དཀར་ཆག: བཅར་འདྲི་།

<སེམས་འཕྲིན་ཐེངས་གསུམ་པ་>དང་དེའི་སྐོར་གྱི་རྒྱང་འདྲི།


  • རྒྱང་འདྲི་བ། སྐྲན།

    དྲི་བ། ལྷ་མོ་མཚོ་ལགས་ཁམས་བཟང་། དེང་སང་གང་ན་བཞུགས་ཡོད།
    ལན། ཁམས་བཟང་། ང་རང་དེང་སང་ཨ་རིའི་ཁ་ལི་ཧྤོ་ནའི་ཡ་སན་ཧྥན་སུའི་སི་ཁོ་(California San francisco)རུ་བསྡད་ཡོད་ལ་འདིར་སླེབས་ནས་ལོ་གཅིག་དང་ཟླ་གཅིག་ཙམ་ཡིན།
    དྲི་བ། ཁ་སང་ཕྱི་ཚེས་༩ ཉིན་ཁྱོད་ཉིད་དེ་གའི་རྒྱ་ནག་གཞུང་ཚབ་ཁང་གང་དུ་ཕྱིན་པ་དང་དེར་མི་ག་ཚོད་ཅིག་མཉམ་ཞུགས་བྱས་ཡོད་དམ།
    ལན། ཁ་སང་ཁ་ལི་ཧྤོ་ནའི་ཡ་སན་ཧྥན་སུའི་སི་ཁོ་(California San francisco) ཡི་རྒྱ་ནག་གི་གཞུང་ཚབ་ཁང་དུ་ཕྱིན་པ་ཡིན། དེར་ང་ཚོའི་རྒྱབ་སྐྱོབ་བ་ཨ་རིའི་གློག་བརྙན་འཁྲབ་སྟོན་པ་གྲགས་ཆེན་ཕིས་ཁྲིར་ཁོ་ཡོ་ཊི་(Peter Coyote ) ཁོ་རང་དངོས་ཕེབས་ཀྱིས་རྒྱབ་སྐྱོར་བ་གཞན་གྲོགས་པོ་འགའ་དང་། གསར་འགོད་པ་སོགས་བཅས་མི་གྲངས་བཅུ་ལྷག་འཛོམས་འདུག
    དྲི་བ། ཁྱོད་རང་ད་ཐེངས་རྒྱ་ནག་གཞུང་ཚབ་ཁང་དུ་ཕྱིན་པའི་ངོ་བོ་དང་དམིགས་ཡུལ་ཅི་ཡིན་ནམ།
    ལན། ད་ལོར་དོན་གྲུབ་དབང་ཆེན་གྱི་ཁྲིམས་ཆད་ལོ་དྲུག་གི་ཐ་མ་དེ་ཆགས་ཡོད་པ་དང་ཁོང་གི་ཕ་མ་གཉིས་གཙོ་བྱས་ནང་མི་ཚང་མིའི་སེམས་སུ་དཀའ་ངལ་དང་རྔམ་སྐྲག་སྐྱེ་བཞིན་ཡོད་པས་རྒྱ་ནག་གི་བཙོན་འོག་ན་ཡོད་པའི་བཙོན་པ་ཡོངས་གཙོ་བྱས་ཁོ་རང་གི་སྐུ་ལུས་བདེ་ཐང་ངང་གློད་གྲོལ་ཡོང་བའི་རེ་སྐུལ་དང་། གཞན། འདིའི་ཚེས་༡༧ཉིན་དོན་གྲུབ་དབང་ཆེན་ཁོང་གི་སྐྱེས་སྐར་སླེབས་ལ་ཉེ་བས་ནང་མི་ཡོངས་ཀྱིས་རང་རང་གི་སེམས་ནས་ཞུ་འདོད་པའི་སྐད་ཆ་ཡི་གེར་ཕབ་པ་འདི་ལེགས་སྐྱེས་ཤིག་གི་ཚུལ་དུ་ཕུལ་ཡོད་པ་དེ་རྒྱ་ནག་གི་གཞུང་ཚབ་ཁང་དུ་བསྐྱལ་བར་ཕྱིན་པ་ཡིན། དེ་ལས་མང་།»

