ཆིག་སྔ་མོའི་མཁས་པའི་གསུང་རྩོམ་དེ་ཚོ་ཁ་ཟིན་སྣ་ཟིན་རེ་བཀླགས་ཚེ།།
སངས་རྒྱས་དང་ནི་བྱང་ཆུབ་སེམས་དཔའི་མཚན་གྱི་བསྟོད་སྟངས་མང་ན་ཡང།།
བདག་ནི་སོ་སྐྱེ་སོ་ནག་ཅིག་གིས་དེ་ཚོར་འགྲེལ་ཞིག་མི་ཕོག་མོད།།
འོན་ཀྱང་ལོ་རྒན་དོན་ལྔའི་ནང་གི་མཛད་ཆེན་འགའ་ཞིག་ཤེས་ཡོད་ལགས།།

ཡིན་ཡང་གཞན་དག་གླེང་ཁོམ་ཅང་མེད་དེ་རིང་དམངས་གཙོའི་དུས་ཆེན་ཡིན།།
ལོ་ངོ་ལྔ་བཅུའི་གོང་གི་དུས་འདིར་དམངས་གཙོ་ཞེས་པའི་ཚིག་ཙམ་ཡང།།
བཤད་དང་བཀྲམ་ན་སྐུ་དྲག་བཙན་པོས་མནར་གཅོད་སྣ་ཚོགས་གཏོང་སྲིད་ཀྱང།།
ཁྱེད་ཀྱི་ཐབས་མཁས་ཐུགས་རྗེའི་མཛད་པ་ཉི་ཤར་སྤར་མོས་ག་ལ་ཁེབས།།

དེ་རིང་སྐྱིད་པའི་རྐང་བྲོ་རྡུང་ཡ་ཆོལ་གསུམ་ཆིག་སྒྲིལ་འཁྲུངས་ཉིན་ཡིན།།
དེ་རིང་དགའ་བའི་གླུ་དབྱངས་ལེན་ཡ་སྐུ་དྲག་འཆིང་བ་གཅོད་ཉིན་ཡིན།།
སྒམ་ལ་ཟྭ་བརྒྱབ་ཟྭ་ལ་ཐེལ་བརྒྱབ་ཐེལ་ཙེ་ཉར་བའི་སྤྱི་ཚོགས་ཀྱི།།
ཕྱི་ཡི་སྤྱོད་པའི་བཀག་རྒྱ་གཏོར་ཅིང་ནང་གི་དམ་ཚིག་བསྲེལ་ཉིན་ཡིན།།
དེ་ལས་མང་། »

རྒྱ་རིགས་བུ་མོ་ཞིག་གིས་མོའི་ཟིན་བྲིས་ནང་མོ་རང་དང་བོད་ཀྱི་གྲྭ་པ་ཞིག་དབར་གྱི་སྙིང་ཉེའི་བརྩེ་དུང་སྐོར་བྲིས་འདུག་་ངས་ཤོག་ལྷེབ་ཁ་ཤས་བལྟས་རྗེས་མུ་མཐུད་དེ་ལྟ་ཐུབ་ཀྱི་མི་འདུག་དེ་ནི་ཐེ་ཝན་རྩོམ་པ་མོ་ཆུང་ཡོའི་བརྩེ་དུང་སྐོར་གྱི་སྒྲུང་དེ་དག་བསྐྱར་ཟློས་བྱས་པ་ཙམ་རེད་ལ།་མི་འདྲ་ས་ཅུང་ཡོད་པ་ནི་དེའི་ནང་གི་མི་སྣ་གཙོ་བོ་དེ་བོད་རིགས་ གྲ་པར་བསྒྱུར་བ་ཙམ་རེད།་
དོན་དངོས་ཐོག་སྒྲུང་འདི་འདྲའི་རིགས་ནི་ཉུང་ཉུང་མ་རེད།བཤད་སྲོལ་ལྟར་ན་དེ་ནི་བོད་རིགས་གྲ་པ་སྟེར་བཟོ་དོད་པོའམ་མཛེས་ཉམས་ཅན་དང་དགའ་རོགས་བསྒྲིག་པ་ཞེས་ཟེར་སྲོལ་ཡོད་འདུག

