མདོ་སྨད་འབྲུག་ཆུའི་ཆུ་ལོག་གོད་ཆག་ཆེད་བདུན་ཚིགས་གཉིས་པའི་མཆོད་འབུལ།

སྤྱི་འཐུས་ཚོགས་གཙོ་སྤེན་པ་ཚེ་རིང་ལགས་བཀའ་ཁྲིའི་འོས་གཞིར་ལངས་རྒྱུ་ཡིན་ཟེར།

སྤྱི་འཐུས་ཚོགས་གཙོ་སྤེན་པ་ཚེ་རིང་ལགས།

ཚེས་༢༨ཉིན་བོད་ཀྱི་དུས་བབ་ཀྱི་གསར་འགོད་པ་དོན་འགྲུབ་བཀྲ་ཤིས་ལགས་ཀྱིས་གནས་ཚུལ་སྤེལ་བ་ལྟར་ན། སྦེལ་ཀོབ་མཉམ་འབྲེལ་ལས་ཁུངས་ཀྱི་བོད་མི་མང་སྤྱི་འཐུས་ལྷན་ཚོགས་ཀྱི་འཕྲལ་སེལ་ཚོགས་དྲུང་ལས་ཁུངས་སུ་བཅར་ཏེ། སྤྱི་འཐུས་ཚོགས་གཙོ་སྤེན་པ་ཚེ་རིང་ལགས་སུ་བོད་གཞུང་དམངས་རྒྱལ་ཡོངས་ཚོགས་ཆེན་དང་འབྲེལ་ཏེ། ཕྱི་ལོ་ ༢༠༡༡ ལོའི་བཀའ་སྤྱིའི་འོས་བསྡུ་ཆེན་མོ་སླེབས་ལ་ཉེ་བའི་སྐབས་འདིར་བཞུགས་སྒར་ངྷ་རམ་ས་ལ་དང་ལྡི་ལི་བོད་སྒར་བསམ་ཡས་གླིང་། ལྷོ་ཕྱོགས་སྦེལ་ཀོབ་བོད་མིའི་གཞིས་སྒར་སོགས་སུ་ཚ་ཚ་འུར་འུར་གྱིས་བཀའ་བློན་ཁྲི་པའི་སྐོར་ལ་བགྲོ་གླེང་དང་། ལས་འགུལ་སྣ་ཚོགས་གོ་སྒྲིག་ཞུ་བཞིན་ཡོད་པ་དང་། གཞུང་འབྲེལ་མིན་པའི་ཚོགས་པ་ཁག་ཅིག་གི་བཀའ་ཁྲིའི་འོས་མིའི་ཁྲོད་སྐུ་ཉིད་སླེབས་ཡོད་སྟབས། སྐུ་ཉིད་སྒེར་ངོས་ནས་བཀའ་བློན་ཁྲི་པའི་འོས་གཞིར་ལངས་རྒྱུའི་ཐུགས་འདོད་ཡོད་མེད་བཅར་འདྲི་ཞུས་སྐབས་ཁོང་གིས། ང་བཀའ་བློན་ཁྲི་པའི་འོས་གཞིར་ལངས་རྒྱུ་ཡིན། ཕྱི་ཟླ་དགུ་བའི་ཚེ་ཤར་ལ་ང་ལ་རྒྱབ་སྐྱོར་བྱེད་མཁན་ཚོས་སྤྱི་ཚོགས་ནང་དངོས་སུ་ཁྱབ་བསྒྲགས་བྱས་ཏེ། ང་རང་གི་ཉམས་མྱོང་དང་། ཁྱད་ཆོས། དམིགས་འདུན་གསུམ་འཁོད་ཡོད་པའི་སྦྱར་ཤོག་ཆུང་ཆུང་ཞིག་བཙན་བྱོལ་བོད་མིའི་གཞིས་ཆགས་ཁག་ཏུ་འགྲེམ་རྒྱུ་རེད། དེ་བཞིན་ང་རང་གི་ངོས་ནས་ཀྱང་བཀའ་ཁྲིའི་སྐོར་གྱི་བགྲོ་གླེང་རིགས་ལ་ཞུགས་རྒྱུ་ཡིན། ཞེས་གསུངས་སོང་། དེ་ལས་མང་།»