  • སྲིད་དབང་མང་གཙོ་དང་སྒེར་གཅོད།

  • སྲིན་འཛིན་ནཱེ་རཱོ་ཡིས་བརྩམས། ན་བུན་གྱིས་བསྒྱུར།

    1བྷེ་ནཱེ་ཐའོ.མཱོ་སཱོ་ལེ་ནཱེ (Benito Mussolini) ཡིས་རང་ཉིད་ཨཱི་ཌ་ལེ་རྒྱལ་ཁབ་ཀྱི་བཀས་བཀོད་རྒྱུན་འཛིན་སྲིད་དབང་སྒེར་གཅོད་ཀྱི་ལམ་དུ་སྐྱོད་པའི་མིག་དཔེ་དེས་ཡོ་རོབ་གླིང་གི་ཡིད་དབང་ཅིག་ཅར་དུ་འཕྲོག་ཡོད་ལས་ཆེ་སྟེ། ཁོས “ཡོ་རོབ་གླིང་གིས་སྟོང་ཆར་ལྷག་པའི་སྲིད་སྟེགས་སྟེང་དུ་འཇོན་ནུས་ལྡན་པའི་སྐྱེ་བུ་ཞིག་སྡོད་པར་རེ་ལྟོས་འཆའ་བཞིན་ཡོད”ཅེས་ཟེར། རྒྱལ་ཁབ་མང་པོ་ཞིག་གི་ནང་སྲིད་དབང་སྒེར་གཅོད་ལམ་ལུགས་དར་རྒྱས་སུ་ཕྱིན་པ་དང་གྲོས་ཚོགས་ཁག་རྩ་མེད་བཟོ་བའམ་ཉམས་ཉེས་སུ་གཏོང་རྒྱུ་དེ་ཁོ་ཚོའི་རེ་འདུན་ཉག་གཅིག་ཡིན་ཞིང་། སི་པན་རྒྱལ་ཁབ་འདི་ཡང་གང་དེའི་མཚོན་དཔེ་འཁྲུལ་མེད་ཅིག་རེད་འདུག།
    ལར་སི་པན་རྒྱལ་ཁབ་ནི་འཛམ་གླིང་འཁྲུག་ཆེན་ནང་ཚུད་མེད། རྒྱལ་ཁབ་དེས་སྲིད་དབང་སྒེར་སྡོམ་ལམ་ལུགས་ཀྱི་ཕྱི་རོལ་ཏུ་གཡུལ་ལ་བྲེལ་བའི་རྒྱལ་ཁབ་ཁག་གི་ནང་ཚོང་ཟོང་བྲིན་ཏེ་དངུལ་ལོ་འབོར་ཆེན་གཉེར་བཞིན་ཡོད་རུང་། ཡུལ་དེར་ད་དུང་རྙོག་འཛིང་ཤིན་ཏུ་ཆེ་སྟེ་བཟོ་ལས་ཐད་ནས་ཀྱང་ཧ་ཅང་རྗེས་ལུས་ཐེབས་པའི་རྒྱལ་ཁབ་ཅིག་རེད།
    ཨ་རི་དང་ཨེ་ཤ་ཡའི་རྒྱལ་ཁབ་ཁག་གིས་སི་པན་རྒྱལ་ཁབ་ཀྱི་གྲུ་ཁར་ཚོང་ཟོང་འབོར་ཆེན་འདྲེན་སྐབས་ཡོ་རོབ་གླིང་དུ་སི་པན་རྒྱལ་ཁབ་ཀྱི་སྟོབས་ཤུགས་ཆེས་ཆེར་རྒྱས་པའི་ལོ་རབས་ཤིག་ཡིན་རུང་། ཡོ་རོབ་གླིང་དུ་ཁྱད་དབང་གི་མངའ་ཐང་དར་བའི་རྒྱལ་ཁབ་དག་གི་གྲས་སུ་མ་ཚུད། དེ་ལས་མང་།»

  • ནང་བསྟན་རིག་མཛོད་འཕྲུལ་དེབ་སྐོར་དྲི་བ་དྲིས་ལན།

  • དྲི་བ་འདྲི་མཁན་ཀླུ་སྨྱོན།
    དྲིས་ལན་པ་བེ་རི་རིག་པའི་རྡོ་རྗེ།

    དྲི་བ། ཁྱེད་ཀྱིས་རང་ཉིད་ཀྱི་ལོ་རྒྱུས་ངོ་སྤྲོད་ཅིག་གནང་རོགས།
    ལན། ང་ནི་ཆེས་སྤྱིར་བཏང་གི་གྲྭ་རྐྱང་དཀྱུས་མ་ཞིག་ཡིན་ལ་ངའི་ལོ་རྒྱུས་ཡང་ཆེས་སྤྱིར་བཏང་བ་ཞིག་ཡིན་པས་བཤད་རིན་ཡོད་པ་ཅི་ཡང་མེད། འོན་ཀྱང་ཁྱེད་ཀྱི་དྲི་བར་ལན་ཅིག་མ་བཏབ་ན་མི་འགྲིག་གི ངའི་མིང་ལ་བེ་རི་རིག་པའི་རྡོ་རྗེ་ཟེར་ཞིང་སྐྱེ་ཡུལ་མདོ་སྨད་མགོ་ལོག་ཡིན། ཆུང་དུས་ནས་ཕ་མས་བཀོད་སྒྲིག་ལྟར་དགོན་པར་ཞུགས་ནས་གྲྭ་བ་བྱས། ཕྱི་ལོ་ ༡༩༩༦ ལོར་རྒྱ་གར་དུ་ཕྱིན་ཅིང་ཕྱི་ལོ་ ༢༠༠༤ ལོར་ཨ་རིར་སླེབས། ད་ལྟ་ཨ་རིའི་མངའ་སྡེ་བུ་རྒྱས་གནས་ཤར་ལྷོ་བསུ་དཔལ་དུ་ཁ་སོས་ལ་མ་སོས་བྱས་ནས་བསྡད་ཡོད།
    དྲི་བ། ཁྱེད་ཀྱིས་རིག་མཛོད་དྲ་བ་འདི་ཐོག་མར་བཟོ་དུས་ཀྱི་ཀུན་སློང་དང་མགོ་བཙུགས་པའི་ལས་རིམ་སྐོར་ཅིག་གསུངས་རོགས།
    ལན། ཐོག་མར་བསམ་བློ་འདི་འདྲ་ཞིག་བཏང་ནས་མགོ་བཙུགས་པ་ཡིན། དེང་སྐབས་བོད་ཡིག་དྲ་རྒྱ་དང་དྲ་ཐོག་དཔེ་མཛོད་ཁ་ཤས་ཡོད་མོད། ཁག་གཅིག་ནི་བོད་ཀྱི་རིག་གནས་ཉོ་ཚོང་ལྟེ་གནས་དང་། ལ་ལ་ཞིག་ནི་མིང་རྫིག་དོན་གྱིས་སྟོང་བ། ལ་ལ་ཞིག་ནི་ཕྱོགས་རིས་སུ་སོང་སྟེ་རང་ཕྱོགས་ཁོ་ན་ལས་གྲུབ་མཐའ་གཞན་དང་། ཡུལ་ལུང་གཞན་གྱི་རིག་གནས་མེད་པ། ཡང་ཁག་ཅིག་ནི་བོད་ཡིག་དབྱིན་ཡིག་སོགས་སྐད་ཡིག་གཞན་གྱི་རྒྱབ་ཏུ་བཞག་ཡོད་པའི་དབང་གིས། དྲ་རྒྱར་གཟིགས་མཁན་ལ་དབྱིན་ཡིག་གི་ཤེས་ཚད་ངེས་ཅན་ཞིག་མེད་ན། ནང་དོན་འཚོལ་དཀའ་བ་སོགས་བོད་ཀྱི་རིག་གནས་མྱུར་སྐྱོབ་ཀྱི་འཐུས་སྒོ་ཚང་མེད།
    དེར་བརྟེན་ངས་བོད་ཡིག་དང་། བོད་ཀྱི་རིག་གནས་དགོན་སྡེའི་སློབ་གསོ་ཙམ་མ་ཡིན་པར་བོད་ཡིག་དང་། བོད་ཀྱི་རིག་གནས་ཀྱི་ཁྱབ་ཁོངས་ཆེ་རུ་བཏང་ནས་བོད་ཡིག་ཀློག་མཁན་དང་། བོད་ཀྱི་རིག་གནས་ལ་དོ་སྣང་བྱེད་མཁན་སྔར་ལས་ཇེ་མང་དུ་བཏང་ཏེ། བོད་ཡིག་དང་བོད་ཀྱི་རིག་གནས་དེང་རབས་ཅན་དུ་བསྒྱུར་འདོད་པ་དེ་ཡིན།
    སོང་ཙང་ངས་ཕྱི་ལོ་ ༢༠༡༢ ཟླ་ ༢ ཚེས་ ༡༨ ཉིན། ནང་བསྟན་རིག་མཛོད་ཅེས་པའི་དྲ་ཚིགས་འདི་གསར་བཟོ་བྱས་ཏེ། www.rigzod.org ཡོངས་ཁྱབ་ཤར་གཏོང་བྱས་པ་ཡིན། དྲ་ཚིགས་འདིའི་ཁོངས་སུ་བོད་ཀྱི་ཆོས་ལུགས་དང་། རིག་གནས། ཡུལ་སྲོལ་གོམས་གཤིས་སོགས་ཀྱང་འདུས་ཡོད། དེ་ལས་མང་།»

