དབུ་མའི་ལམ་གྱི་སྲིད་ཇུས་ཀྱི་བྱུང་རིམ་བརྗོད་པ།

བཀའ་ཁྲི་ཟམ་གདོང་རིན་པོ་ཆེ།

༈ཕྱི་ལོ་༢༠༡༠གསུམ་བཅུའི་དུས་དྲན་ཐེངས་༥༡པའི་སྐབས་བཀའ་ཤག་གི་གཏམ་བཤད།

༄༅།།ཕྱི་ལོ་༢༠༡༠ཟླ་༣ཚེས་༡༠འདི་ནི་བོད་མི་རྣམས་ཀྱིས་རྒྱ་ནག་དབང་འཛིན་པར་ཞི་བའི་ངོ་རྒོལ་བྱས་ནས་ལོ་༥༡འཁོར་བའི་དུས་ཚིགས་ཁྱད་པར་ཅན་ཞིག་ཡིན་པས་ད་བར་བོད་བསྟན་སྲིད་ཀྱི་ཆེད་དུ་ལུས་སྲོག་བཏང་བའི་དཔའ་བོ་དང་དཔའ་མོ་རྣམས་ལ་རྗེས་དྲན་དང༌།ད་ལྟའང་མནར་གཅོད་མྱོང་བཞིན་པའི་སྤུན་ཟླ་རྣམས་ལ་གདུང་སེམས་མཉམ་སྐྱེད་ཀྱིས་འཚམས་འདྲི་དང་ཐུགས་གསོ་ཞུ་རྒྱུ་ཡིན།
ལོ་སྔོན་མའི་བཀའ་ཤག་གི་གསུམ་དུས་གཏམ་བཤད་དུ་ཞིབ་ཕྲ་ཞུས་ཟིན་པ་ལྟར་འདས་པའི་མི་ལོ་ལྔ་བཅུའི་རིང་གཞིས་བྱེས་བོད་མི་ཡོངས་ཀྱིས་དཀའ་སྡུག་ཚད་མེད་མྱངས་ཤིང༌།བོད་བསྟན་སྲིད་མི་རིགས་དང་བཅས་པར་སླར་གསོ་མི་ཐུབ་པའི་གོད་ཆགས་ཆེན་པོ་བྱུང་བ་དང༌།དེ་བཞིན་གཞིས་བཞུགས་བོད་རིགས་བགྲེས་གཞོན་བར་གསུམ་གྱིས་སྙིང་སྟོབས་ཞུམ་པ་མེད་པར་བདེན་པའི་འཐབ་རྩོད་རྒྱུན་སྐྱོང་དང༌།བཙན་བྱོལ་དུའང་ཆོས་དང་རིག་གཞུང་འཛིན་སྐྱོང་ཁྱབ་སྤེལ་གྱིས་མཚོན་ཆོས་སྲིད་ཀྱི་བྱ་བ་རླབས་པོ་ཆེ་བསྒྲུབས་པ་སོགས་སྐྱིད་སྡུག་ལེགས་ཉེས་སྣ་ཚོགས་བྱུང་བ་རྣམས་ལ་རྗེས་དྲན་དང༌།ལྷག་པར་བཟང་ཕྱོགས་ཀྱི་གྲུབ་འབྲས་རྣམས་གཙོ་ཆེན་ྋགོང་ས་ྋསྐྱབས་མགོན་ཆེན་པོའི་བླ་ན་མེད་པའི་ཐུགས་བསྐྱེད་དང་འཕྲིན་ལས་ལས་བྱུང་བ་ཡིན་པས་བཀྲིན་རྗེས་དྲན་ཞུ་རྒྱུ་ཡིན།
སྔ་ལོའི་གསུམ་བཅུའི་དུས་དྲན་ནས་བཟུང་ད་ལྟའི་བར་བྱེས་འབྱོར་གཞུང་མང་ཡོངས་ནས་བཙན་བྱོལ་དུ་ལོ་ལྔ་བཅུ་འདས་པའི་སྐྱིད་སྡུག་རྗེས་དྲན་དང༌།གནས་ཡུལ་རྒྱལ་ཁབ་ཁག་ལ་ཐུགས་རྗེ་ཆེ་ཞུའི་ལས་རིམ་སྣ་ཚོགས་སྤེལ་ཏེ་ཉེ་བའི་ཆར་སྲི་ཞུ་བ་ཡོངས་ཀྱིས་ནང་མོལ་ཚོགས་འདུར་འདས་པའི་ཉམས་མྱོང་ལ་བསྐྱར་ཞིབ་དང༌།འབྱུང་འགྱུར་གྱི་བྱེད་སྒོའི་སྐོར་གོ་བསྡུར་ནན་ཟབ་བྱས་པའི་བསམ་འཆར་སྙིང་བསྡུས་ྋགོང་ས་མཆོག་ལ་སྙན་གསན་ཞུས་པ་བཞིན།སླར་ཡང་སྙིང་སྟོབས་བསྐྱེད་དེ་ཇི་སྲིད་བོད་དོན་བདེན་མཐའ་མ་གསལ་བར་བདེན་པའི་འཐབ་རྩོད་འཚེ་བ་མེད་པའི་ལམ་ནས་རྒྱུན་འཁྱོང་བྱ་རྒྱུའི་སེམས་བསྐྱེད་བསྐྱར་ནན་བྱས་པ་འདི་ལ་གཞིས་བྱེས་བོད་མི་ཡོངས་ཀྱིས་མཉམ་རུབ་གནང་བའི་ཡིད་ཆེས་ཡོད། དེ་ལས་མང་།»

