(ཁྱོད་རང་ནམ་ཡང་ཕྱིར་ལོག་མི་ཉན། ས་ཆ་དེ་གར་གཏན་སྡོད་བྱེད་རོགས། ཞེས་ ༢༠༠༩ ཟླ་ ༢ ཚེས་ ༡༠ ཉིན་མི་གཤིས་ཟོལ་བྲལ་གྱི་ཨ་ཕའི་ཞལ་ཆེམས་འབྱོར་རྗེས།)

ཀ
དུས་རབས་ཀྱི་འཐོར་རླུང་རྩུབ་མོས་ས་སྒང་གི་རྨི་ལམ་བསིལ་བུར་གཏོར་བའི་མཚན་ལྗོངས་རིང་མོ་དེའི་འགྱུར་ཁུག་ཁྲོད། ཁོ་བོའི་ལས་དབང་གི་རྣམ་ཤེས་ཕྲ་མོའི་འབོད་པ་སྙི་མོས། ཨ་ཕ་ལགས། ཁྱེད་རང་ཆེས་མཐའ་མའི་གཤགས་བཅོས་ཀྱི་སྟེགས་བུ་ལས་བསྐྱར་དུ་མི་ཡུལ་ལ་ལོག་པའི་སྟེས་དབང་གི་རྒྱལ་ཁ་དཀར་པོ། ཁྱིམ་གཞིས་ཆུང་ཆུང་དེའི་བླ་སྲོག་གི་མེ་ལྕེ་སྦོར་བའི་ལྷ་ཡི་དཔལ་འབར་དུ་གྱུར་པའི་རིན་ཐང་བྲལ་བའི་ལོ་རྒྱུས་ཀྱི་ལ་གླུ་སྙན་མོ་དེ་བཞིན། དུས་རབས་ཕྱེད་ཡོལ་གྱི་བྱ་ལམ་བཅད་
པའི་དོ་ནུབ་ཀྱང༌། སྲིད་པ་ཆགས་གླུའི་ངག་སྒྲུང་ལྟར། འུ་ཚང་གི་ཁྱིམ་མི་རེ་རེའི་མགྲིན་པའི་དབྱངས་རྟར་འཁྱུད་པ་ཁྱེད་ཀྱིས་གསན་པ་ཨེ་བྱུང༌།
ཁ།
ཤིན་ཏུ་ཉམ་ཆུང་ཞིང༌། དམར་ཁྲག་དང་ལྗན་ལྗིན་གྱིས་སྦགས་པའི་ཁོ་བོའི་སྒྱུ་ལུས་རྡོག་པོ་མཐོང་ཐེངས་དང་པོར། ཁྱེད་རང་དགའ་སྤྲོ་དང༌། རེ་འདུན་ཁྲི་ཕྲག་དུ་མའི་མཚོ་ཀློང་དུ་གཡེངས་ནས། དུས་ཚོད་ཀྱི་ཚག་སྒྲ་ཅི་ཙམ་འདས་མིན་གཏིང་བརྗེད་དུ་སོང་བའི་ཤོད་ཚུལ་དེ། ལྷད་མེད་པའི་འཇིག་རྟེན་འདིར་ཁྱེད་ཀྱིས་བདག་ལ་བཅངས་པའི་ཆེས་ཐོག་མའི་ཕ་ལོའི་བརྩེ་འདང་དང༌། མྱི་ཡུལ་གྱི་དྲོ་སྐྱིད་སྣུམ་པོ་ཤ་སྟག་ཡིན་ལ། འོ་ཞུན་ལས་དྭངས་བའི་ཕ་བུའི་དུང་ཀ་ཟབ་མོ་དག་དཀར་ཞིང་གཙང་བའི་ཁ་བའི་འདབ་མ་དང་ལྷན་དུ། ངའི་ཁོར་ཡུག་གང་སར་དལ་བུར་བབས་པའི་ངོ་མཚར་གྱི་བཙས་སྟོན་དེ་ནི་ཇི་འདྲའི་དྲན་འོས་པ་ཞིག་རེད་ཨང༌། དེ་ལས་མང་།»

༡