དེ་སྔོན་གཙུག་ལག་ཁང་དུ་བཟོ་ལྟ་ལེགས་པོའི་གྲྭ་པ་ཞིག་ཡོད་པ་དྲན་གྱི་འདུག་་ལོ་མང་སྔོན་ཁོ་རང་རབ་ཏུ་བྱུང་དུས་མཐོང་མྱོང་ཡོད་ལ་སྐབས་དེའི་དུས་སུ་ཁོང་ཕྲུ་གུ་ཞིག་རེད།་ཁོ་རང་ལོ་ཆུང་བྱིས་པའི་དུས་ནས་གཞོན་ནུ་བར་འཚར་ལོངས་བྱུང་བ་དང།་དེ་རྗེས་གློ་བུར་དུ་མཐོང་ལམ་ནས་ཡལ་ཚར་འདུག་ངས་ཁོ་རང་ག་བར་ཡོད་མིན་དྲིས་མྱོང་བས།་གཞི་ནས་པེ་ཅིང་ནས་ཡོང་བའི་ ཡུལ་བསྐོར་སྤྲོ་འཆམ་པའི་རྒྱ་རིགས་བུ་མོ་ཞིག་གིས་ཁོ་ལ་དགའ་བ་དང།་དེ་ནས་ཁོ་རང་ཡང་བུད་མེད་དེའི་མཉམ་དུ་ཕྱིན་ཚར་འདུག་་་རྒྱུ་མཚན་གང་ཡིན་མི་ཤེས་མོད།མ་རིང་བའི་རྗེས་སུ་ཁོ་རང་སླར་ཡང་ལྷ་སར་ཕྱིར་སླེབས་འདུག་ཡིན་ཡང་དེ་ནས་བཟུང་དགོན་པར་བཞུག་མི་ཆོག་པ་གྱུར་ཟིན།་གང་ཡིན་ཟེར་ན་ཁོ་རང་སྐྱ་སར་བབས་ཚར་བས་རེད། དེ་ལས་མང་། »

ཉེ་ཆར་མདོ་སྨད་ཐེ་བོ་སྨད་རྒྱུད་དམ་དེང་སང་འབྲུག་ཆུ་རྫོང་ཞེས་རྒྱ་ནག་དམར་པོའི་གཞུང་གིས་ས་ཆ་བཅད་བགོས་བྱས་པའི་ས་ཁུལ་འབྲུག་ཆུ་རྫོང་ནང་། རི་ཉིལ་དང་ཆུ་ལོག་འདྲེས་མས་གནོད་འཚེའི་འོག་འདས་གྲོངས་སུ་སོང་བ་རྣམས་ཀྱི་ཆེད་དུ་མཆོད་འབུལ་གཟབ་རྒྱས་ཤིག ༧ སྐྱབས་མགོན་ཀིརྟི་རིན་པོ་ཆེ་བཀའ་དྲིན་འོག་ཐེ་བོ་སྟོད་སྨད་བར་གསུམ་གྱི་བྱེས་འབྱོར་ཐེ་བོ་མི་མང་རྒྱ་བལ་ཁུལ་དང་ཕྱི་རྒྱལ་ཁག་ཏུ་གནས་སྡོད་ཐུན་མོང་གིས་གོ་སྒྲིག་བྱས་པའི་བདུན་ཚིགས་གཉིས་པའི་མཆོད་འབུལ། ཕྱི་ཟླ་ ༨ པའི་ཚེས་ ༢༡ གཟའ་སྤེན་པའི་སྔ་དྲོརཆུ་ཚོད་བརྒྱད་པའི་ཐོག་ཐེག་ཆེན་ཆོས་གླིང་གཙུག་ལག་ཁང་དུ་ ༧ སྒྲུབ་བརྒྱུད་བསྟན་པའི་མངའ་བདག་དཔལ་༧རྒྱལ་དབང་ཀརྨ་པ་མཆོག་ཚོགས་མགོན་དུ་དབུ་བཞུགས་ཐོག བཙན་བྱོལ་བོད་གཞུང་གི་བཀའ་ཁྲི་ཟམ་གདོང་རིན་པོ་ཆེ་མཆོག་དང་། བཀའ་བློན་ཕྱག་རོགས་རྣམ་པ། གཞན་སྤྱི་འཐུས་ཁག་ཅིག་དང་། བཀའ་ཟུར་ཨ་ལགས་འཇིགས་མེད་རིན་པོ་ཆེ། དཔལ་ལྡན་རྒྱུད་སྟོད་གྲྭ་ཚང་གི་མཁན་རིན་པོ་ཆེ་དང་། རྣམ་རྒྱལ་གྲྭ་ཚང་གི་མཁན་རིན་པོ་ཆེ། ཀིརྟིའི་བྱེས་པ་གྲྭ་ཚང་གི་མཁན་རིན་པོ་ཆེ་བཅས་མཁན་པོ་རྣམ་པ་གསུམ། དེ་བཞིན་བཞུགས་སྒར་ཁུལ་གྱི་དགོན་སྡེ་ཁག་གི་གྲྭ་བཙུན་སྔགས་གསུམ། བོད་གཞུང་གི་གཞུང་ཞབས་ལྷན་རྒྱས། མདོ་སྨད་དབུས་རྒྱུན་ལས། བོད་གཞུང་སྨན་རྩིས་ཁང་། བོད་གཞུང་དཔེ་མཛོད་ཁང་། དེ་ལས་མང་། »

