དཀར་ཆག: སྙན་རྩོམ

༈ རླུང་ལྡང་བའི་མཚན་མོ།

  • སྐྱ་རེངས།

    རླུང་ལྡང་བའི་མཚན་མོ་དེར།
    ཅི་ཕྱིར། ཁྱོད་བདག་གི་སྒོ་འགྲམ་དུ་འགྲེང་ནས་བསྡད་པ་ལགས།
    བདག་གིས་སྒྲོན་མེ་སྦར་ཡང་། དེ་དེ་མ་ཉིད་བསུམས་པར་གྱུར།
    “ཀྱེ་ཁྱོད་ཀྱི་དྲན་ནམ། དེ་ནི་ཟླ་བདུན་པའི་ཆར་སྨག་སྟུག་པའི་མཚན་མོ་ཞིག་ཡིན་པ་དྲན་ནམ།”
    དེ་ལས་མང་།»

  • ཞི་བདེའི་འོད་ཀྱི་ཁྱབ་པའི་ཉིན་མོ།

  • ཆབ་མདོ་ངག་དབང་ཕུན་ཚོགས།
    མགོན་པོ་མཆོག་དགུང་ ༧༩ ལ་ཕེབས་པའི་འཁྲུངས་སྐར་འཚམས་འདྲིའི་བཀྲ་ཤིས་བདེ་ལེགས་གྲངས་མེད་དུ་ཞུ།”

    མདོ་སྨད་སྟག་འཚེར་ཞེས་པའི་གྲོང་ཁྱེར་ནང་།།
    ༸རྒྱལ་བའི་ཡང་སྲིད་དངོས་སུ་འཁྲུངས་པ་མཛད།།
    གངས་ལྗོངས་ལྷ་མི་ཡོངས་ཀྱི་སེམས་ཁམས་ལ།།
    དགའ་སྐྱིད་ལྡན་པའི་གླུ་གར་དཔལ་ལ་རོལ།།

    འཇིག་པ་མེད་པའི་སེང་གེའི་ཁྲི་སྟེང་ལ།།
    མངའ་གསོལ་མཛད་ཅིང་དགའ་སྟོན་རྟེན་འབྲེལ་མཛད།།
    གངས་ལྗོངས་ལྷ་མི་ཡོངས་ཀྱི་སེམས་ཁམས་ལ།།
    བཀྲ་ཤིས་དགེ་མཚན་དཔག་ཏུ་མེད་པ་སྐྱེས།།

    དགེ་བའི་གཤེས་གཉེན་གཙུག་བཀུར་ཡོངས་མཛད་པས།།
    གཞུང་ལུགས་གསན་བསམ་ཕར་མཐར་ཕྱིན་པ་མཛད།།
    མཁས་དབང་བརྒྱ་ཕྲག་འཛོམས་པའི་མདུན་ས་རུ།།
    ལྷ་རམ་དམ་འཇོག་ཀུན་རྣམས་ཡིད་དབང་འཕྲོག།།

    མི་ལོ་མང་པོའི་ཆབ་སྲིད་འཐུས་ཤོར་ཕྱིན།།
    བོད་ཀྱི་ཆབ་སྲིད་གཉའ་ཕྲའི་དུས་ལ་ཐུག།
    དཔོན་སྐུ་རྣམས་ཀྱིས་ང་མིན་ཁོ་མིན་ཟེར།།
    ཆབ་སྲིད་འགན་དབང་གཡོ་ཐབས་ཁོ་ན་བྱས།།
    དེ་ལས་མང་།»

