་བློ་སེང་གིས་བོད་རྒྱ་གྲོས་མོལ་བསྐྱར་མཐུད་སྐོར་ལ་ཤུགས་སྣོན་རྒྱག་གི་མེད་པ་མི་སུ་ཞིག་གིས་ཀྱང་ཡིད་ལ་འཆར་ཐུབ་ཡོད་མི་སྲིད་ལ།འཆར་ཐུབ་ཀྱང་ཁ་ནས་བརྗོད་ཐུབ་དཀའ་བ་ཞིག་ཡིན།ང་ཚོ་གཞི་བྱེས་གཉིས་ཀྱིས་བོད་རྒྱ་གྲོས་མོལ་ལ་རེ་སྒུག་བྱེད་བཞིན་ཡོད་པ་སེང་གེ་བཀའ་ཤག་གིས་ཤེས་ཡོད་ལ།མ་ཟད་ད་རུང་བོད་ཀྱི་དཀའ་ངལ་འདི་གྲོས་མོལ་གྱི་ལམ་ནས་སེལ་ཐབས་བྱེད་དགོས་ཞེས་༧གོང་ས༧མཆོག་དང་འཛམ་གླིང་གི་བོད་དོན་རྒྱབ་སྐྱོར་བ་ཨ་རི་དང་ཡོ་རུབ་རྒྱལ་ཁབ་ཚང་མས་བཤད་ཀྱི་ཡོད།
ལྷག་པར་དུ་བཙན་བྱོལ་བོད་མིའི་སྒྲིགས་འཛུགས་ཀྱི་ལས་སྣེ་སྲི་ཞུ་བ་བཀའ་ཤག་སྐབས་སྔོན་མ་ཚོས་ཐབས་ལམ་འདྲ་མིན་གྱིས་འབད་བརྩོན་གནང་ཡོད།ཡིན་ན་ཡང་ཐབས་སྐྱོ་བ་ཞིག་ལ།སེང་གེ་བཀའ་ཤག་ནས་མགོ་བཙུགས་ཏེ་བོད་རྒྱ་གྲོས་མོལ་བསྐྱར་མཐུད་ལ་གྲགས་འགུལ་ཅི་ཡང་མེད་པར་འཇམ་ཐིང་ངེར་ལུས་པས།ད་ཐེངས་ཚོགས་གཙོ་མཆོག་འདུག་མ་བཟོད་པར་བཅར་འདྲིའི་གོ་སྐབས་དང་བསྟུན་ཏེ་འབོད་སྐུལ་གནང་དགོས་བྱུང་ཡོད།སྐབས་དེའི་དྲི་བ་དང་དྲིས་ལན་གཉིས་གཤམ་གསལ་ལྟར་རེད། དེ་ལས་མང་།»

༡ ངས་ནི་ཅི་བས་ཀྱང་གྲུ་གཡོར་བསྒྲེང་དགོས དུས་ཚོད་ཡོད་ཚད་མཚོ་ངོགས་སུ་ཟད་ཚར ——སྙིང་བོ་མེད་པའི་ང་རང་ཡ མེ་ཏོག་བཞད་ཚར་རྗེས་དཔྱིད་དཔལ་བཞུད་འགྲོ་ཞིང ད་ནི་སུལའང་མི་མཁོ་བའི་འདབ་ལོ་སྐམ་པོ་དག་རྡོག་ཁྲེས་སུ་གྱུར་ཡང ངས་རེ་སྒུག་བྱེད་ཅིང་བརྩེ་བ་བཅངས
རླབས་སྒྲ་དྲག་ཏུ་འཕྱོ མཚོ་ཁའི་བྱེ་ཐང་དུ་ལོ་མ་སེར་བོ་འཕུར་ཞིང་ཟེགས་འོངས
ཁྱེད་ཀྱི་མཐོང་དབྱིངས་ནི་ཇི་འདྲའི་སྟོངས་སིང་སིང་ཞིག་རེད་ཨང
ཁྱོད་ཀྱིས་ཕ་གའི་མཚོ་ངོགས་སུ སྤྲོ་སྣང་ཞིག་རླུང་རྒྱུན་དང་བསྡོངས་ཏེ མཁའ་དབྱིངས་སུ་ལྡང་འོང་བ་མི་ཚོར་རམ།