༄༅།།གསུམ་བཅུའི་དུས་དྲན་ཐེངས་༥༡པའི་ཐོག་བོད་མི་མང་སྤྱི་འཐུས་ལྷན་ཚོགས་ཀྱི་གསུང་བཤད།

ད་རིང་གསུམ་བཅུའི་དུས་དྲན་ཐེངས་༥༡པའི་དབུ་བཞུགས་སུ་ཆིབས་བསྒྱུར་བཀྲིན་བསྐྱངས་པའི་བོད་མིའི་ཆོས་སྲིད་གཉིས་ཀྱི་དབུ་ཁྲིད།འཛམ་གླིང་ཞི་བདེའི་དེད་དཔོན།སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་ལ་གུས་ཕྱག་སྔོན་དུ་བཏང་བའི་ཐོག་ནས།ད་རིང་འདིར་འདུས་སྐྱབས་གནས་དགེ་འདུན་གྱི་སྡེ་དང༌།བཙན་བྱོལ་བོད་གཞུང་མང་གཙོའི་ཀ་བ་གསུམ་གྱི་མཛད་གཙོ་ལས་ཟུར་རྣམ་པ་དང༌།རང་དབང་ཅན་གྱི་སྡེ་ཚན་ཁག་གི་མཛད་གཙོ་ལས་ཟུར་རྣམ་པ།དྲུང་ཆེ་ཆུང་སོགས་སྲི་ཞུའི་ལས་བྱེད་རྣམ་པ།རྡ་ས་ས་གནས་འཐུས་ཚོགས་ཀྱི་ཚོགས་གཙོ་དང༌།ས་གནས་འགོ་འཛིན།ས་གནས་བོད་རང་དབང་བདེན་པའི་ལས་འགུལ་ཚོགས་ཆུང་གི་ཚོགས་གཙོ།གཞུང་ཁོངས་མ་ཡིན་པའི་སྒྲིག་འཛུགས་ཁག་གི་འགོ་ཁྲིད་དང་ལས་བྱེད་རྣམ་པ།དགེ་རྒན་དང་སློབ་ཕྲུགབོད་གཞིས་བྱེས་གཉིས་ཀྱི་ བོད་མི་རྣམས་དང་བོད་དོན་རྒྱབ་སྐྱོར་བ།ལྷག་པར་དུ་ད་རིང་དུས་དྲན་འདི་དང་བསྟུན་ཏེ་ཆེད་ཕེབས་རྒྱ་རིགས་གྲོགས་པོ་རྣམ་པ་དང་ཕྱི་རྒྱལ་སྐུ་མགྲོན་རྣམ་པ་ཚང་མར་ངས་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཞུས་ཏེ་འཚམས་འདྲི་ཞུ་རྒྱུ་ཡིན།
༡༩༥༩ལོར་རྒྱ་ནག་གི་ངན་བྱུས་དམར་རྗེན་དུ་ཐོན་ཏེ་བོད་རྒྱ་ཆེ་མི་མང་སྡོད་བཟོད་མ་ཐུབ་པར་ཞི་བའི་སྒེར་ལངས་ཆེན་པོ་བྱ་དགོས་བྱུང་བ་ནས་དུས་ད་ལྟའང་བོད་ནང་བོད་མིར་རང་དབང་མེད་པ་དང༌།རྒྱ་ནག་