གནམ་ལྕགས་ཚགས་པར་གྱི་རྩོམ་སྒྲིག་པ་བཞི་འཛིན་བཟུང་།

འབར་ཁམས་མི་རིགས་སློབ་འབྲིང་ནང་གི་སློབ་མ་“གནམ་ལྕགས་ཚགས་པར་”ཞེས་པའི་རྩོམ་སྒྲིག་པ་བཞི་འདི་ལོའི་ཕྱི་ཟླ་༣ ནང་རྒྱ་ནག་གཞུང་གིས་འཛིན་བཟུང་བྱས་པ་དང། ད་ལྟའི་གནས་སྟངས་ནང་མི་འབྲེལ་ཡོད་སུས་ཀྱང་ཤེས་རྟོགས་བྱུང་མེད་འདུག
ཁོང་ཚོ་འཛིན་བཟུང་དགོས་དགོས་དོན་ཚགས་པར་ཐོག་སློབ་མ་ཚོས་མི་རིགས་དབྱེ་འབྱེད་ཡོད་སྐོར་དང། བོད་མི་རིགས་ཀྱི་དཀའ་ངལ། ༢༠༠༨ ལོའི་བོད་མིའི་ཞི་རྒོལ་ལ་རྗེས་དྲན་བྱས་པ་སོགས་ཀྱིས་ཡིན་འདུག
ཀ་ཉག་ཚེ་རིང་གིས་ཟླ་འདིའི་ཚེས་༢༦ ཉིན་གནས་ཚུལ་མཁོད་སྤྲོད་བྱས་པའི་ནང་འཁོད་དོན། གནམ་ལྕགས་ཚགས་པར་རྩོམ་སྒྲིག་པ་བསོད་ནམས་རིན་ཆེན། རང་ལོ་ ༡༩ འབར་ཁམས་མི་རིགས་ མཐོ་འབྲིང་སློབ་གྲྭར་ སློབ་གཉེར་བྱེད་བཞིན་པའི་ཕྱི་ལོ་ 2010 ལོའི་མཐར་ཕྱིན་སློབ་མ་ཡིན། ཁོ་བོ་ནི་མདོ་སྨད་ རྔ་བ་ཁུལ་མཛོད་དགེ་རྫོང་བྱམས་མེ་ཡུལ་ཚོའི་དགའ་ཆོམ་སྡེ་བ་ནས་ཡིན་ཞིང་། ཕ་མིང་ལ་རིན་རྡོར་དང། མ་མིང་ལ་རྟམ་རྡོ་ཟེར་བ་ཡིན། ཁོང་ཕྱི་ལོ་ ༢༠༡༠ ལོའི་ཟླ ༣ ཚེས་ ༡༧ ཉིན་རྒྱ་ནག་གཞུང་གིས་ མི་རིགས་ཁ་བྲལ་རིང་ལུགས་དང་སློབ་མར་ངན་སྐུལ་གྱི་སྣེ་ཁྲིད་པ་སོགས་ཀྱི་ཉེས་འཛུགས་བྱས་ཏེ་འཛིན་བཟུང་བྱས་ཤིང། རྗེས་སུ་འབར་ཁམས་ནས་ལོ་གཉིས་ཀྱི་བཙོན་འཇུག་ཁྲིམས་ཐག་བཅད་ཡོད་འདུག། དེང་སྐབས་ས་གནས་གཞན་ཞིག་ཏུ་བསྐྱལ་ཡོད་ཚུལ་ཙམ་ལས་གནས་ཚུལ་གསལ་བོ་ཤེས་རྟོགས་མི་འདུག
དེ་ལས་མང་།»