གངས་ལྗོངས་ཤེས་རིག་གླིང་གི་འབོད་བརྡ་བརྙན་འཁོར

ངའི་སྙིང་ཁོང་རུས་པའི་གཏིང་ནས

དྲག་ཏུ་འཕྱོ་བཞིན་པའི་ཟུངས་ཁྲག་དམར་པོ་དེ

སུ་ཞིག་གིས་ཧུབ་གང་མཆོད་པ་ཡིན

——སྔོན་འགྲོའི་གཏམ

ཕ་ས་གངས་རི་དེས་གསང་བ

མ་ཁྱིམ་གངས་དཀར་དེས་ཝུ་ཁུང་ལ་དེད་པ

དུས་ཚོད་སྐར་མ་འགའ་ལས་མེད་ནའང

བསམ་གཞིག་གི་རྣོ་དབལ་རུམ་ཏེ

ལོ་ངོ་ཁྲི་ཕྲག་གི་ཕ་རོལ་ཞིག་ལ

རྡེའུ་དཀར་ནག་གི་ཁ་རྩོད་དེ་ཉིད

འཕྲུལ་ཆས་དཀར་པོའི་ལྕེ་འོག་ནས

དྲང་སྲོང་སྤུན་ཟླའི་སྙིང་སྟོབས་སྒྲེང་བ

དུས་ཚོད་ཀྱིས་མིག་ཟུང་ཅེར་ཆོག་ལ

ལོ་རྒྱུས་ཀྱིས་རྣ་བ་གླེགས་ཆོག

༤༽འབྲུག་ཆུ་རྫོང་གི་ཤིང་ནགས་བརྒྱ་ཆའི་༩༠བཅད།
ས་གཞིས་བཟང་ཞིང་གནམ་གཤིས་དྲོད་གྲང་སྙོམས་པ་སོགས་རང་བྱུང་གི་གནས་བབ་བཟང་བའི་རྐྱེན་གྱིས་ཕྱི་ལོ་༡༩༥༠ལོའི་ཡར་སྔོན་དུ་རང་བྱུང་ནགས་ཚུལ་གྱི་འབྲུག་ཆུ་རྫོང་གི་ས་ཁྱོན་གྱི་བརྒྱ་ཆའི་༧༠ཁེབས་ཡོད་ཅིང་། རང་བྱུང་ཁོར་ཡུག་ལ་གཏོར་བརླག་ཐེབས་མེད། འོན་ཀྱང་འདས་པའི་ལོ་བཅུ་ཕྲག་འགའི་རིང་འབྲུག་ཆ་རྫོང་གི་རང་བྱུང་ནགས་ཚུལ་ལ་གཞུང་གིས་རྒྱལ་ཁབ་ཀྱི་འཕེལ་རྒྱས་ཆེད་ཁྲིམས་མཐུན་གྱི་བཅད་ནས་ནང་ལོག་ཏུ་སྐྱེལ་འདྲེན་བྱས་པ་དང༌། ས་གནས་མི་མང་གིས་ཀྱང་འབུད་ཤིང་དང་འཚོ་བར་ཁ་སྣོན་གྱི་ཆེད་དུ་རྐུ་གཅོད་རྐུ་ལེན་གང་ཐུབ་བྱས་ཡོད།
༡༩༩༨ལོར་རྒྱ་ནག་གཞུང་གི་ཤིང་ནགས་གཅོད་འབྲེག་མི་ཆོག་པའི་སྲིད་ཇུས་གཏན་འཁེལ་མ་བྱས་པའི་གོང་དུ། འབྲུག་ཆུ་རྫོང་གི་ནོར་སྲིད་ཀྱི་ཡོང་འབབ་ཀྱི་བརྒྱ་ཆའི་༩༥དེ་ཤིང་ནགས་ལས་རག་ཡོད་འདུག