འགོ་ཁྲིད་ཚོས་ཁེངས་དྲེགས་དང་མཁྲེགས་བཟུང་གིས་བོད་མིའི་མངོན་འདོད་དང་མ་འཚམས་པའི་སྲིད་བྱུས་དང་ལས་འཆར་ནོར་བ་ཁོ་ན་ལག་བསྟར་བྱས་དང་བྱེད་བཞིན་པ་དང༌།རྒྱ་ནག་གཞུང་ཕྱོགས་ནས་དངོས་ཡོད་གནས་སྟངས་ལ་གཞི་མ་བཅོལ་བར་བརྟེན་བོད་རྒྱའི་དཀའ་རྙོག་སེལ་ཐུབ་པ་བྱུང་མེད་རུང༌།མི་ལོ་༥༡སླེབས་མཚམས་སུའང་རྒྱལ་སྤྱིའི་ནང་བོད་དོན་འདི་འགྲིག་འཇགས་ཡོང་དགོས་པའི་གནད་དོན་གལ་ཆེ་ཞིག་ལ་ངོས་འཛིན་ཐོག་གནས་ཐུབ་ཡོད་པ་དང༌།རྒྱ་ནག་གིས་ཀྱང་སྣང་མེད་དུ་འཇོག་ཐབས་མེད་པའི་གནས་སྟངས་སུ་གྱུར་ཡོད་པ་དེ་འདས་པའི་མི་ལོ་བཅུ་ཕྲག་ལྔ་ལྷག་རིང་གཙོ་བོ་སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་གི་ྋསྐུའི་མཛད་འཕྲིན་འཛམ་གླིང་མཐའ་དབུས་སུ་རྒྱས་པའི་ནུས་མཐུའི་བཀྲིན་དང༌།བོད་གཞིས་ལུས་མི་མང་གི་དཔའ་མཛངས་སྙིང་སྟོབས།རྒྱལ་སྤྱིའི་ནང་གཞུང་སྒེར་མང་པོས་རྒྱབ་སྐྱོར་གནང་བ་ལ་བརྟེན་ནས་ཡིན་པས་ད་རིང་གི་གོ་སྐབས་འདི་ཟིན་ནས་ྋགོང་ས་མཆོག་དང༌།བོད་གཞིས་ལུས་མི་མང༌།རྒྱལ་སྤྱིའི་རྒྱབ་སྐྱོར་བ་ཚང་མར་ཐུགས་རྗེ་ཆེ་ཞུ་རྒྱུ་ཡིན།སྔ་ལོ་སྤྱི་ལྷན་གྲོས་ཚོགས་ཐོག་གྲོས་ཆོད་སྣོལ་འཇོག་གནང་ཡོད་པ་བཞིན་ད་ལམ་བོད་གཞིས་ལུས་རྒྱལ་གཅེས་དཔའ་བོ་དཔའ་མོ་རྣམས་ཀྱི་རྗེས་དྲན་རྡོ་རིང་ཞིག་གསར་བཞེངས་གྲུབ་ཡོད། དེ་ལས་མང་།»

༄༅།།སྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་ནས་གསུམ་བཅུའི་དུས་དྲན་ཐེངས་༥༡པའི་ཐོག་ཡོངས་ཁྱབ་ཏུ་སྩལ་བའི་གསུང་འཕྲིན།