༢ སྤྲིན་ནག་འདུ མུན་པ་འཐིབ བརྩེ་བ་ཡ ཅིའི་ཕྱིར་ཁྱོད་ཀྱིས་ང་ཁེར་ཧྲེང་དུ སྒོའི་ཕྱི་རུ་སྒུག་ཏུ་བཅུག 
ཉིན་གུང་བྱ་བའི་བྲེལ་ཟིང་གི་གླགས་སུ ང་དང་མི་ཚོགས་ལྷན་དུ་ཞུགས་ཀྱང མུན་ནག་དང་ཁེར་རྐྱང་གི་ཉིན་འདི་ཚོར ངས་ནི་ཁྱོད་ཁོ་ནར་རེ་སྒུག་བགྱིས 
གལ་ཏེ་ཁྱོད་ཀྱིས་ང་ལ་ཞལ་མཇལ་མི་གནང་ན གལ་ཏེ་ཁྱོད་ཀྱིས་ང་རང་གཏན་དུ་སྤྱུགས་ཚེ ངས་ནི་ཆར་ཞོད་མོད་པའི་ཉིན་མོ་དག་ཅི་ལྟར་བསྐྱལ་ཨང དེ་ལས་མང་།»

ལྷ་བབས་དུས་ཆེན་ཞེས་པ།།
ཐུབ་དབང་འདུས་བྱ་ཐར་པ།།
ཐམས་ཅད་མཁྱེན་པའི་ལམ་འཁྲིད།།
ཐབས་མཁས་མཛད་པ་བཅུ་གཉིས།།
རྣམ་གྲངས་མང་པོ་ནང་བསྟན།།
དེ་ཡི་ནང་ཚན་ཞིག་ནི།།
བོད་མིས་ཧོར་ཟླ་དགུ་པ།།
ཚེས་པ་ཉེར་གཉིས་ངོས་འཛིན།།
དེ་ཉིད་སྟོན་པའི་མཛད་པ།།
རྗེས་དྲན་ཞུས་དང་ཞུ་མུས།།
དེ་ཡང་ཤཱཀྱ་ཐུབ་མཆོག།།
དེ་ལས་མང་།»

དཀོན་མཆོག་རིན་ཆེན་རྣམ་གསུམ་ལ།།
མི་བྲལ་སྤྱི་བོ་གཙུག་ཏུ་བཞུགས།།
བདག་བློ་རྨོངས་པ་ཡོངས་གསལ་ནས།།
ཤེས་རབ་སྒྲོན་མེའི་གསལ་བར་ཤོག།།

བདག་གིས་ལག་གཉིས་སྙིང་ཁར་སྦྱར།།
ཕན་ཐོགས་མེད་པའི་ཆང་རག་དེ།
སྐལ་ལྡན་བུ་སློབ་ཐམས་ཅད་ཀྱིས།།
སྤང་བླངས་འཛོལ་མེད་གནང་བར་མཛོད།།

བདག་ལ་ཤེས་ཡོན་དམན་ན་ཡང་།།
དུག་ཆང་ངན་གོམས་ཐེབས་པ་ལ།།
ཕན་ཐོགས་ཕྲན་བུ་ཡོང་བསམ་ནས།།
ངལ་བ་ལྷོད་མེད་འདི་ཉིད་བྲིས།།
དེ་ལས་མང་།»

ཕྱིར་དྲན་བྱ་འོས་ཤིང དྲན་རྟེན་དུ་ཉར་ཆོག་པའི་ཉིན་མོ་དེར
ངས་ཉི་མ་ནུབ་པར གདོང་དབྱངས་གྱེར་མཁན་གྱི་རོལ་མོ་བ་ཞིག་ལ
“ཁོ་མོས ངའི་སྙིང་རྩ་རྒྱུད་མངས་བཞིན་དཀྲོལ་ཞིང”
“ངའི་རུས་རྐང་གླིང་བུ་བཞིན་དུ་འབུད”ཅེས་བཤད

རྨི་ལམ་མང་ཞིང ཟླ་བ་ནགས་གསེབ་བརྒྱུད་འགྲོ་བའི་མཚན་མོ་དེར
ངས་ལམ་བུ་འཚོལ་བའི་འགྲུལ་བཞུད་པ་ཞིག་ལ
“ཁོ་མོས ངའི་འདས་ཟིན་པའི་གཙང་བོ་ཕྱིར་ལྡོག་ཅིང”
“ངའི་ཕུགས་བསམ་གྱི་རྨི་ལམ མཐའ་ཡས་རྒྱ་མཚོར་བསྲེས”ཞེས་བཤད