  • བོད་མི་ཞིག་གིས་རྟ་མགྲིན་འཚོའི་ཨ་ཕ་དང་གླེང་མོལ།

  • གསལ་འགྲེལ།འདི་ནི་ཟླ་བ་འདིའི་ཚེས་༧ཉིན་རྟ་མགྲིན་འཚོ་ལགས་ཀྱིས་རང་ལུས་མེར་བསྲེག་བཏང་ནས་སྐུ་གྲོངས་རྗེས་ཁོང་གི་ཨ་ཕས་མྱིག་སྔོན་ལ་ཡོང་མཁན་བོད་མི་ཁ་ཤས་དང་གླེང་མོལ་བྱས་བ་བོད་མི་ཞིག་གིས་ཡིག་ཐོག་ལ་ཕབ་པ་འདིར་བཀོད་པ་ཡིན།

    དཔའ་མོ་རྟ་མགྲིན་འཚོའི་ཨ་ཕ་དང་གླིང་མོལ་བྱོས་པ་།།ཁ་སང་ང་ཚོ་མི་བཅུ་རེབ་གོང་སྒྲོ་རོང་བོ་སྡེ་བར་རྒྱལ་གཅེས་དཔའ་མོ་རྟ་མགྲིན་འཚོའི་ཁྱིམ་དུ་མྱ་ངན་ཞུ་བར་སོང་། ང་ཚོས་དཔའ་མོ་རྟ་མགྲིན་འཚོའི་སྐུ་པར་སྟེང་ཁ་བཏགས་བསྒྲོན་རྗེས་ཁོ་མོའི་ཨ་ཕ་རྟ་མགྲིན་སྐྱབས་དང་གླེང་མོལ་བྱས། ཁོ་མོའི་ཨ་ཕས་གསུངས་དོན་ལ། ངའི་བུ་མོ་ད་ལོ་མོ་ལོ་ཉེར་གསུམ་ཡིན། མིང་ལ་རྟ་མགྲིན་འཚོ་ཟེར། བུ་གཅིག་ཡོད་པའི་མིང་ལ་སྙིང་བྱམས་ཚེ་རིང་ཟེར་ད་ལོ་ལོ་བདུན་ཡིན། ཁོ་མོ་ནི་གཞན་དང་མི་འདྲ་བར་ནམ་རྒྱུན་བོད་དོན་ལ་དོ་སྣང་དང་སེམས་ཁུར་བྱེད་མཁན་ཞིག་ཡིན། ཁོ་མོས་རང་ལུས་མཆོད་མེ་རུ་ཕུལ་བ་ནི་བོད་སྤྱིའི་དོན་དུ་ཡིན་པ་ལས་ཁྱིམ་ཚང་བཟང་ཚང་མ་འགྲིག་པའམ་རྒྱུ་རྐྱེན་གཞན་གང་ཡང་མིན། མོར་བསམ་བློ་འདི་འདྲ་ཞིག་སྐྱེས་པའི་རྒྱུ་རྐྱེན་གཙོ་བོ་ནི། ཟླ་གཅིག་མ་ཟིན་ཙམ་གྱི་སྔོན་ལ་ངེད་ཕ་བུ་གཉིས་འཕྲུལ་རྟར་ཞོན་ཏེ་མདོ་བ་ཞང་ཐོག་ལ་སོང་། ཏག་ཏག་ཉིན་དེར་རེབ་གོང་རྫོང་ཨུའི་ཧྲུའུ་ཅི་གསར་བ་ཅང་ཧྲུའུ་ཁྲིན་ཟེར་བ་དེ་མདོ་བ་ཞང་ཐོག་ལ་ཡོང་སྟེ་༸རྒྱལ་བ་རིན་པོ་ཆེའི་སྐུ་པར་ཚོང་ཁང་དུ་བཙོང་མི་ཆོག་པ་དང་ཁྱིམ་ཚང་དུ་ཉར་མི་ཆོག་པའི་སྲིད་ཇུས་ངན་པ་ལག་བསྟར་བྱས་པ་དང་། ཞང་སྲིད་གཞུང་གི་སྒོ་ཁར་ཁ་བྲལ་ལ་ངོ་རྒོལ་བྱེད་དགོས་ཟེར་བ་སོགས་ཀྱི་སྦྱར་ཡིག་སྦྱར་འདུག དེ་ལས་མང་།»