༈དེ་རིང་གི་ཉིན་མོ་འདི་ནི་ཕྱི་ལོ་༡༩༥༩ལོར་བོད་ཀྱི་རྒྱལ་ས་ལྷ་སར་རྒྱ་དམར་གྱི་བཙན་གནོན་ལ་བོད་མིས་ཞི་རྒོལ་བྱས་ནས་མི་ལོ་ལྔ་བཅུ་ང་གཅིག་འཁོར་བ་དང༌།ཕྱི་ལོ་༢༠༠༨ཟླ་༣པ་ནས་བཟུང་ཆོལ་གསུམ་བོད་ཀྱི་ས་ཁུལ་ཡོངས་སུ་འཚེ་མེད་ཞི་བའི་གྱེན་ལངས་བྱུང་ནས་ལོ་གཉིས་འཁོར་བ་བཅས་ཀྱི་དུས་ཚིགས་ལ་བོད་མི་རིགས་དང༌།རྒྱལ་བསྟན་ཆབ་སྲིད་ཀྱི་དོན་དུ་ལུས་སྲོག་དོར་བའི་དཔའ་བོ་དཔའ་མོ་རྣམས་དང༌།སྡུག་སྦྱོང་མནར་གཅོད་མྱོང་བཞིན་པ་བཅས་ཚང་མར་རྗེས་དྲན་དང༌།མཆོག་གསུམ་རྒྱལ་བ་རྒྱ་མཚོར་གསོལ་འདེབས་ཞུ་རྒྱུ་ཡིན།
འདས་པའི་ལོ་བཅུ་ཕྲག་དུ་མའི་རིང་དཀའ་ངལ་འགལ་རྐྱེན་ཇི་ཙམ་ཞིག་བྱུང་ཡང་བོད་མི་རིགས་ཀྱི་སྙིང་སྟོབས་དང༌།ཆོད་སེམས།ཡ་རབས་བཟང་པོའི་གཤིས་ལུགས་སོགས་བོད་ཀྱི་ཐུན་མིན་ངོ་བོ་རྒྱུན་འཛིན་བྱེད་ཐུབ་པ་མ་ཟད།གཞོན་སྐྱེས་མི་རབས་གསར་པ་རྣམས་ཀྱིས་ཀྱང་བོད་མིའི་བདེན་དོན་འཐབ་རྩོད་རྒྱུན་འཛིན་བྱེད་བཞིན་ཡོད་པ་འདི་ནི་ཆེས་ངོ་མཚར་རྨད་དུ་བྱུང་བའི་གནས་ཚུལ་ཞིག་ཡིན།བཙན་གནོན་འཇིགས་སྣང་འོག་གནས་པའི་གཞིས་ལུས་བོད་མི་ཡོངས་ཀྱི་སྙིང་སྟོབས་དང་ལྷག་བསམ་ལ་དམིགས་བསལ་ཡི་རངས་བསྔགས་བརྗོད་བྱེད་རྒྱུ་ཡིན།
ད་ལྟའི་དུས་སྐབས་འདིར་གནས་སྟངས་ལེགས་ཉེས་གང་ཞིག་གི་འོག་ཏུའང་མི་རིགས་འདྲ་མཉམ་དང༌།མི་རིགས་མཐུན་བསྒྲིལ།མི་རིགས་སོ་སོའི་ཐུན་མིན་གྱི་ངོ་བོ་དང།རིག་གཞུང་བཅས་སྲུང་སྐྱོབ་ལ་སྒོ་གང་ས་ནས་འབད་བརྩོན་བྱ་རྒྱུ་ནི་བོད་མི་ཡོངས་ཀྱི་ལས་འགན་ཡིན།བོད་ཀྱི་ས་ཁུལ་ཁག་གི་བོད་རིགས་ལས་བྱེད་རྒན་གཞོན་མང་པོས་ཏང་སྲིད་དམག་གསུམ་གྱི་ལས་གནས་འདྲ་མིན་ནང་ལས་ཁུར་བླངས་ཏེ་བོད་རིགས་མང་ཚོགས་ལ་དངོས་ཤུགས་བརྒྱུད་གསུམ་ནས་ཕན་གྲོགས་གང་ཡོང་བྱས་དང་བྱེད་བཞིན་ཡོད་པ་ཁོང་ཚོའི་ལྷག་བསམ་དང་བྱས་རྗེས་ལ་ཡི་རངས་བསྔགས་བརྗོད་ཡོད།འབྱུང་འགྱུར་བོད་ལ་མིང་དོན་མཚུངས་པའི་རང་སྐྱོང་ཞིག་བྱུང་མཚམས་བོད་ཀྱི་འཛིན་སྐྱོང་དང་འགོ་ཁྲིད་ཀྱི་ལས་འགན་ད་ལྟ་བོད་དུ་ལས་ཀ་བྱེད་བཞིན་པ་རྣམས་ཀྱིས་ཁུར་འགན་རྐང་ལེན་བྱེད་དགོས། དེ་ལས་མང་།»