རྒྱ་ནག་ལྟ་བུའི་རྒྱལ་ཁབ་དག་ཏུ་རང་བྱུང་གི་གནོད་འཚེ་ཞེས་པའི་ཁག་ཤན་སའི་མིང་ཚིག་འདིས་དངོས་དོན་ཞིག་བཀབས་ཡོད་པ་ནི་མིའི་འཁུར་དགོས་པའི་འགན་འཁུར་དེ་རེད།རྒྱུ་མཚན་ནི་མིའི་ནོར་འཁྲུལ་ཅན་གྱི་ཐག་གཅོད་ལས་གནོད་འཚེ་རིགས་མེད་པ་ནས་ཡོད་པ་དང་། ཆུང་ངུ་ནས་ཆེན་པོར་བཟོས་ཡོད་པ་ཟད། གནོད་འཚེའི་མཇུག་འབྲས་ཀྱང་ལྡབ་འགྱུར་གྱིས་ཚབས་ཇེ་ཆེར་བཏང་ཡོད།དཔེར་ན་འབྲུག་ཆུ་རྫོང་དུ་ཆུ་མཛོད་དང་ཆུ་གློག་༤༡འཛུགས་བསྐྲུན་བྱ་ཆེད་གང་ས་གང་དུ་ས་བརྐོ་རྡོ་སློག་སོགས་ཀྱིས་སའི་རང་བྱུང་གི་ཆགས་རིམ་ལ་གཏོར་བརླག་ཚབས་ཆེན་བཟོས་ཡོད་ལ། སྤྱིར་ན་འབྲུག་ཆུའི་ས་གཤིས་དེ་འདྲའི་མཁྲེགས་པོ་མེད་པས་ཁར་༡༩༩༠ལོའི་སྔོན་གྱི་ལོ་ངོ་བཅུའི་རིང་འབྲུག་ཆུ་ས་ཁུལ་གྱི་ཤིང་ནགས་ཕལ་ཆེར་ཤུལ་མེད་དུ་བཏང་བ་དང་།ད་ལྟ་འབྲུག་ཆུ་རྫོང་གི་ནགས་ཚུལ་ཀྱི་རྒྱ་ཁྱོན་དེ་དེ་སྔོན་གྱི་བརྒྱ་ཆའི་༧༠ནས་བརྒྱ་ཆའི་༡༠མ་གཏོགས་ལྷག་མེད་པ་དང༌།དེ་མིན་འབྲོག་པའི་ཕྱུགས་ཟོག་འཚོ་སྐྱོང་བྱེད་སའི་རྩྭ་ས་ཡོད་ཚད་ཐེམ་པ་ཅན་གྱི་ཞིང་སར་བསྒྱུར་བ་སོགས་གང་ལྟར་རང་བྱུང་ཁམས་ཀྱི་ཆགས་རིམ་དང་འགལ་བའི་ལས་གང་མང་ཞིག་ནི་མིའི་ནོར་འཁྲུལ་ཅན་གྱི་ཐག་གཅོད་ལ་བསྟེན་ནས་བྱུང་བ་ཤར་རྟགས་རེད།
༥༽ཀན་ལྷོ་བོད་རིགས་རང་སྐྱོང་ཁུལ་དུ་ད་ལྟ་ཆུ་རགས་༡༥༦བསྐྲུན་ཡོད།
དེ་རིང་པར་རིས་དང་བརྙན་འཕྲིན་སོགས་སུ་མཐོང་བའི་འབྲུག་ཆུ་རྫོང་ནི་ས་ཤུན་མེད་པའི་སྐྱ་ཐང་ངེར་འདུག་པའི་རི་ལུང་སྐམ་པོ་ཞིག་ཏུ་གྱུར་ཡོད་ཀྱང༌། འབྲུག་ཆུ་ས་ཁུལ་དུ་ཤིན་ཏུ་ཉུང་ཉུང་ཞིག་ལས་ལྷག་མེད་པའི་ཤིང་ནགས་རིགས་ད་དུང་མུ་མཐུད་ནས་གཅོད་འབྲེག་བྱེད་མུས་སུ་ཡིན་པས་སྤང་ཤུན་ལ་གཏོར་བརླག་ཆེན་པོ་ཐེབས་ཡོད་པ་དང༌། འབྲུག་ཆུ་རྫོང་དུ་ད་ཡོད་ཀྱི་ཆུ་རགས་༤༠ལྷག་གི་ཁར་ད་རུང་ཡང་ཆུ་རགས་༡༢བསྐྲུན་འཆར་ཡོད་པ་དང༌། ཀན་ལྷོ་བོད་རིགས་རང་སྐྱོང་ཁུལ་གཅིག་པུ་རུ་ད་ལྟ་ཆུ་རགས་༡༥༦བསྐྲུན་ཡོད་པའི་ཁར་ད་དུང་ཆུ་རགས་བཅུ་གྲངས་ཤིག་བསྐྲུན་འཆར་ཡོད་འདུག དེ་ལས་མང་། »