  • འུ་ཅག་མི་རིགས་ལ་ཆ་མཚོན་ན་ཆབ་སྲིད་ཤེས་ལྡན་པ་མང་པོ་ཞིག་གསོ་སྐྱོང་བྱེད་རྒྱུ་གལ་ཆེན་རེད།

  • བཅར་འདྲི་བ་ཐོར་རྒོད་པ་སྤྱན་ཆབ།

    དྲི་བ། ཐོག་མར་ཁྱོད་ཀྱི་སློབ་སྦྱོང་གི་བརྒྱུད་རིམ་དང་འབྲེལ་ནས་རང་ཉིད་ངོ་སྤྲོད་མདོར་བསྡུས་ཤིག་གནང་ན་གང་འདྲ་འདུག་ལགས།
    ལན། ཆོག་གི ངའི་མིང་ལ་འཛུམ་ཆུང་བཀྲ་ཤིས་ཟེར་ཞིང། བོད་ཨ་མདོ་གཅན་ཚ་ནས་སྐྱེས་ཤིང་ཡུལ་ནས་སློབ་ཆུང་དང་སློབ་འབྲིང་དང་པོ་བར་སློབ་གྲྭར་འགྲིམས་ཤིང་གོ་དགུ་ལོའི་ལོ་མཇུག་ལ་རྒྱ་གར་དུ་སྐྱབས་བཅོལ་དུ་ཡོང་ཞིང། སུ་ཇཱ་བོད་ཁྱིམ་དུ་འཛིན་རིམ་བཅུ་པ་དང་གོ་པལ་པུར་བོད་ཁྱིམ་དུ་འཛིན་རིམ་བཅུ་གཉིས་མཐར་ཕྱིན་པ་དང། དེ་ནས་ལྡི་ལི་གཙུག་ལག་སློབ་ཆེན་དུ་ལོ་ངོ་གསུམ་རིང་ཆབ་སྲིད་རིག་གནས་ལོ་གསུམ་ལ་སློབ་གཉེར་གྱིས་རབ་འབྱམས་པའི་སློབ་མཐར་ཕྱིན་ནས་ད་ལྟ་མུ་མཐུད་དུ་སློབ་གཉེར་གྱི་ཞོར་ལ་དབུས་བོད་མིའི་སྒྲིག་འཛུགས་ཀྱི་ཚོགས་དྲུང་ལས་ཁུངས་སུ་དང་བླངས་ཞབས་ཞུ་ཞུ་བཞིན་པའི་སྒང་ཡིན་ལགས།
    དྲི་བ། སྤྱིར་བཏང་བོད་ཕྱི་ནང་གཉིས་ནས་སློབ་སྤྱོང་སྤྲོད་སྟངས་དང་རྒྱ་གར་བའི་སློབ་ཆེན་ནས་སློབ་སྦྱོང་སྤྲྲོད་སྟངས་གསུམ་གྱི་བར་ན་ཧེ་བག་གམ་མ་འདྲ་བའི་ཁྱད་པར་ག་རེ་འདུག་གམ། ཡང་ན། ཉིད་ཀྱིས་བསམ་ན་གང་ཞིག་ཡིད་དང་མཐུན་ཞིང་འཐུས་སྒོ་ཚང་བར་སྙམ།
    ལན། སྤྱིའི་ཆ་ནས་བསྡུར་ན་སློབ་ཆེན་དང་སློབ་འབྲིང། དེ་བཞིན་སློབ་ཆེན་གསུམ་སློབ་སྦྱོང་གི་སྦྱང་བྱ་དང། སློབ་སྦྱོང་བྱེད་སྟངས། དེ་བཞིན་སློབ་སྦྱོང་སྤྲོད་སྟངས་ལ་ཧ་ཅང་ཁྱད་པར་ཆེན་པོ་ཡོད་པ་རེད། ང་ཚོས་བོད་ཕྱི་ནང་གཉིས་ཀྱི་སློབ་སྦྱོང་སྤྲོད་སྟངས་ལ་ཆ་བཞག་ནས་བཤད་ན། སློབ་ཚན་དང་སློབ་སྦྱོང་གི་སྤྲོད་སྟངས་ལ་ཧ་ཅང་ཁྱད་ཆེན་པོ་འདུག དཔེར་ན་བོད་ནང་ལ་ཆ་མཚོན་ནས་བཤད་ན་སློབ་སྦྱོང་གི་ངོ་བོ་དང་ཁྱབ་རྒྱ་དེ་སློབ་ཚན་རང་གི་སྒྲིག་འཛུགས་ལས་ཕལ་ཆེར་བརྒལ་ཐུབ་ཀྱི་མེད་པ་ལྟ་བུ་ཞིག་ཡིན་པས། ཤེས་བྱའི་རྣམ་གྲངས་ཀྱི་ཆ་ནས་ཀྱང་སྐྱོ་བོ་ཡོད་པའི་རྣམ་པ་ཞིག་མཐོང་གི་འདུག རྒྱ་གར་ལ་ཆ་མཚོན་ན་སློབ་སྦྱོང་གི་ཁོར་ཡུག་དང་མཁའ་དབུགས་ཧ་ཅང་རང་དབང་ཅན་ཞིག་རེད་ལ། སོ་སོའི་སློབ་ཚན་ལས་གཞན་པའི་སྦྱངས་བྱ་མང་པོ་ཞིག་ཀྱང་ལུས་སེམས་གཉིས་ཀྱིས་ཅི་བཞིན་ལོངས་སུ་སྤྱོད་ཐུབ་དུས། ཕྱི་ནང་གི་སློབ་སྦྱོང་མང་པོ་ཞིག་རང་དབང་ཅན་གྱི་སློབ་སྦྱོང་གི་ཁོར་ཡུག་འདིས་མཁོ་སྤྲོད་བྱེད་ཐུབ་ཀྱི་ཡོད་པ་རེད། དེར་བརྟེན། སློབ་མ་རང་ཉིད་ལ་སློབ་སྦྱོང་བྱེད་རྒྱུའི་འདུན་མ་དང་རེ་བ་། དེ་བཞིན་འཆར་གཞི་སོགས་ཡོད་ན། སློབ་སྦྱོང་གི་ཁོར་ཡུག་ཅིག་ཡོད་ཡོད་པ་ལྟ་བུ་ཞིག་ཏུ་སྣང་གི་འདུག རྒྱུ་མཚན་འདི་དག་ལ་བརྟེན་ནས། རྒྱ་གར་གྱི་སློབ་སྦྱོང་གི་ཁོར་ཡུག་དེ་ཅུང་ཙམ་འཐུས་ཚང་ལྟ་བུ་ཞིག་ཏུ་སྣང་གིན་འདུག བོད་ཕྱི་ནང་གཉིས་ལ་ཡང་སློབ་ཆུང་སློབ་འབྲིང་གི་སློབ་སྦྱོང་གི་ཁོར་ཡུག་དང་སློབ་ཚན། དེ་བཞིན་སློབ་སྦྱོང་སྤྲོད་སྟངས་སོགས་ཚང་མར་ཁྱད་པར་ཞིག་མཐོང་གི་འདུག དེ་ལས་མང་།»