བཀའ་བློན་ཁྲི་བས་བུད་མེད་ཀྱི་ནུས་ཤུགས་སྤེལ་ཐབས་སྐོར་གྱི་གསུང་བཤད།

བུད་མེད་ཀྱི་ནུས་ཤུགས་སྤེལ་བའི་ལས་འགུལ་དེ་བུད་མེད་ཀྱི་ཐོབ་ཐང་རྩོད་པའི་ལས་འགུལ་ཞིག་མ་ཡིན་པར། སོ་སོའི་ལས་འགན་བསྒྲུབ་རྒྱུའི་ཆེད་དུ་རྗེས་ལས་མ་ཐེབས་པའི་ཆེད་དུ་རེད། བོད་པའི་སྤྱི་ཚོགས་ནང་ཕོ་མོ་འདྲ་མཉམ་མེད་པ་དང། བུད་མེད་ལ་དཀའ་ངལ་ཞིག་ཡོད་པས་ལས་འགུལ་འདི་བརྩམས་པ་ཞིག་ཀྱང་མ་རེད། རང་བཞིན་གྱིས་ཐབས་ཤེས་ཟུང་འབྲེལ་བྱས་ནས་འགྲོ་དགོས་པ་དང། སྐྱེས་པ་དང་བུད་མེད་ཟུང་འབྲེལ་བྱས་ནས་འགྲོ་དགོས་པ་དེ་གནས་ཚུལ་ག་རེའི་ཐོག་ཏུ་ཡང་གལ་གནད་ཆེན་པོ་ཡིན་པས། དེ་བསྒྲུབ་པའི་ཆེད་དུ་བརྩམས་པའི་ལས་འགུལ་ཞིག་རེད་ཅེས་བཀའ་ཁྲི་མཁས་དབང་ཟམ་གདོང་རིན་པོ་ཆེས་གསུངས་ཡོད་པ་རེད།
བཙན་བྱོལ་བོད་གཞུང་དཔལ་འབྱོར་ལས་ཁུངས་ཀྱི་གོ་སྒྲིག་འོག་ཟླ་འདིའི་ཚེས་༤ ནས་༥ བར་བུད་མེད་ཀྱི་ནུས་ཤུགས་སྤེལ་བའི་ཟབ་སྦྱོང་བགྲོ་གླེང་ཞིག་གངས་སྐྱིད་སྤྱི་ཐབས་ཚོགས་ཁང་དུ་འཚོགས་ཡོད་པ་དང། སྐབས་དེར་བཀའ་ཁྲི་མཁས་དབང་ཟམ་གདོང་རིན་པོ་ཆེ་མཆོག་གིས་གིས་བུད་མེད་ཀྱི་ནུས་ཤུགས་སྐོར་ལ་གསུང་བཤད་གནང་ཡོད་པ་རེད། ད་ལྟ་བཙན་བྱོལ་བོད་གཞུང་གི་དབུས་ལས་ཁུངས་ཁག་ཏུ་ལས་བྱེད་༤༦༤ ཡོད་པའི་ནང་ནས་བུད་མེད་༡༥༥ ཡོད་པ་དང། ས་གནས་འགོ་འཛིན་ལས་ཁུངས་ཁག་དང་ས་གནས་ཁག་གི་རང་ཁོངས་ལས་བྱེད་༤༤༦ ཡོད་པའི་ནང་བུད་མེད་༢༧༡ ཡོད་འདུག ས་གནས་འཐུས་མི་བསྡོམས་པའི་༣༤༠ ཙམ་ཡོད་པའི་ནང་བུད་མེད་༣༧ དང། དེ་ལས་མང་།»