དཔལ་ཡུལ་རྫོང་དུ་རྒྱ་དམག་གིས་མི་བཞི་བསད་ཅིང་མི་སོ་ལྔ་རྨས།

ཟི་ཁྲོན་ཞིང་ཆེན་དར་མདོ་ཁུལ་དཔལ་ཡུལ་རྫོང་ཁྲོམ་མཐར་ཆུ་རྒྱ་ཤོད་སྡེ་བའི་སྟོང་མཐའ་འཁྱིལ་དུ་རྒྱ་གཞུང་གིས་སྔོན་མ་ནས་གསེར་གྱི་གཏེར་ཁ་སྔོག་འདོན་གྱི་ལས་གཞི་རྒྱ་ཆེན་པོ་བརྩམས་ཡོད་ཀྱང་། ཟླ་འདིའི་ཚེས་བཅོ་བརྒྱད་ཉིན་ཡང་ས་དེར་རྒྱ་གཞུང་གིས་གསེར་གྱི་གཏེར་ཁ་སྔོག་འདོན་གྱི་ལས་གཞི་ཆེ་རུ་བརྩམས་རྐྱེན།
སྡེ་བའི་དཔོན་པོ་བཀྲ་ཤིས་བཟང་པོ་ཞེས་པས་གཏེར་ཁ་སྔོག་འདོན་གྱིས་རང་བྱུང་ལ་གོད་ཆག་ཚབ་ཆེན་བཏང་མི་ཆོག་པའི་སྐོར་གྱི་སྙན་ཞུ་རྫོང་སྲིད་གཞུང་ལ་ཕུལ་ཏེ། ཁོང་དང་མཉམ་དུ་སྡེ་མི་བརྒྱ་ལྷག་ཅིག་གིས་ཀྱང་དེ་དོན་རྒྱབ་སྐྱོར་བྱས་པ་དང་། རྫོང་སྲིད་གཞུང་གི་འགྲམ་དུ་ཉིན་བཞི་ཡས་མས་ཤིག་ལ་སྙན་ཞུར་ཡ་ལན་འབྱོར་མིན་ལ་བསྒུགས་ནས་བསྡད་རྐྱེན།
མཚན་མོ་ཞིག་ལ་སྙན་ཞུ་འབུལ་མཁན་གྱི་སྡེ་མི་དག་ཉལ་ནས་ཡོད་སྐབས་དམག་དཔུང་གིས་དེ་ཚོའི་ནང་དུ་དུག་རྫས་གཡུགས་ནས་མི་ཚང་མ་དྲན་མེད་དུ་བརྒྱལ་བཅུག་ཏེ། རླངས་འཁོར་དུ་བཞག་ནས་འདྲུད་རྩིས་བྱེད་དུས་སྡེ་དཔོན་དུག་གིས་བཟི་མ་ཐུབ་པར་ཡར་ལངས་ཏེ་དམག་མིར་ངོ་རྒོལ་བྱས་རྐྱེན་ཁོ་རང་གི་རྐང་པར་དམག་མིས་མེ་མདའ་བརྒྱབས་པ་དང་། དེ་ལས་མང་།»

འབྲུག་ཆུ་རྫོང་གི་ས་གནས་དགོན་པའི་དགེ་འདུན་པ་ཚོས་བསྔོ་སྨོན་གསོལ་འདེབས་བྱེད་པ།