  • རྒྱ་ནག་དབུས་བརྙན་འཕྲིན་ཁང་གིས་བོད་མིའི་མེར་སྲེག་དོན་རྐྱེན་ལ་ལོག་འགྲེལ་ཐད་སྐྱབས་རྗེ་ཀིརྟི་རིན་པོ་ཆེར་བཅར་འདྲི།

  • གསལ་འགྲེལ།འདི་ནི་འོད་དཀར་དྲ་ཚིགས་ཀྱིས་༧སྐྱབས་རྗེ་ཀིརྟི་རིན་པོ་ཆེར་བཅར་འདྲི་གནང་་བ་ཞིག་ཡིན།

    CCTV ནས་བོད་མིའི་མེར་སྲེག་དོན་རྐྱེན་སྐོར་ལ་ལོག་འགྲེལ་བྱས་པའི་ཐད་ྋསྐྱབས་རྗེ་ཀིརྟི་རིན་པོ་མཆོག་ལ་དྲི་བ་ཞུས་ཡོད།
    ༡༽ དྲི་བ། ཉེ་ཆར་རྒྱལ་སྤྱིའི་ཐོག་ CCTVབརྙན་འཕྲིན་བརྒྱུད་ལམ་ནས་བོད་ནང་གི་རང་སྲེག་གི་ལས་འགུལ་རིམ་པ་བྱུང་དང་འབྱུང་བཞིན་པའི་གནས་ཚུལ་དང་འབྲེལ་ནས་ྋགོང་ས་ྋསྐྱབས་མགོན་ཆེན་པོ་མཆོག་དང༌། བོད་གཞུང༌། ལྷག་པར་རིན་པོ་ཆེ་བཅས་ལ་སྐྱོན་འཛུགས་སྣ་ཚོགས་ཞུས་ཡོད། རིན་པོ་ཆེ་མཆོག་གིས་སྐྱོན་བརྗོད་འདི་དག་གསར་ཁང་གིས་སྤེལ་བའི་མཐོང་ཚུལ་ཙམ་ལ་ངོས་འཛིན་གནང་གི་ཡོད་དམ། རྒྱ་གཞུང་གི་བསམ་ཚུལ་ཡིན་པར་ངོས་འཛིན་གནང་གི་ཡོད།
    དྲིས་ལན། སྤྱིར་རྒྱ་བོད་གཉིས་ཕན་ཚུན་དགག་བཞག་ལྟ་བུས་བཤད་རེས་བྱས་པས་ཕན་ཐོགས་ཡོད་པ་ཞིག་མ་མཐོང༌། བདེན་པ་ལ་ངོས་ལེན་མ་བྱས་དུས་ནོར་འཁྲུལ་ཡོ་བསྲང་བྱེད་མི་ཐུབ་ནའང་རྒྱ་ནག་གི་མི་མང་པོ་མགོ་སྐོར་འོག་ཏུ་མི་ཚུད་པའི་ཆེད་ཁྱེད་ཀྱི་དྲི་བར་ལན་འདེབས་ཕྲན་བུ་རེ་བཤད་འདོད་བྱུང༌།
    རྒྱ་ནག་གི་གསར་འགོད་པར་སྨྲ་བརྗོད་ཀྱི་རང་དབང་མེད་པ་ནི་ཡོངས་གྲགས་རེད། ལྷག་པར་ CCTV གསར་འགྱུར་ཁང་ནི་རྒྱ་ནག་དབུས་གཞུང་གི་ཐད་ཀའི་སྟངས་འཛིན་འོག་ཏུ་ཡོད་པའི་གསར་ཁང་ཞིག་ཡིན་དུས་རྒྱ་ནག་གཞུང་གི་བསམ་ཚུལ་དང་རྒྱ་དམར་སྲིད་གཞུང་གིས་བོད་ཐོག་འཛིན་པའི་སྲིད་བྱུས་ཀྱི་ལངས་ཕྱོགས་ཁོ་ན་མ་གཏོགས་རྒྱ་ནག་གཞུང་གི་ལྟ་ཚུལ་དང་མི་མཐུན་པའི་དངོས་ཡོད་བདེན་པའི་གནས་ཚུལ་གང་ཡང་བཤད་ཐུབ་ཀྱི་མེད་པ་གསལ་པོ་རེད། ཕྱིའི་རྣམ་འགྱུར་ལ་གསར་འགོད་པས་སྤེལ་བ་ཡིན་མདོག་ཙམ་ལས་དོན་ལ་རྒྱ་ནག་དམར་པོའི་སྲིད་གཞུང་གི་དྲིལ་བསྒྲགས་ཀྱི་སྐད་ཆ་རང་རེད། དེ་ལས་མང་།»