བོད་མི་མང་སྤྱི་འཐུས་ལྷན་ཚོགས་ཀྱི་ཡོངས་ཁྱབ་གསུང་བཤད།

༄༅། ྋགོང་ས་ྋསྐྱབས་མགོན་ཆེན་པོ་མཆོག་ལ་ནོ་སྦེལ་ཞི་བདེའི་གཟེངས་རྟགས་འབུལ་བཞེས་མཛད་དེ་ལོ་ངོ་ཉི་ཤུ་འཁོར་བའི་དུས་དྲན་མཛད་སྒོའི་ཐོག་བོད་མི་མང་སྤྱི་འཐུས་ལྷན ཚོགས་ཀྱི་ཡོངས་ཁྱབ་གསུང་བཤད།
དེ་རིང་འདིར་གཞིས་བྱེས་བོད་མིའི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད། འཛམ་གླིང་ཞི་བདེའི་དེད་དཔོན། སྤྱི་ནོར་ྋགོང་ས་ྋསྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་ལ་འཛམ་གླིང་ནང་ཆེས་སྙན་པར་གྲགས་པའི་ནོ་སྦེལ་ཞི་བདེའི་གཟེངས་རྟགས་འབུལ་བཞེས་བསྐྱངས་པའི་དགའ་སྟོན་དུས་དྲན་དང༌། རྒྱལ་སྤྱིའི་ཧི་མ་ལ་ཡའི་དུས་སྟོན་སྲུང་བརྩི་ཆབས་ཅིག་གནང་བའི་མཛད་སྒོར་ཆིབས་སྒྱུར་གནང་བའི་སྐྱབས་གནས་དགེ་འདུན་གྱི་སྡེ་དང༌། དཔལ་ལྡན་རང་གཞུང་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བས་དབུས་ཁྲིམས་ཞིབ་པ་ལས་ཟུར་རྣམ་པ། དཔལ་ལྡན་བཀའ་བློན་ཁྲི་ཚབ་དབུས་བཀའ་བློན་ལས་ཟུར་རྣམ་པ། ཕྱག་སྦྲེལ་དཔལ་ལྡན་ཚོགས་གཞོན་གྱིས་དབུས་སྤྱི་འཐུས་ལས་ཟུར་རྣམ་པ། རང་དབང་ཅན་གྱི་སྡེ་ཚན་ཁག་གི་འགན་འཛིན་ལས་ཟུར་རྣམ་པ། དྲུང་ཆེ་ཆུང་གིས་དབུས་གཞུང་ཞབས་ལས་ཟུར་ཆེ་ཕྲ། རྡ་ས་ས་གནས་འཐུས་མི་ཚོགས་འདུའི་ཚོགས་གཙོ་དང་ཚོགས་མི་རྣམ་པ། རྡ་ས་ས་གནས་འགོ་འཛིན། རྡ་ས་བོད་ཁྱིམ་གྱི་སྤྱི་ཁྱབ་འགན་འཛིན། ས་གནས་བོད་རང་དབང་བདེན་པའི་ལས་འགུལ་ཚོགས་ཆུང་གི་ཚོགས་གཙོ་དང་ཚོགས་མི་རྣམ་པ། སྡེ་ཚན་ཁག་གི་འགན་འཛིན་རྣམ་པ། སློབ་གྲྭ་ཁག་གི་སློབ་སྤྱི་དགེ་ལས་རྣམ་པ། གཞུང་འབྲེལ་མ་ཡིན་པའི་ཚོགས་པ་ཁག་གི་ཚོགས་གཙོ་རྣམ་པ། རྒྱ་ཆེའི་མང་ཚོགས་དང༌། བོད་མིར་དགའ་ཞེན་ཅན་གྱི་ཕྱི་རྒྱལ་བ་རྣམ་པ། བརྩེ་བའི་སློབ་ཕྲུག་རྣམ་པ་བཅས་ལ་གཟི་བརྗིད་དང་ལྡན་པའི་ཉིན་མོ་འདིར་ཕྲན་གྱིས་བོད་མི་མང་སྤྱི་འཐུས་ལྷན་ཚོགས་ཀྱི་སྐུ་ཚབ་ཞུས་ཏེ་དགའ་སེམས་འཁོལ་བའི་ངང་འཚམས་འདྲིའི་བཀྲིས་བདེ་ལེགས་ཞུ་རྒྱུ་ཡིན། དེ་ལས་མང་།»