མདོ་སྨད་འབྲུག་ཆུ་རྫོང་དུ་ཆུ་ལོག་དང་ས་འཁྱོལ་རྒྱུགས་པའི་གནོད་འཚེའི་ཁྲོད་།སྤྱི་ཟླ་༨པའི་ཚེས་༡༩ཉིན་གྱི་དུས་ཚོད་བཅུ་བཞིའི་བར་འདས་གྲོངས་ཕྱིན་པའི་མི་གྲངས་༡༣༦༤དང་།མི་གྲངས་༤༠༡བོར་བརླག་ཕྱིན་པ་རྒྱ་ནག་གཞུང་འབྲེལ་ཞིན་ཧྭ་གསར་འགྱུར་ནང་བརྗོད་འདུག ད་ལྟ་འབྲུག་ཆུ་རྫོང་དུ་མྱུར་སྐྱོར་ལས་དོན་ཕལ་ཆེར་མཇུག་སྒྲིལ་ཏེ་།ལས་དོན་གྱི་གནད་འགག་གཙོ་བོ་དེ་མྱུར་སྐྱོབ་ནས་མང་ཚོགས་སྡོད་གནས་བཀོད་སྒྲིག་སོགས་ཀྱི་སྟེང་ཁ་ཕྱོགས་བསྒྱུར་གྱི་ཡོད་ཟེར།དེ་བཞིན་ཚེས་༡༩ཉིན་ཞིན་ཧྭ་གསར་སྤེལ་ཁང་གིས་ཀན་སུའུ་འབྲུག་ཆུ་ནས་གནས་ཚུལ་སྤེལ་བ་ལྟར་ན། འབྲུག་ཆུ་རྫོང་དུ་ཆུ་ལོག་དང་ས་འཁྱོལ་རྒྱུགས་པའི་གནོད་འཚེ་བྱུང་ནས་ཉིན་གྲངས་༡༢ཕྱིན་པའི་དུས་སུ། འབྲུག་ཆུ་རྫོང་གི་སྡེ་བ་བཞིའི་དགོན་པའི་དགེ་འདུན་པ་དྲུག་ཅུ་ལྷག་ནག་ལུང༼རྒྱ་ཡིག་ནང་Hei Yu༽སྡེ་བའི་གསེར་པོ་བཀྲ་ཤིས་ལྷུན་པོ་དགོན་པར་འདུ་འཛོམས་ཀྱིས་འབྲུག་ཆུའི་གོད་ཆག་ཁྲོད་རྐྱེན་འདས་ཕྱིན་པ་རྣམས་ལ་བསྔོ་བ་སྨོན་ལམ་གསུང་ཡོད་པ་རེད།ཐེངས་འདིའི་བསྔོ་སྨོན་གསོལ་འདེབས་འདི་ནི་གསེར་པོ་དགོན་པའི་དགེ་འདུན་པ་ཞིག་གི་བཀོད་སྒྲིག་འོག་ནག་ལུང་དགོན་པ་དང་། བླ་བྲང་དགོན་པ། ཧྲན་ཞིའི་ཀོང་རིན་དགོན་པ། འབྲུག་ཆུ་དགོན་པ་བཅས་ཀྱི་དགེ་འདུན་པ་ཁག་ཅིག་གིས་ཐུན་མོང་ཐོག་མཉམ་སྒྲུབ་གནང་བ་དང་། བསྔོ་སྨོན་གསོལ་འདེབས་དེ་ལུགས་རྙིང་གི་སྤྱི་ཟླ་བདུན་པའི་ཚེས་བཅོ་ལྔ་བར་འཚོགས་རྒྱུ་ཡིན་པ་བཅས་ཞིན་ཧྭ་དྲ་བའི་ཐོག་གནས་ཚུལ་སྤེལ་འདུག