  • སྨན་པ་ཉི་ཟླ་ལྕེ་ནང་ཚང་ལ་རྒྱང་འདྲི་ཞིག

  • བཅར་འདྲི་གནང་མཁན། ཐོར་རྒོད་པ་སྤྱན་ཆབ།

    ཐོར་རྒོད་པ་སྤྱན་ཆབ། ཐོག་མར་ཁྱོད་ཀྱི་སློབ་སྦྱོང་གི་རྒྱུད་རིམ་དང་འབྲེལ་ནས་ངོ་སྤྲོད་ཅིག་བྱེད་རོགས་གནོངས།

    ཉི་ ཟླ་ལྕེ་ནག་ཚང། ངའི་མིང་ལ་སྨན་པ་ཉི་ཟླ་ལྕེ་ནག་ཚང་ཟེར་། རྒྱལ་སྤྱིའི་བོད་ཀྱི་གསོ་རིག་གླིང་འཛུག་མཁན་དང་བོད་སྨན་གསོ་རིག་རྒྱུད་བཞི་ དང་གཡུ་ ཐོག་སྙིང་ཐིག་གི་སློབ་ཁྲིད་དགེ་རྒན་ཡིན། སྔགས་མང་ཞིབ་འཇུག་ཁང་འཛུག་མཁན་དང་སློབ་སྟོན་པ་ཡིན།ཆུང་དུས་ལོ་དྲུག་ཙམ་ནས་ རྨ་ལྷོ་དམག་ཁྲང་འབྲོག་པའི་སྦྲ་གུར་སློབ་གྲྭར་བསྐྱོད། དེ་རྗེས་སུ་རྨ་ལྷོ་མི་རིགས་སློབ་འབྲིང་དུ་ཞུགས། ༡༩༨༥ལོར་ནས་༡༩༨༩ལོར་བར་རེབ་གོང་དགེ་འོས་སློབ་གྲྭ་འགྲིམས་ལ་རྗེས་སུ་རྨ་ལྷོ་ སོག་རྫོང་མི་རིགས་སློབ་འབྲིང་གི་དགེ་རྒན་ལོ་གཅིག་ལྷག་བྱས། ༡༩༩༠ལོར་ནས་རྨ་ལྷོ་རྫོང་སོག་བོད་སྨན་ཁང་དུ་བོད་སྨན་གཞུང་ལུགས་དང་ལག་ལེན་ གཉིས་ཆར་སློབ་སྦྱོང་བྱས། ༡༩༩༡ལོར་ནས་༡༩༩༦ལོ་བར་དུ་བོད་ལྗོངས་གསོ་རིག་སློབ་གྲྭ་ཆེན་མོ་རུ་དེང་རབས་ གསོ་རིག་གི་རྨང་གཞི་དང་། བོད་ཀྱི་གསོ་བ་རིག་པ་ལ་སློབ་གཉེར་བྱས། ༡༩༩༦ལོར་བོད་ཀྱི་གསོ་རིག་གི་ལག་ལེན་ནི་ལྷ་ས་སྨན་རྩིས་ཁང་དང་ལྷོ་ཁ་སྨན་རྩིས་ ཁང་དུ་སྦྱངས། ཁྱད་པར་དུ་མཁན་པོ་ཚུལ་ཁྲིམས་རྒྱལ་མཚན་དང་མཁན་པོ་ཁྲོ་རུ་ཚེ་རྣམ་མཆོག་ཟུང་ལས་ བོད་ཀྱི་གསོ་བ་རིག་པ་དང་གཡུ་ཐོག་སྙིང་ཐིག གསང་སྔགས་སྐོར་ལ་སོགས་པ་སྦྱངས། དེ་དང་མཉམ་དུ་རྣལ་འབྱོར་མ་ངག་དབང་རྒྱལ་མཚན་དང་ཆོས་ཉིད་རིན་པོ་ཆེ་ལ་སོགས་པ་ ནས་རྙིང་མའི་ཆོས་སྐོར་བཀའ་གཏེར་གྱི་དབང་ལུང་ཁྲིད་གསུམ་མང་དུ་ཞུས། ༡༩༩༧ལོར་ལྷ་ས་མྱུར་སྐྱོབ་སྨན་ཁང་དུ་དེང་རབས་སྨན་གྱི་སློབ་སྦྱོང་དང་དེའི་ སྐོར་ལ་སྐད་བསྒྱུར་བྱས། འདི་གསོ་རིག་དྲྭ་བ་ལས་བཤུས། www.sorig.net དེ་ལས་མང་།»