༧གོང་ས་སྐྱབས་མགོན་ཆེན་པོ་མཆོག་གིས་མོན་ཌི་རེལ་(Montereal) ནང་དུ་བཀའ་སློབ་སྩལ་བ།

པར་དབང་།ཕ་ཡུལ་དྲ་བ།

བོད་ཀྱི་དབུ་ཁྲིད་༧གོང་ས་སྐྱབས་མགོན་རྒྱལ་བ་རིན་པོ་ཆེ་མཆོག་གིས་ཁེ་ཎ་ཌའི་གྲོང་ཁྱེར་མོན་ཌི་རེལ་(Montereal) ནང་ཞི་བདེའི་ཁོར་ཡུག་བསྐྲུན་ཐབས་སོགས་ཀྱི་སྐོར་ལ་བཀའ་སློབ་སྩལ་ཡོད་པ་རེད་།
སྤྱི་ཟླ་༡༠པའི་ཚེས་༣ཉིན་༧གོང་ས་སྐྱབས་མགོན་ཆེན་པོ་མཆོག་གིས་མི་གྲངས་ཆིག་ཁྲི་བཞི་སྟོང་ལྷག་གི་འདུ་འཛོམས་ཐོག་དབྱིན་སྐད་ནང་བྱམས་དང་སྙིེང་རྗེའི་ནུས་པའི་སྐོར་བཀའ་སློབ་གནང་སྐབས་གསུང་དོན།ངས་སྐད་ཆ་བཤད་ཡ་འདི་འགྲོ་བ་མི་ཞིག་ཡིན་པའ་ཆ་ནས་འགྲོ་བ་མི་གཞན་ལ་བཤད་ཀྱི་ཡོད་པ་ལས་ རང་ཉིད་ནང་པ་ཞིག་པའི་ཆ་ནས་བཤད་ཀྱི་མེད་ལ་ བོད་མི་ཞིག་ཡིན་པའི་ཆ་ནས་ཀྱང་བཤད་ཀྱི་མེད་ཅེས་གསལ་བཤད་གནང་འདུག་ གསུང་བཤད་གནང་བའི་རྗེས་སུ་གློག་འཕྲིན་བརྒྱུད་བཀའ་འདྲི་ཞིག་ལ་བཀའ་ལན་གནང་སྐབས་ ༧གོང་ས་མཆོག་གིས་ང་དགེ་འདུན་པ་ཞིག་ཡིན་པའི་ཆ་ནས་མི་ཚེ་སྐྱེལ་སྟངས་ཐད་མཁས་དབང་ཞིག་མ་རེད་ འོན་ཀྱང་ ཕ་མ་ཚོིས་རང་གི་བྱིས་པར་བྱམས་སྐྱོང་ཚུལ་བཞིན་གནང་དགོས་པ་ཧ་ཅང་གལ་ཆེན་པོ་རེད་ལ་ རང་ཉིད་ལ་ཆ་བཞག་ནའང་ ཕ་མ་གཉིས་ཡིག་རྨོངས་རེད་། འོན་ཀྱང་ཡ་རབས་སྤྱོད་བཟང་གིས་བྱམས་སྐྱོང་གནང་ཡོད་པས་།དེས་རང་ཉིད་ལའང་བྱམས་དང་སྙིར་རྗེའི་རྩ་བ་བརྟན་པོ་ཚུགས་ཡོད་ཅེས་གསུངས་ཡོད་ལ་། དེ་ལས་མང་།»

༧གོང་ས་མཆོག་གིས་རྒྱ་རིགས་ཤེས་ལྡན་པ་ཚོར་གསུང་བཤད་གནང་བ་།

འདིར་གཟིགས་རོགས་གནང་།

བོད་ཀྱི་དབུ་ཁྲིད་༧གོང་ས་སྐྱབས་མགོན་ཆེན་པོ་མཆོག་གིས་སྤྱི་ཟླ་དགུ་བའི་ཚེས་༢༨ཉིན་ཁེ་ན་ཌའི་ཝན་ཁོ་ཝུར་གྲོང་ཁྱེར་ནང་རྒྱ་བོད་གླེང་སྟེགས་ལྷན་ཚོགས་ཐོག་གསུང་བཤད་གནང་བ་མ་ཟད་།རྒྱ་རིགས་ཆེད་མཁས་པ་དང་ལྷན་དུ་བགྲོ་གླེང་གནང་ཡོད་།༼ཡོང་ཁུངས་།པོ་ཞོན་དྲ་བ་།༽