བཀའ་ཁྲིས་གངས་ཅན་སྐྱིད་གཤོངས་སུ་ཡིག་ནོར་འབྲི་བཞིན་པའི་ཐད་ནན་གསུང་གནང་བ།

སློབ་གཞི་དཔེ་དེབ་གསུམ་དབུ་འབྱེད་གནང་ཡོད་པ།

ཟླ་འདིའི་ཚེས་༡༨ ་ཉིན་བལ་ཡུལ་ཁུལ་དུ་རྟེན་གཞི་བྱས་པའི་ཧི་མཱ་ལ་ཡའི་གཞོན་སྐྱེས་དང་།བུད་མེད་ཤེས་ཡོན་འཕེལ་རྒྱས་ལྟེ་གནས་ཁང་གི་སློབ་གཞི་དཔེ་དེབ་ཁག་གསུམ་གོང་ཚེས་ཉིན།སློབ་གཉེར་ཁང་དེའི་ཚོགས་ཁང་དུ་སྐུ་མགྲོན་གཙོ་བོ་བལ་ཡུལ་བོད་གཞུང་སྐུ་ཚབ་དོན་གཅོད་ཁང་གི་སྐུ་ངོ་དྲུང་ཆེ་འཕྲིན་ལས་རྒྱ་མཚོ་མཆོག་གིས་དབུ་འབྱེད་གནང་ཡོད་པ་རེད།
སློབ་གཞི་དཔེ་དེབ་དེ་གསུམ་ནི་ཕྲལ་ཀློག་དང་སྦྱོར་སློབ་དེབ་དང་།ཆོས་ཕྱོགས་ཀྱི་བྱེད་སྒོ་སློབ་དེབ།རྒྱུན་འདོན་ཕྱོགས་བསྡེབས་ཀྱི་དཔེ་དེབ་བཅས་ཡིན་པ་དང་།བོད་ཀྱི་བརྡ་སྐད་ལ་འཇུག་པའི་སྒོ་གོམ་པ་དང་པོ་སྟེ་ཕྲལ་ཀློག་དང་སྦྱོར་ཀློག་དེབ་ཅེས་པའི་ནང་བསྡོམས་སློབ་ཚན་ཁག་མི་འདྲ་བ་སོ་བརྒྱད་དང་།ཆོས་ཕྱོགས་ཀྱི་བྱེད་སྒོ་སློབ་དེབ་ཅེས་པའི་ནང་སློབ་ཚན་ཁག ་མི་འདྲ་བ་ཉེར་གཅིག དེ་བཞིན་རྒྱུན་འདོན་ཕྱོགས་བསྡེབས་ཞེས་པའི་ནང་རྒྱུན་སྤྱོད་ཀྱི་ཞལ་འདོན་ཁག་ཅིག་བཀོད་ཡོད་པ་དང་དེ་དག་ལས་ཁག་ཅིག་ལ་འགྲེལ་བཤད་དང་།ཁག་ཅིག་གི་ངོ་སྤྲོད་ཡང་ཟུར་དུ་བཀོད་འདུག
གླེང་བརྗོད་ནང་གསལ་བ་ལྟར་ན་སློབ་གཞི་དཔེ་དེབ་དེ་དག་ནི་སློབ་གཉེར་ཁང་དེའི་སློབ་མའི་ཡོང་ཁུངས་དང་དགོས་འདུན་བཅས་གཞིར་བཟུང་སྟེ་སྒྲིག་སྐོར་འཁོད་འདུག་པ་མ་ཟད།ཝ་ཎཱ་མཐོ་རིམ་སློབ་གཉེར་ཁང་གི་ངེས་སྟོན་པ་ཟུར་པ་མཁས་དབང་ཟམ་གདོང་རིན་པོ་ཆེ་མཆོག་གིས་ཆེད་བརྗོད་ཀྱི་ཕྱག་ཡིག་ཅིག་ཀྱང་བསྩལ་འདུག དེ་ལས་མང་།»