ཉི་འོད་དང་རི་ཚོགས་ཀྱི་དབུས་ན།ན་བུན་གྱི་ལྭ་བ་མཐུག་པོ་གྱོན་ཏེ་ལྷིང་འཇགས་ངང་གཉིད་དུ་ཡུར་བའི་རང་ཁྱིམ་དེ་དོ་ནུབ་་་་བསིལ་རླུང་དང་འགྲོགས་ཏེ་སྒེའུ་ཁུང་གི་གས་སྲུབ་ནས་ངའི་་་ཡ་ཆུང་སེམས་དབུས་སུ་འཛུལ་ནས་འོང་།
༢
སྐབས་དེར་ཕྱི་གླིང་ན་ཡོད་པའི་གྲོགས་པོ་ཞིག་གི་བརྡ་འཕྲིན་དུ་བོད་མི་རིགས་འདིར་ལོ་རྒྱུས་ཡུན་རིང་ལྡན་ཡོད་པའི་བདེན་རྟགས་སུ་།པོ་ཏ་ལ་དང་།ཇོ་ཁང་།དགོན་སྡེ་སོགས་མང་པོ་ཡོད་པས་ཕྱི་གླིང་པ་ཚོ་འགྲམ་ཆུ་ལྡང་འོང་ཟེར་ཏེ་ཨུ་ཚུགས་ཀྱིས་བརྗོད་དུས་ངའི་སེམས་ནང་རང་ཁྱིམ་ན་ད་དུང་ནས་ཆང་ཚོད་མེད་ལ་ལོངས་སྤྱོད་བཞིན་པའི་གཙང་པ་ཚོ་དང་།ཉིན་གང་གསོལ་ཇ་མངར་མོ་འཐུང་བཞིན་པའི་དབུས་པ་ཚོ།གང་ལྟར་ཉི་མ་སྒྱིད་ལུག་གི་ཕུད་ཀྱིན་པའི་སྤུན་ཟླ་འཐོམ་འཐོམ་དག་ལ་འཁང་ར་དང་བསམ་གཞིགས་མ་བྱེད་ཐབས་མེད་དུ་གྱུར། དེ་ལས་མང་།»

སྨག་རིམ་གྱི་སྲིད་ཞེང་ཇི་འདྲ་མཐུག་ན་ཡང་། སྔས་འབོག་ཏུ་བཅུག་པའི་རྨི་ལམ་ལ་དུས་རྒྱུན་འོད་མདངས་ལམ་ལམ་དུ་འཚེར་བར།ནམ་མཁའི་སྐར་མའི་མཐོང་སྣང་དུ་ང་ཡང་གཟི་མདངས་བཀྲ་བའི་འོད་གོར་ཞིག་ཡིན་པས།ཁོར་ཡུག་ལ་ནམ་ཡང་མ་རིག་པའི་མུན་པ་འཐིབ་མ་མྱོང་།
མདོ་དབུས་ཀྱི་མཐོ་སྒང་ཇི་འདྲ་འཁྱག་ན་ཡང་། ལུག་ལྤགས་ཀྱི་ལྭ་བས་གཅུད་པའི་ཚེ་སྲོག་ལ་བློ་སྤོབས་ཀྱི་གསོན་ཤུགས་འབར་བཞིན་ཡོད་པར། དགུང་སྔོན་ཉི་མའི་བཞུད་ལམ་དུ་ང་ཡང་དྲོད་ཁོལ་འཁྱིལ་བའི་གཟུགས་རིས་ཤིག་ཡིན་ཕྱིན།ཟུངས་ཁྲག་ལ་ནམ་ཡང་སྲ་འཁྲེགས་ཀྱི་ཆབ་རོམ་ཆགས་མ་མྱོང་། དེ་ལས་མང་།»