༡༽ད་ལོ་འབྱུང་བ་ཆུའི་འཇིག་པ་ཤིན་ཏུ་རྩུབ།
ཕྱི་ལོ་༢༠༡༠འདི་ནི་ས་ཡི་གོ་ལ་བྱིངས་དང་དེ་ལས་ཀྱང་གོ་ལའི་ཤར་ཕྱོགས་སུ་ཆར་ཆུ་མོད་ཅིང་འབྱུང་བ་ཆུའི་འཇིག་པ་ཤིན་ཏུ་རྩུབ་པའི་ལོ་ཞིག་ཡིན་པ་པཱ་ཀི་སི་ཏན་རྒྱལ་ཁབ་ཀྱི་ལྔ་ཆའི་གཅིག་ཆུའི་འོག་ཏུ་ནུབ་པ་དང་། རྒྱ་ནག་ཏུ་ཡུལ་མི་དུང་ཕྱུར་གཅིག་ལྷག་ལ་ཆུ་ལོག་གི་གནོད་འཚེ་ཐེབས་པ་སོགས་ཀྱིས་མཚོན་ཞིང་། སྒོས་སུ་༢༠༡༠ལོའི་ཟླ་༨བའི་ཚེས་༧གྱི་མཚན་མོར་གློ་བུར་དུ་བྱུང་བའི་ས་རུད་ཆུ་ལོག་གི་གནོད་འཚེ་ཡིས་མདོ་སྨད་འབྲུག་ཆུའི་རྫོང་གི་མི་འབོར་༢༠༠༠ཅན་གྱི་ཞིན་ཡོན་སྡེ་བ་ཤུལ་མེད་དུ་བཏང་དང་དུད་ཁྱིམ་༥༠༠༠ལྷག་ལ་གནོད་འཚེ་ཐེབས་ཤིང༌།འབྲུག་ཆུ་རྫོང་གི་ཕྱེད་ཀ་འདམ་རྡོའི་འོག་མནན་ནས་ཟླ་བརྒྱད་པའི་ཚེས་༢༠འི་ཡར་སྔོན་དུ་ཡུལ་མི་༡༤༠༠ལྷག་རྐྱེན་འདས་སུ་གྱུར་བའི་གོད་ཆག་དེ་ནི་ས་གནས་རྨིག་གོང་འདྲ་བ་ཞིག་ཏུ་རང་བྱུང་གི་གནོད་འཚེ་ལས་བྱུང་བའི་གོད་ཆག་ཚབས་ཆེན་ཞིག་ཏུ་ངོས་འཛིན་བྱས་ཡོད།
༢༽འབྲུག་ཆུ་རྫོང།
དགོས་དབང་གིས་འབྲུག་ཆུ་རྫོང་ངོ་སྤྲོད་མདོར་བསྡུས་ཤིག་བྱས་ན།འབྲུག་ཆུ་རྫོང་ནི་མདོ་སྨད་ཀན་ལྷོ་བོད་རིགས་རང་སྐྱོང་ཁུལ་གྱི་རྫོང་བདུན་གྱི་ཡ་གྱལ་དང༌། ཕྱི་ལོ་༡༩༥༩ལོའི་སྔོན་དུ་འབྲུག་ཆུ་རྫོང་མཁར་དུ་མི་ཆིག་ཁྲི་མ་གཏོགས་མེད་ནའང་ད་ལྟ་རྫོང་མཁར་དུ་མི་ཁྲི་ལྔ་འཚོ་སྡོད་བྱས་ཡོད་ཅིང༌། འབྲུག་ཆུ་རྫོང་ཡོངས་ལ་མི་འབོར་འབུམ་གཅིག་དང་ཁྲི་གསུམ་ལྷག་ཡོད་ལ། དེའི་ནང་དུ་བོད་མི་ཁྲི་བཞི་དང་ཕྱེད་ཙམ་ཡོད་པ་དང་། འབྲུག་ཆུ་རྫོང་གི་མངའ་ཁོངས་སུ་ཞང་༡༧དང་ཀྲིན་ཞེས་པའི་གྲོང་བརྡལ་གཉིས་དང༌། ཚོ་སྡེ་༢༡༠ཡོད། འབྲུག་ཆུའི་ལོ་རྒྱུས་ལྟར་ན་ལོ་ངོ་༥༠འི་ཡར་སྔོན་དུ་འབྲུག་ཆུ་ས་ཁུལ་མང་ཆེ་བ་རང་བྱུང་ནགས་ཚུལ་གྱིས་ཀུན་ནས་གཡོགས་ཤིང༌། ཆུ་གཙང་ལ་རི་ཡག དུས་བཞི་གསལ་ཞིང་དགུན་ཁར་མི་འཁྱག་དབྱར་ཀར་མི་ཚ་བའི་གནས་མཆོག་ཏུ་གྱུར་བ་ཞིག་རེད།
༣༽ཆེད་མཁས་བའི་སྡོམ་ཚིག—འབྲུག་ཆུ་རྫོང་གནས་སྤོ་དགོས། དེ་ལས་མང་། »