  • བླ་གཟའ་ལྷག་དཀར་ཉིན་མོར་བོད་ཆས་གྱོན།བོད་སྐད་གཙང་མ་བཤད།





  • སྤྱི་ཚོགས་མེ་ལོང་གསར་འགོད་པ། དགེ་འདུན།

    ཐོག་མར་མཚན་དང་ཕ་ཡུལ་ངོ་སྤྲོད། ༡༽དྲི་བ། ཐང་ཁྲོམ་སྟོན་མཁན་ཚོས་ལྷག་དཀར་སྲུང་བརྩི་བྱས་ཏེ་གཟའ་ལྷག་པའི་ཉིན་ངེས་པར་དུ་བོད་ཆས་གྱོན་དགོས་པ་དང༌།གལ་སྲིད་མ་གྱོན་ན་སྒོར་༡༠༠ ཆད་པ་ཡོད་པའི་སྒྲིག་གཞི་ཞིག་བཞག་ཡོད་པ་དེའི་ཐད་ལ་བསམ་ཚུལ་ག་འདྲ་འདུག་གམ།༢༽ སྤྱིར་ཁྱེད་རང་བོད་ཆས་གྱོན་པར་དགའ་བོ་ཡོད་དམ་མེད། གལ་སྲིད་དགའ་བོ་ཡོད་ན་རྒྱུན་དུ་མི་གྱོན་པའི་རྒྱུ་མཚན་དང༌།དགའ་བོ་མེད་ན་མི་དགའ་བའི་རྒྱུ་མཚན་གང་རུང་གསུང་རོགས་ཞུ།

    ལན། ངའི་མིང་ལ་བསྟན་འཛིན་བྱམས་པ་ཟེར།ཕ་ཡུལ་ཆབ་མདོ་ནས་ཡིན།
    ༡༽ གཟའ་ལྷག་པའི་ཉིན་བོད་ཆས་གྱོན་པ། བོད་སྐད་གཙང་མ་བཤད་པ་བཅས་ནི། བོད་ཀྱི་རིག་གཞུང་བརླག་མི་ཡོང་བའི་ཆེད་དུ་ཡིན་པས་ང་ཚོའི་སྒྲིག་གཞི་འདི་ཡག་པོ་འདུག
    ༢༽ ང་བོད་ཆས་གྱོན་པར་དགའ་བོ་ཡོད།ཡིན་ནའང་རྒྱ་གར་ན་ཚ་བ་ཆེ་བའི་རྐྱེན་གྱིས་བོད་དུ་ཡོད་དུས་ནང་བཞིན་རྟག་པར་གྱོན་ཐུབ་ཀྱི་མི་འདུག

    ལན། ངའི་མིང་ལ་བསེ་བོ་རོང་ཉི་མ་ཟེར།ཕ་ཡུལ་ཨ་མདོ་ཐེ་པོ་ནས་ཡིན།
    ༡༽ སྤྱིར་བཏང་ང་ཚོས་ཁྲོམ་ས་ནས་བོད་ཆས་གྱོན་དགོས་པ་ནི་ལྷག་དཀར་སྲུང་བརྩི་གཅིག་བུ་མ་ཡིན་པར་རྒྱུན་དུ་གྱོན་ཐུབ་པ་དང༌།རང་རིགས་ཀྱི་གྱོན་ཆས་རང་མི་རིགས་ཀྱི་ གོམས་གཤིས་སུ་འཇགས་ཐུབ་པའི་ཆེད་དུ་རེད།དང་པོ་གཟའ་ལྷག་པ་གཅིག་པུར་གྱོན། མཐར་ཉིན་རྟག་པར་གྱོན་མཁན་ཞིག་ཆགས་ཐུབ་པ་བྱེད་དགོས་པས་ངས་ཐང་ཁྲོམ་སྟོན་མཁན་ཚོས་སྒྲིག་གཞི་འདི་ཡག་པོར་མཐོང་སོང༌། དེ་ལས་མང་།»

  • རྩོམ་པ་པོ་ཀླུ་སྨྱོན་ལགས་སུ་རྒྱང་འདྲི་ཞིག

  • བཅར་འདྲི་བ། གངས་དཀར་རྒྱལ་སྲས།

    དྲི་བ། ཁྱེད་རང་ངོ་སྤྲོད་མདོར་བསྡུས་ཤིག་བྱེད་རོགས།

    ལན། ངའི་སྨྱུག་མིང་ལ་ཀླུ་སྨྱོན་ཟེར། ཕ་ཡུལ་མདོ་སྨད་མང་ཡུལ།ཆུང་དུས་སློབ་ཆུང་མཐར་ཕྱིན་རྗེས་རྣམ་དག་ཁྲིམས་ལྡན་གླིང་ཞེས་པའི་དགོན་པ་ཞིག་ཏུ་བླ་མ་དང་དགེ་བཤེས་ལྔ་དྲུག་ཅིག་བསྟེན་ཏེ་ལོ་བཅུར་སུམ་རྟགས་སྙན་ངག་དེང་རབས་རྩོམ་རིག་དང་།བསྡུས་གྲྭ་ལམ་རིམ་ཕར་ཕྱིན་གསང་སྔགས་ལ་ཏོག་ཙམ་ཞིག་སྦྱངས་པ་ཡིན།