བུ་ངས་ངུ་སྒྲ་དང་འགྲོགས་ནས་ཁ་བ་དཀར་པོའི་ཡུལ་དུ་ལྟེ་ཁྲག་འཕངས། ཨ་མའི་ནུ་ཞོ་འཐུང་བས་ཞོར་དུ་ཨ་དང་ཨེ་ཞེས་ཚིག་གསལ་མེད་ཀྱང་བཤད་ཁུལ་བྱས། རིམ་གྱི་དུད་འགྲོ་རྐང་བཞི་ལྟ་བུའི་སུག་བཞི་བཙུགས་ནས་འགྲོ། ངའི་ཨ་མའི་བཞིན་རས་ངོས་སུ། བུ་ང་ལ་བཅོས་སུ་མེད་པའི་འཛུམ་མདངས་དང་སེམས་ལ་ནམ་ཡང་བརྗེད་དུ་མེད་པའི་བརྩེ་བའི་རྡོ་རིང་ཞིག་ཚུགས་པ་མ་ཟད། གྲོང་མི་རྒན་གཞོན་མེད་པར་ཕྲུ་གུ་དེ་སྙིང་རྗེ་བ་ལ་ཨང་ཞེས་ཀུན་གྱིས་དགའ་པོ་བྱས་པའི་བུ་ཆུང་ཞིག་ཀྱང་གྱུར་མྱངས༌། དེ་ལྟ་བུའི་དགའ་སྐྱིད་ཀྱི་ཚོར་བའི་ནང་དུ་ནར་སོན་པ་ན། ངའི་རྐང་ཆུང་གཉིས་ཀྱི་རྗེས་དེ་རི་ལུང་ཀུན་ལ་གྲངས་མེད་བཞག། དེ་ནི་རི་ལ་གཡང་ཟོག་རྣམས་ཀྱི་རྗེས་སུ་འགྲོ་ནས་བཞག་པ་དང༌། ལུང་ལ་སློབ་གྲྭ་དང་ཞིང་ལས་བསྙེགས་ནས་བཞག ད་དུང་ངས་ན་ཆུང་བུ་མོ་མང་པོའི་སེམས་ལ་མེ་ཏོག་ཀྱང་བཞད་དུ་ཆུག ཕོ་གཞོན་རྣམས་དང་དཔའ་རྟགས་དང་འཇོན་ཐང་ཡང་ཅུང་ཙམ་རེ་ངོམས་ཁུལ་བྱས། དེ་ལྟ་བུའི་བསམ་མེད་ཀྱི་སེམས་པ་དེ་ཧ་ཅང་གི་སྐྱིད་པོ་ཞིག་རེད། དལ་བུའི་ངང་ཡུལ་ལུང་གི་གནས་སྟངས་དང་གཞན་གྱི་གནོན་ཤུགས་སོགས་ཀྱིས་སེམས་ལ་མ་བདེ་བ་དང༌། རྣམ་རྟོག་འདྲ་མིན་དབྱར་གྱི་སྨུག་པ་བཞིན་དུ་ཀླད་པའི་ནང་དུ་འཕྱོས། ངའི་སེམས་ལ་ཧ་ཅང་ལྗིད་བའི་ཁུར་བོ་ཞིག་བབསཔ་མ་ཟད། རེ་བའི་མེ་ཏོག་ཆེན་པོ་ཞིག་ཀྱང་ངའི་སེམས་པའི་ནང་དུ་བཞད། དེ་ལས་མང་།»

ང་དང་ཁྱོད་ཀྱི་བར་ཐག་ནི་ས་དང་གནམ་ཡིན། ཉིན་དང་མཚན་ཡིན། སྟོད་རྒྱ་གར་དང་སྨད་རྒྱ་ནག་ཡིན། ཚེ་འདི་ཕྱི་ཡིན།
བར་དང་ལྡན་པའི་རྐྱེན་གྱིས། ནམ་ཞིག་ཉི་མ་དང་པད་མའི་བརྩེ་དུངས་ཉིན་མོའི་གླེང་གཞི་རུ་གྱུར་ལ། ཟླ་བ་དང་ཀུ་མུད་ཀྱི་གཏམ་རྒྱུད་དེ་མཚན་མོའི་སྙན་ཚིག་ཏུ་གྱུར་པ་ནང་བཞིན། ང་དང་ཁྱོད་ཀྱི་འབྲེལ་འདྲིས་མི་སྣང་བའི་དྲན་གདུང་དེའང་ཐག་རིང་ཐག་རིང་གི་སོ་སོའི་སེམས་ནང་དུ་བདེ་བའི་དབུགས་དབྱུང་འབའ་ཞིག་ཡིན་པ་ལས། དེས་སོ་སོའི་སེམས་ཁམས་ལ་གནོན་ཤུགས་དང་ལྗིད་ཚད་ཅིག་ཏུ་འགྱུར་ག་ལ་སྲིད།