ཆུ་མོ་ཀྱུར་ཀྱུར་དུ་བཞུར་ཞིང་ རྩྭ་ལྗང་ནེམ་ནེམ་གྱི་དུས་ཚིགས་དེར
ངས་བ་གླང་བོར་བའི་རྫི་བོ་གཞོན་ནུ་ཞིག་ལ
“ཁོ་མོས ངའི་ཁེར་རྐྱང་གི་སྒོ་གླེགས་བརྡུང་ཞིང”
“ངའི་དགུན་ལྗོངས་ཀྱི་འཇིག་རྟེན་དུ དབྱར་གཞུང་བསུས”ཞེས་བཤད
དེ་ལས་མང་།»

སྤྱིར་ན་རྒྱུགས་ལེན་པའི་སློབ་གསོ་ནི་སྣ་གཅིག་སློབ་གསོ་དང་ཕྱོགས་འཁྱེར་སློབ་གསོ་ལྟ་བུའི་སྐྱོ་སྣང་སྐྱེས་དགོས་སའི་གནད་དུ་གྱུར་འདུག་མོད་ཀྱི། འོན་ཏེ། སློབ་གྲྭ་ཆེ་མ་ཆུང་གསུམ་ཡོངས་ཀྱིས་རྒྱུགས་ལེན་པ་ནི་ཡོན་ཏན་ཀུན་གྱི་རྩ་བ་དང་གཉེན་མི་ཡོངས་ཀྱི་རེ་བ། མི་ཚེའི་དོན་གྱི་སྙིང་བོ་འདོད་དེ། བུ་སློབ་ཞིག་གི་སེམས་ངོའི་ཡོད་ཚད་ཀྱི་ཡོད་ཚ
ད་ལ་ཚད་འཇལ་བའི་རྒྱུ་འབྲས་ཀྱི་རྒྱ་མ་ལྟ་བུར་ངོས་བཟུང་བ་དེ་ནི་རྒྱལ་ཁབ་ཀྱི་ལམ་ལུགས་གལ་ཆེན་ཞིག་ཏུ་གྱུར་འདུག་ཨང་།
རྒྱལ་ཡོངས་གཅིག་གྱུར་གྱི་མཐོ་རྒྱུགས་ལེན་པའི་ཉིན་མོ་ནི། མི་ཞིག་གི་མི་ཚེའི་ཡོད་ཚད་གཅིག་གྱུར་གྱིས་ཐག་གཅོད་བྱེད་པའི་འཇིགས་སྣང་རང་བཞིན་ཅན་ཞིག་ཡིན་སྲིད། རང་ཅག་གི་བུ་བུ་མོ་ཚོའང་མི་ཚེའི་འདུན་ལམ་ཆེན་པོ་ཐག་གིས་གཅོད་བྱེད་ཀྱི་གསོད་གཏུབ་རང་བཞིན་ལྡན་པའི་རྒྱུགས་ར་འདིར་ཞུགས་བཞིན་ཡོད་ངེས་ལ།རང་རང་སོ་སོའི་འཇོན་ནུས་མངོན་མཁན་ཡང་མི་ཉུང་ཙམ་མཆིས་པ་སྨོས་ཅི་དགོས།འོན་ཀྱང་དེང་སྐབས་ཀུན་གྱིས་དོ་སྣང་བྱེད་དགོས་པ་ཞིག་ནི།ཕ་སྐད་སློབ་ཁྲིད་(བོད་ཡིག་གཙོ་བོ)མྱངས་པའི་ང་ཚོའི་བུ་བུ་མོ་ཚོས་སྐར་གྲངས་ཅི་འདྲ་བླངས་ཤིང་ནུས་པ་བཏོན་པ་ཅི་འདྲའི་ལེགས་ནའང་། ཁོ་ཚོ་འགྲོ་ཆོག་པའི་འོད་ཟེར་སྟོང་ལྡན་གྱི་མདུན་སྒོ་ནི་དེ་འདྲའི་དོག་པ་ཞིག་སྟེ། ལོ་རེར་བརྒྱ་ཆའི་གྲངས་འབོར་ལྔ་དྲུག་གིས་དོག་པོར་གཏོང་བཞིན་པ་དེའོ།། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་མི་རིགས་རང་ཁོངས་རང་སྐྱོང་གི་བཅའ་ཁྲིམས་སུ་མི་རིགས་ཀྱི་སྐད་ཡིག་འདྲ་མཉམ་དང་བཀོལ་སྤྱོད་ཀྱི་དབང་ཆ་རང་དབང་གིས་གཏན་ལ་ཕབ་པ་དང་ཕ་སྐད་ཀྱི་ལམ་ནས་སློབ་སྦྱོང་དང་རྒྱུགས་ལེན། དེ་ལས་མང་།»