བཀའ་བློན་ཁྲི་པ་མཆོག་གི་གསུང་བཤད་།

ཤར་ཏིར་ཀི་སུ་ཌན་ནམ་ཞིག་ཅང་ནང་ཡང་བསྐྱར་ངོ་རྒོལ་བྱས་པ།

ཤར་ཏིར་ཀི་སུ་ཌན་ནམ་ཞིན་ཅང་གི་རྒྱལ་ས་ཨུ་རུའུ་མུ་ཆི་ནས་ཡང་བསྐྱར་རྒྱ་མི་རིགས་ཀྱིས་ངོ་རྒོལ་རྔམ་སྟོན་བྱས་ཡོད་འདུག
རྒྱ་ནག་གཞུང་འབྲེལ་ཞིན་ཧྭ་གསར་སྤེལ་ཁང་གིས་མིང་བརྗོད་འདོད་མེད་པའི་ཉེན་རྟོག་པ་ཞིག་གི་སྐད་ཆ་ལུང་འདྲེན་བྱས་བ་ལྟར་ན།ཚེས་༤ཉིན་གྱི་སྔ་དྲོར་མི་གྲངས་ཆིག་སྟོང་ལྷག་འཛོམས་ནས་ཉེ་ཆར་ཨུ་རུའུ་མུ་ཆིའི་ནང་བསྟུད་མ་བསྟུད་ཐོག་བྱས་ཏེ་སྨན་ཁབ་ཀྱིས་ལམ་འགྲོ་བར་གཙགས་པའི་གྱོད་དོན་བྱུང་བར་ངོ་རྒོལ་བྱེད་བཞིན་ཡོད་ཚུལ་བརྗོད་འདུག ཨ་ཕི་གསར་འགྱུར་ནང་བརྗོད་ན་།ངོ་རྒོལ་བྱེད་མཁན་དེ་དག་རྒྱ་རིགས་རེད་ཟེར་། ཡང་གནས་ཚུལ་ནང་མི་གྲངས་བཞི་བརྒྱ་ཙམ་ལ་གནོད་ཚབས་ཐེབས་ཚུལ་བརྗོད་འདུག ཚེས་༢ཉིན་ཞིན་ཅང་གཞུང་ཕྱོགས་ནས་གསར་འགྱུར་གསལ་བསྒྲགས་ནང་ཉེ་ཆར་ཨུ་རུའུ་མུ་ཆིའི་གྲོང་ཁྱེར་གྱི་སྤྱི་བའི་ས་ཁུལ་ཁ་ཤས་སུ་གསལ་ཁ་མེད་པར་ཁབ་ཀྱིས་གཙགས་པའི་དོན་རྐྱེན་བྱུང་བའི་ཁྲོད་།ཞུ་གཏུགས་བྱེད་མཁན་ནང་རྒྱ་རིགས་དང་ཡུ་གུར་།ཧོས་རིགས་།ཧ་སག སོག་པོ་སོགས་མི་རིགས་དགུ་འདུས་ཡོད་ཚུལ་བརྗོད་འདུག ཨུའུ་རུ་མུའུ་ཆིའི་ནང་ཡུ་གུར་མི་རིགས་ཀྱི་བདུན་ཐིག་ལྔའི་གྱེན་ལངས་དོན་རྐྱེན་བྱུང་བ་ནས་བཟུང་།ས་གནས་མི་རིགས་བར་གྱི་འབྲེལ་ལམ་ཧ་ཅང་ཛ་དྲག་ཏུ་གྱུར་ཡོད་འདུག
༼ཡོང་ཁུངས་།ཨེ་ཤེ་ཡ་རང་དབང་རླུང་འཕྲིན་ཁང་།༽