བར་ཐག་དང་ལྡན་པའི་རྐྱེན་གྱིས། ངས་རང་སྣང་གང་ཤར་གྱིས་ཁྱོད་ཉིད་དྲན་ཆོག་ལ་དྲན་དགོས་པའི་རྒྱུ་མཚན་བཙལ་ནས་མ་རྙེད་ཀྱང་ལོས་ཆོག ཁྱོད་ཀྱིས་ཀྱང་བསམ་གཞིག་རང་མོས་སུ་ལྷོད་ནས་ང་དང་འབྲེལ་ཡོད་ཀྱི་དོན་གང་རུང་ལ་འཆར་ཡན་གྱི་རྟོག་བཟོ་གང་མང་བྱས་ཆོག་པ་རེད།ངའི་སེམས་ལ་བྲལ་གདུང་གི་སྐྱུར་རྩི་སྦྱིན་མ་མྱོང་བའི་ཁྱོད་ཉིད་དང་ཁྱོད་ཀྱི་སྙིང་ལ་དམ་བཅའི་ཐིག་ལེ་ཕབ་མ་མྱོང་བའི་ངེད་གཉིས་ཀྱིས་བར་ཐག་ཡོད་པའི་གོ་སྐབས་འདིར་བརྟེན་ནས་ཕན་ཚུན་འདུ་བྲལ་གྱི་ཆོ་ག་བགྱིས་སམ་མ་བགྱིས་གང་ཡང་ཆོག་སྟེ། རྒྱུ་མཚན་ནི། ངེད་གཉིས་ཀྱི་བར་ཐག་དེ་རིང་དྲགས་དུས་འཇལ་ནུས་ཀྱི་རྩིས་གཞི་འགོད་ཐབས་བྲལ་ལ།ཐུང་དྲགས་དུས་“བར་ཐག”ཅེས་མཚན་ཉིད་ཅིག་འཇོག་རིན་ཀྱང་མེད་པས་སོ།།
བར་ཐག་དང་ལྡན་པའི་རྐྱེན་གྱིས།ངས་རང་གི་སྐྲ་ཉན་རིང་བོ་རྣམས་ཅི་ནུས་ཀྱིས་ཕྱོགས་བཞིའི་རླུང་ལ་བསྐུར་ཅིང་ཡན་ལག་གི་སྟངས་སྟབས་སྣ་ཚོགས་ཅི་འདྲར་ངོམ་ཡང་གཞན་གྱི་བཀག་རྐྱེན་ཐེབས་མི་སྲིད་ལ།ཁྱོད་ཀྱིས་ཀྱང་རང་གི་དུ་བའི་ཨ་ལོང་གོར་མོ་རེ་རེ་གཡས་འཕེན་གཡོན་འཕེན་བྱེད་ཅིང་།བློ་སེམས་རྩེ་གཅིག་གིས་འདང་རྒྱག་གི་སྒོ་མོ་ཅི་དགར་ཕྱི་ཡང་སུ་ཞིག་གིས་ཐེ་གཏོགས་བྱེད་མི་སྲིད།ངེད་གཉིས་ལ་བར་ཐག་གིས་ཆོད་མཚམས་སུ་ནམ་ཡང་འཇིག་རྟེན་དཀར་ནག་གི་ཤི་གསོན་རྒྱུ་ངེས་ལ། ངེད་གཉིས་བར་ཐག་གིས་བཅད་པའི་ས་མཚམས་སུ་ནམ་ཡང་སྲིད་པ་ཆགས་འཇིག་གི་རོལ་དབྱངས་དཀྲོལ་ངེས། དེ་ལས་མང་།»