    དྲི་བ། ཁྱོད་ག་དུས་ཕ་ཡུལ་དང་གྱེས་པ་དང་དེ་ནས་གང་དུ་ཕྱག་ལས་ཅི་ཞིག་གནང་མྱོང།

    ལན། གོ་བཞི་ལོར་ཕ་ཡུལ་ནས་གྱེས་ནས་རྒྱ་གར་ལྷོ་ཕྱོགས་སུ་ནང་ཆོས་ལ་ཏོག་ཙམ་སྦྱོང་ཞོར་སྒོ་མང་སློབ་གྲྭའི་དགེ་རྒན་བྱས།དེ་ནས་བལ་ཡུལ་དུ་བསྡད་དེ་ལོ་དྲུག་རིང་དགེ་ལུགས་པའི་འཇམ་དབྱངས་བཞད་པ་དང་གུང་ཐང་ཚང་།རྙིང་མའི་གཏེར་སྟོན་མཆོག་གྱུར་བདེ་ཆེན་གླིང་པ་དང་ལྷ་བཙུན་ནམ་མཁའ་འཇིགས་མེད། ས་སྐྱའི་མཁན་ཆེན་ངག་ཆོས་དང་བདག་ཆེན་ཨ་མེས་སོགས་ཀྱི་གསུང་འབུམ།བཀའ་བརྒྱུད་པའི་བཀའ་བརྒྱུད་གསེར་ཕྲེང་སོགས་དཔེ་སྐྲུན་གྱི་ཞུ་ཆེན་པ་དང་ཚགས་པར་ཞིག་གི་སྙན་ངག་རྩོམ་སྒྲིག་པའི་ལས་རོགས་ཀྱང་བྱས་མྱོང་།

    དྲི་བ། ཁྱོད་ཀྱི་བརྩམས་དེབ་ཐོག་མ་གང་ཡིན་པ་དང་ད་བར་དུ་བརྩམས་དེབ་ག་ཚོད་ཡོད། དེ་ལས་མང་།»

  • ང་རང་བཙན་བྱོལ་དུ་ཡོང་དགོས་དོན་ཡང་བོད་ཀྱི་རྩ་དོན་རྩོད་མི་ཆོག་པའི་ཁོར་ཡུག་ཅིག་ནས་མ་བཟོད་པ་ཁོ་ན་ཡིན།


  • བཅར་འདྲི་བ། རྡོ་རྗེ་ཚེ་རིང།

    དྲི་བ། ཐོག་མར་ཁྱོད་རང་ངོ་སྤྲོད་དང་ལོ་རྒྱུས་མདོར་བསྡུས་ཤིག་གསུངས་རོགས།
    ལན། ངའི་མིང་ལ་བསྟན་པ་དར་རྒྱས་ཟེར་བ་དང་ཕ་ཡུལ་ཨ་མདོ་མགོ་ལོག་གཅིག་སྒྲིལ་རྫོང་སོག་རི་ཡུལ་ཚོ་རྫ་ར་རུ་ཆེན་ཟེར་བ་ནས་ཡིན། ང་ཚོ་འབྲོག་པ་ཡིན་སྟབས་ཆུང་དུས་ནས་འབྲོག་ལས་བྱས་པ་དང་། རྗེས་སུ་དགོན་པ་ཞིག་ཏུ་སོང་ནས་ཅུང་ཙམ་བསྡད་པ་ཡིན། སྤྱི་ལོ༢༠༠༠ལོར་བཙན་བྱོལ་དུ་ཐེངས་དང་པོ་ཡོང་ནས་རྒྱ་གར་དུ་ལོ་གཅིག་ལྷག་ལ་བསྡད་པ་ཡིན། སྐབས་དེ་དུས་བོད་ཕྱི་ནང་ཕན་ཚུན་ལ་དེང་སང་ནང་བཞིན་དྲ་རྒྱ་སོགས་ལྟ་བུའི་རྒྱུད་ལམ་སྟབས་བདེ་བོ་མེད་པས་ང་རང་གི་ངོས་ནས་བཙན་བྱོལ་ནང་གི་ཡིག་ཆ་རེ་དང་༸གོང་ས་མཆོག་གི་བཀའ་སློབ་རེ་བོད་དུ་བཀྲམ་ཐུབ་ན་ཡག་པོ་འདུག་སྙམ་པའི་ཀུན་སློང་གིས་རྒྱུད་སྐུལ་ནས་༼མ་འོངས་བོད་ཀྱི་ཆབ་སྲིད་ལམ་སྟོན་༽དང་༼རྩ་ཁྲིམས་ལམ་སྟོན།༽༼བཙན་བྱོལ་བོད་ཀ ྱི་བཅའ་ཁྲིམས།༽༼ངོས་ཀྱི་ཡུལ་དང་ངོས་ཀྱི་མི་མང་།༽༼བཀའ་སློབ་སྙིང་གི་ནོར་བུ།༽ལ་སོགས་པའི་དེབ་གྲངས་༡༤༥དང་ དེ་ལས་མང་།»

  • WordPress Themes