བོད་རང་དབང་སློབ་ཕྲུག་ཚོགས་པས་ལྷག་དཀར་རྟགས་མ་བཙོན་དུ་ཚུད་པའི་བོད་མིར་ཕུལ་བ།

ཟླ་བ་འདིའི་ཚེས་ ༡༦ ཉིན་བོད་རང་དབང་སློབ་ཕྲུག་ཚོགས་པའི་ལོ་འཁོར་མཛད་སྒོ་ཨ་རིའི་ནེའུ་ཡོག་གྲོང་ཁྱེར་ནང་འཚོགས་ཡོད་ལ། ཚོགས་ཐོག་དེར་ད་ལྟ་བཙོན་དུ་ཡོད་པའི་བོད་ཀྱི་ཆབ་སྲིད་བཙོན་མ་བཞི་ལ། རྒྱལ་གཅེས་དཔའ་བོའི་མཚན་སྙན་མཚོན་པའི་ལྷག་དཀར་རྟགས་མའི་བྱ་དགའ་ཕུལ་ཡོད་པ་དང་། ཁོང་རྣམས་ནི་གཞོན་སྐྱེས་རྩོམ་པ་པོ་གྲགས་ཅན་ཞོགས་དུང་ངམ་བཀྲ་རྒྱལ་ལགས་དང་རོང་རྒྱས་ཨ་གྲགས་ལགས། ནོར་འཛིན་དབང་མོ་ལགས། ཡེ་ཤེས་ཆོས་སྒྲོན་ལགས་བཅས་ཡིན་པ་དང་། ཁོང་ཚོ་ཚང་མ་སྨྲ་བརྗོད་རང་དབང་འབྲེལ་ནས་བཙོན་དུ་ཚུད་པ་ཤ་སྟག་ཡིན་པ་དང་། རྩོམ་པ་པོ་གྲགས་ཅན་ཞོགས་དུང་གིས་གནམ་ས་གོ་འབྱེད་ཅེས་པའི་དེབ་ཅིག་བྲིས་པར་བརྟེན་ད་ལྟ་འཛིན་བཟུང་བཙོན་འཇུག་འོག་ཡོད་པ་དང་། སྨྲ་བརྗོད་རང་དབང་ལ་རྐྱེན་བྱས་ནས་ནོར་འཛིན་དབང་མོར་ལོ་ལྔའི་ཁྲིམས་ཆད་དང་། ཡེ་ཤེས་ཆོས་སྒྲོན་ལ་ལོ་བཅོ་ལྔའི་ཁྲིམས་ཆད། རོང་རྒྱས་ཨ་གྲགས་ཀྱིས་ལོ་བརྒྱད་ཀྱི་ཁྲིམས་ཆད་བཅས་འཁུར་བཞིན་པ་རེད།དེ་མིན་ནེའུ་ཡོག་གྲོང་ཁྱེར་ནང་ལོ་བཅུའི་རིང་དྭངས་བླངས་ཀྱིས་གཟའ་ཉི་མར་བོད་རིགས་ན་གཞོན་ཚོར་བོད་ཡིག་དང་བོད་ཀྱི་རོལ་དབྱངས་སློབ་ཁྲིད་གནང་མཁན་སྐུ་ཞབས་བསྟན་འཛིན་དབང་རྒྱལ་ཡང་བྱ་དགའ་དེ་ཐོབ་མཁན་ཁྲོད་ཀྱི་གཅིག་རེད་། བོད་རང་དབང་སློབ་ཕྲུག་ཚོགས་པའི་ཚོགས་གཙོ་བསྟན་རྡོར་གྱིས་གསུང་ན། ལྷག་དཀར་རྟགས་མའི་མིང་འདི་ནི་ཉིས་སྟོང་བརྒྱད་ཀྱི་ཞི་རྒོལ་ཆེན་མོའི་རྗེས་ནས་བོད་ནས་དར་ཁྱབ་བྱུང་པའི་མི་མང་ལས་འགུལ་ཞིག་ཡིན་ཞིང་། སྔ་ལོ་ནས་བོད་ཀྱི་ས་ཁུལ་གང་ས་ནས་ངོ་བོ་སྣ་ཚོགས་ཀྱི་ཐད་ལ་ལྷག་དཀར་ལས་འགུལ་གྱི་དམ་བཅའ་བཞག་སྟེ། བོད་སྐད་གཙང་མ་བཤད་པ་དང་། བོད་མི་རྣམས་ཀྱིས་བོད་ཀྱི་ཟ་ཁང་ནས་ཟས་བཟའ་བ་དང་། མཁོ་ཆས་རིགས་ཀྱང་བོད་རིགས་ཚོང་ཁང་དུ་ཉོ་ཚོང་རྒྱག་པ། གཟའ་ལྷག་པའི་ཉིན་དཀར་ཟས་ཁོ་ནར་བརྟེན་པ་སོགས་རྒྱ་ནག་དང་མཉམ་ལས་མི་བྱེད་པའི་ལས་འགུལ་དེ་དག་བོད་མི་གཅིག་གྱུར་གྱིས་ལག་བསྟར་བྱེད་ཀྱིན་པའི་ལས་འགུལ་ཞིག་ཡིན། དེ་བཞིན་གཟའ་ལྷག་པ་ནི་གོང་ས་སྐྱབས་མགོན་ཆེན་པོ་མཆོག་གི་སྐུའི་འཁྲུངས་གཟའ་ཡིན་པས། བོད་མི་ཚོས་ཉིན་འདིར་དམར་ཟས་སྤང་སྟེ་དཀར་ཟས་ཟ་བས་ལྷག་དཀར་ཞེས་བརྗོད་པ་དང་། ལྷག་དཀར་རྟགས་མའི་བྱ་དགའ་ཐོབ་མཁན་གྱི་བོད་མི་ཚོས་་ལྷག་དཀར་ལས་འགུལ་གྱི་ཚེ་སྲོག་ལ་དེ་བས་ཀྱང་གསོན་ཤུགས་དང་སྙིང་སྟོབས་སྩལ་ཡོད་ཟེར།

འབྲུག་ཆུ་རྫོང་གི་གནོད་འཚེའི་ཁྲོད་རྐྱེན་འདས་ཕྱིན་པའི་མི་གྲངས་ཉིས་སྟོང་ལྷག་ཏུ་འཕར་བ།