ལར་ཁོ་བོ་ནི་ཤེས་ཡོན་པ་ཡིན་ཟེར་བའི་རྒྱལ་ནང་གི་བོད་མི་ཕལ་བོ་ཆེ་ལ་ཁོ་ཆད་ཡོད་དེ། གཅིག་ནས་རིག་གནས་ཀྱི་ཆུ་ཚད་མེད་པ་དང་། གཉིས་ནས་ཁ་ཆུང་ཆུང་ནང་ནས་གཏམ་རྫིག་པོ་འབའ་ཞིག་ཕྱུང་བས་ཕྱིར་ནའོ།། གནའ་བོའི་བོད་མི་དང་ཁོ་ཚོའི་གཤིས་ལུགས་ནི་དོན་དམ་ཅི་འདྲ་ཞིག་ཡིན་པ་ཆ་མ་འཚལ་མོད་འོན་ཀྱང་མི་ཚེ་ཐོས་པ་དང་ཤེས་རབ་ཀྱིས་བསྐྱལ་བའི་མཁས་གྲུབ་དེ་ཚོ་ནི་སྙིང་རུས་ཆེ་ལ་བསྲན་ཚུགས་པ། དཔའ་གདེང་ལྡན་ཞིང་ཁོག་གྲིམ་པ། དམ་ཚིག་སྲུང་ཞིང་ལས་འབྲས་རྩི་མཁན་ཤ་སྟག་སྟེ་ཁོང་ཚོས་མཁས་པ་ཞེས་པའི་སྟེང་དུ་ད་དུང་བཙུན་པ་དང་བཟང་བ་ཞེས་པ་ཞིག་ལ་བརྩོན་སྲིད་པར་གཞིགས་ན་ད་ལྟ་མ་བརྟག་མ་དཔྱད་པར་བྱུང་རྒྱལ་དུ་སྡོམ་ཚིག་ཆེན་པོ་འགོད་མཁན་ཚོས་རང་མགོ་གཡོག་བྱེད་ཀྱི་རྩེད་མོ་ཅི་འདྲ་ཞིག་རྩེ་བཞིན་པ་ཤེས་ནུས། མཚན་ཉིད་པ་ཆེན་པོ་ནེ་ཁྲེས་ཤིང་རྟའི་འཁོར་ལོ་འདྲུད་བྱེད་ཀྱི་རྟ་རྒན་ཞིག་ལས་དེང་གི་ཕོ་མོ་གཅིག་ལའང་མི་འཁྱུད་པ་དང་དེའི་རྒྱུ་མཚན་ལྟ་བུར་ང་ཚོར་གནའ་མྱི་ལས་སློབ་ནུས་པ་མང་པོ་ཞིག་ལེགས་བཤད་ཀྱི་མདའ་མོ་རུ་འཕངས་པ་དེས་ཀྱང་རང་རེའི་བསྐལ་བ་སྙིགས་མ་ཞེས་པ་ཤུགས་ཀྱིས་བསྟན་འདུག་པར་སྙམ།
བྱིས་པའི་དུས་སུ། ཁོ་བོས་ཀྱང་བཀྲ་རྒྱལ་ལྟར་རྙིང་བས་རྒུད་པ་མཚོན་ཞིང་གསར་བས་དར་བ་མཚོན་པ་རེད་སྙམ་པའི་དོན་སྤྱི་རིལ་མོ་ཞིག་བཙན་ཐབས་ཀྱིས་བཙིར་ནས་གསར་བ་མིན་ན་རྙིང་བ་ཡིན་དགོས་པ་དང་རྙིང་བ་མིན་ན་གསར་བ་ཡིན་དགོས་པར་འདོད་མོད་གནས་ལུགས་ཀྱི་ཁམས་ཆེན་པོ་དེ་དང་མྱོང་བའི་ཀློང་ཡངས་པོ་དེ་ཡིས་བརྟག་ཅིང་དཔྱད་པར་བྱས་ཚེ་གསར་རྙིང་གཉིས་ཀ་ནི་ཕན་ཚུན་རྐྱ་འཐབ་པའི་གོང་བུ་གཅིག་ལས་སོ་སོར་དབྱེ་རུ་མེད་པ་དེ་གསལ་བོར་ཤེས་བྱུང་། དེ་ལས་མང་།»