ཀྱེ་ཀྱེ་མགོ་འཕང་མ་དམའ་ཁྲག་རྩའི་སྦུབས་སུ་བཞུར་བའི་ཡར་ཀླུང་ཁྲག་རྒྱུུན་ད་དུང་མ་ཆད་པས།།
འུ་ཚོར་དེ་རིང་རྒྱ་མི་རེད་ཅེས་གང་སར་སྒྲོགས་པའི་སྤྱི་བརྟོལ་ཅན་གྱི་བླུན་པོ་དེ་ནི་སུ།།
སྔོན་ཚེ་ཁྱེད་ཀྱིས་དཔུང་བ་གཏུམ་པོས་ཁྲང་ཨན་ཡོམ་ཡོམ་བསྒུལ་ནས་ཐང་རྒྱལ་བདས་པའི་གྲིབ་གཟིགས་ཤིག།
དེ་རིང་ད་དུང་ང་ཡི་སེམས་ལ་ཁ་སང་ཁེ་ཉིན་བལྟས་པའི་གློག་བརྙན་བཞིན་དུ་ཁྲ་ལམ་ལམ།།

ཁྱོད་ཀྱིས་ཡབ་མེས་ཡིག་ཚང་ཁྲོད་ནས་ངེད་ཅག་ཟད་ནས་ཡལ་བའི་གཏམ་རྒྱུད་གོ་མྱོང་ཡོད་དམ་ཀྱེ།།
ཁྱོད་ཀྱིས་བཙན་པོའི་གདུང་རྒྱུད་ཁྲོད་ནས་ངེད་ཅག་སྒུར་ནས་སོང་བའི་འཁྱོག་གཟུགས་མཐོང་མྱོང་ཡོད་དམ་ཀྱེ།།
ཁྱོད་ཀྱིས་གུང་གུ་རྨེ་རུའི་འདབས་ནས་ངེད་ཅག་འགྱེལ་ནས་རུལ་བའི་དྲི་ངན་ཚོར་མྱོང་ཡོད་དམ་ཀྱེ།།
ཁྱོད་ཀྱིས་ཐེབ་ཇུ་བྲག་དཀར་རྩེ་ནས་ངེད་ཅག་ངུས་ནས་ཤི་བའི་ལོ་རྒྱུས་མཐོང་མྱོང་ཡོད་དམ་ཀྱེ།།

དབུས་འགྱུར་ཉི་མ་ལྷ་སའི་ཉི་འོད་དྲོན་པོ་ང་ཡིས་ཁྲག་དང་རྔུལ་ཆུས་བསྲུངས་པ་མིན་ན་སུ།།
ཧེབ་ཀྱིས་རི་བོ་ཟ་བའི་དགྱ་ནག་མགོ་བོ་ང་ཡིས་དཔུང་བའི་ཟིལ་གྱིས་མནན་པ་མིན་ན་སུ།།
ང་ཡིས་མཐའ་མཚམས་བརྟན་སྲུང་བྱེད་དུས་ནང་འཁྲུག་བརྒྱབ་ནས་ནང་དམེ་བྱེད་མཁན་ཁྱོད་རང་མིན་ན་སུ།།
ང་ཡིས་ཤི་གསོན་མཉམ་གནས་བྱེད་དུས་ཁང་ཁྱིམ་དྲུད་ནས་ས་མཐར་འབྲོ་མཁན་ཁྱོད་རང་མིན་ན་སུ།།
དེ་ལས་མང་། »

འདི་ནི་གནས་ལུགས་གང་ཡིན་དགོས་པ་སྟེ།
ང་ཚོས་རྫ་གཡམ་སྔོན་པོའི་སྟེང་མིན་པར་རྡོ་གཅལ་ཐོག་གོམ་བགྲོད་བྱེད།
ཁྱེད་ཀྱིས་བློ་ཕམ་པའི་རྣམ་འགྱུར་སྟོན་ཁུལ་བྱེད།
འདི་ལ་ཆོ་གའི་རིན་ཐང་དེ་ཡོད་པར་འགྱུར།
ཞོགས་ཀའི་ཉི་མ་དེ་མཁའ་དབྱིངས་ནས་ཟགས་པར་འགྱུར།
ང་ཚོས་རང་ཉིད་དེའི་མེ་ལྕེ་ལས་སྲུང་བར་བྱེད།
དེ་ནི་བཟོད་དཀའ་བ་ཞིག་མིན་མོད།
ཡིན་ཡང།
ང་ཚོས་ཤར་ཕྱོགས་ནས་འབྱོར་བ་དེར་གཟབ་དགོས་བ་ཤེས་ཡོད།
ང་ཚོ་ནི་འདི་རུ་ཡིད་དུ་འོང་བ་ཞིག་མིན། དེ་ལས་མང་། »