རྒྱ་ནག་གཞུང་འབྲེལ་ཞིན་ཧྭ་གསར་འགྱུར་ནང་གནས་ཚུལ་སྤེལ་བ་ལྟར་ན། ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་མདོ་སྨད་འབྲུག་ཆུ་རྫོང་དུ་སྤྱི་ཟླ་༨པའི་ཚེས་༡༦བར་མི་གྲངས་༢༢༥༤རྐྱེན་འདས་དང་། མི་གྲངས་༤༩༠བོར་བརླག་ཕྱིན་པ། མི་གྲངས་༦༦་ལ་རྨས་སྐྱོན་ཕོག་སྟེ་སྨན་ཁང་དུ་བསྡད་ནས་སྨན་བཅོས་བྱེད་བཞིན་པ་བཀོད་འདུག
ཚེས་༡༥ཉིན་རྒྱ་ནག་གཞུང་གིས་རྒྱལ་ཡོངས་སུ་འབྲུག་ཆུ་རྫོང་ལ་ཆུ་ལོག་དང་ས་འཁྱོམ་རྒྱུགས་པའི་གོད་ཆག་ཁྲོད་འདས་གྲོངས་ཕྱིན་པར་མྱ་ངན་ཞུ་བའི་ལས་དོན་སྤེལ་ཏེ། སྤྱི་བའི་རོལ་རྩེད་ས་ཚིགས་ཡོངས་རྫོགས་ནས་སྤྲོ་སྐྱིད་རོལ་རྩེད་ཀྱི་རིགས་གཅིག་ཀྱང་སྤེལ་མི་ཆོག་པ་དང་། གལ་སྲིད་དེ་དང་རྒྱབ་འགལ་བྱས་ན་ཁྲིམས་ལྟར་ཐག་གཅོད་བྱེད་རྒྱུའི་བརྡ་ཁྱབ་བཏང་ཡོད་པ་དང་། ཨ་རིའི་རླུང་འཕྲིན་ཁང་གི་དྲ་གནས་སུ་བརྗོད་ན། རྒྱ་ནག་གཞུང་གིས་བཙན་ཤེད་རང་བཞིན་གྱིས་མྱ་ངན་ཞུ་སྟངས་འདི་ཁྲིམས་མཐུན་དང་འོས་འཚམས་ཡིན་མིན་ཐད་རྒྱ་ཁྱབ་ཀྱིས་དོག་གཞི་བྱེད་ཀྱིན་ཡོད་འདུག ཚེས་༡༥ཉིན་རྒྱ་ནག་གཞུང་གི་སྡེ་ཚན་དང་ཕྱི་རྒྱལ་ན་བཅའ་སྡོད་གཞུང་ཚབ་ཁང་སོགས་གཞུང་གི་སྡེ་ཚན་ཚང་མས་་རྒྱལ་དར་ཕྱེད་ཀ་མར་ཕབ་ནས་འབྲུག་ཆུའི་གནོད་འཚེའི་ཁྲོད་འདས་གྲོངས་ཕྱིན་པ་ཚོར་མྱ་ངན་ཞུས་ཡོད་པ་མ་ཟད། རྒྱ་ནག་རྒྱལ་ཡོངས་ཀྱི་སྤྱི་པའི་རོལ་རྩེད་ས་ཚིགས་དཔེར་ན་། གློག་བརྙན་སྟོན་ས་དང་གླུ་གར་ཁང་། རོལ་རྩེད་ཁང་སོགས་གང་ནས་ཀྱང་ཉིན་དེར་རོལ་རྩེད་ཚ་ཚང་མཚམས་འཇོག་དགོས་ཚུལ་དང་དེ་ལྟར་མ་བྱས་ན་ཁྲིམས་ལྟར་ཉེས་ཆད་གཏོང་རྒྱུ་ཡིན་ཚུལ་གྱི་བཀའ་རྒྱ་བཏང་ཡོད་པ་རེད་། དེ་ལས་མང་།»

མདོ་སྨད་རྔ་བ་ཁུལ་རྒྱལ་རོང་ཚོ་བདུན་ཀིརྟི་དགོན་པའི་གྲྭ་བ་གཉིས་འཛིན་བཟུང་བྱས་བ།

སོ་དར་ལགས།

དར་རྒྱས་ལགས།

ཕྱི་ལོ་ ༢༠༡༠ ཟླ་ ༨ ཚེས་ ༡༠ ཉིན་རྔ་པ་ཁུལ་འབར་ཁམས་རྫོང་ཁོངས་རྒྱལ་རོང་ཚོ་བདུན་ཀིརྟི་དགོན་པའི་ཆོས་ལུགས་དོ་དམ་ཁང་གི་འགན་འཛིན་གྲྭ་བ་སོ་དར། རང་ལོ་ ༣༨ ཡས་མས་ཤིག་ཡིན་པ་ཁོང་མཛོད་དགེ་རྫོང་ཐོག་གི་རླངས་འཁོར་འབབ་ཚིགས་ནས་ཞོགས་ཀའི་དུས་ཚོད་ ༦ ཙམ་ལ་རྒྱ་གཞུང་གིས་འཛིན་བཟུང་བཀག་ཉར་བྱས་འདུག ཁོང་གི་ཕ་ཡུལ་ཁྱུང་ཆུ་རྫོང་ཁོངས་ཚ་རུ་མ་ནས་ཡིན།
དེ་ལས་མང་།»