  • ༈ བརྩེ་བ་དེ་མེ་བཞིན། ངའི་བྲང་གཞུང་ནས་འབར།

  • སྐྱ་རེངས།

    བརྩེ་བ་དེ་མེ་བཞིན། ངའི་བྲང་གཞུང་ནས་འབར།
    དུངས་པ་དེ་ཆུ་བཞིན། ངའི་ཡ་ཆུང་ནས་བཞུར།
    སེམས་པ་འདི། རླུང་བུ་ཞིག་ཏུ་སྤྲུལ་ནུས་ན།
    གཏན་དུ་ང་། ཁྱེད་ཀྱི་ལང་ཚོའི་སྦུབས་སུ་ཉུལ་ཡོང་།
    “ཀྱེ། འབར་གྱིན་པ་དེ་མེ་མ་ལགས། དེ་ནི་སེམས་པ་ཞིག་ལགས།”
    “བཞུར་གྱིན་པ་དེ་ཆུ་མ་ལགས། དེ་ནི་མིག་ཆུ་ཞིག་ལགས།”
    “དྲན་གྱིན་པ་དེ་ཅང་མ་ལགས།” དེ་ལས་མང་།»

  • ༈ ཉི་ཐིག་གི་མེ་ཏོག

  • སྐྱ་རེངས།

    ཉི་མ་བཞུད་ཤུལ། ས་གཞི་མུན་པས་རུམ་པར་གྱུར།
    བདག་གསོམ་ཤིང་ཁེར་སྐྱེས་ཤིག་དང་འགྲེང་ནས་ལྟ་དུས།
    ཁོ་མོའི་མགུལ་གྱི་རིན་ཆེན་ཕྲེང་རྒྱུད་ཉིད་ས་རུ་ཐོར་བ་ལྟར།
    རི་ཞོལ་གྱི་གྲོང་རྡལ་དག འོད་ཆེམ་ཆེམ་དུ་གྱུར་ནས་གདའ།

    བདག་གྲོང་གསེབ་ཀྱི་ལམ་ཕྲན་དེ་བརྒྱུད་ནས་འགྲོ་སྐབས།
    ཟླ་བ་ནི་ནམ་མཁའ་ནག་པོ་དེའི་བྲང་སྐྱེས་དོ་ཤལ་བཞིན་གསལ་ཞིང་།
    སྐར་ཚོམ་ཁྱུ་གཅིག་ཀྱང་དེའི་ཉེ་འཁྲིས་སུ་འོད་མདངས་འཕྲོ་ནས་མཆིས།
    བདག་གིས“མཚན་མོ་འདི་ཁྱོད་ཀྱི་སྐྲ་ལོ་བཞིན་ཤིན་ཏུ་གནག”
    “ཟླ་བ་འདི་ཁྱོད་ཀྱི་བཞིན་རས་ལྟར་ཤིན་ཏུ་སྒོར”ཞེས།
    ཁོ་མོར་དེ་ལྟར་བརྗོད་འདོད་སྐྱེས།
    དེ་ལས་མང་།»

  • ༈ ལོ་རྒྱུས་ཀྱི་གསང་བ་རྨང་ནས་གཏོར་བའི་མི་རབས་ཤིག དུས་རབས་འདིར བདག་གིས་རེ་ཞིང་སྒུག

  • སྐྱ་རེངས།


    བརྩེ་བ་དེ་མེ་བཞིན ངའི་བྲང་གཞུང་ནས་འབར
    དུངས་པ་དེ་ཆུ་བཞིན ངའི་ཡ་ཆུང་ནས་གཞུར
    སེམས་པ་འདི རླུང་བུ་ཞིག་ཏུ་སྤྲུལ་ནུས་ན
    གཏན་དུ་ང ཁྱེད་ཀྱི་ལང་ཚོའི་སྦུབས་སུ་ཉུལ་ཡོང

    གཙང་བོ་དེ་ཕ་རོལ་ན སུ་ཞིག་གིས་བདག་འབོད་ཀྱིན་པ་འདྲ
    རི་བོ་འདིའི་ཕར་རྒྱབ་ཏུ སུ་ཞིག་གིས་བདག་ལ་སྒུག་ཡོད་པ་དང་མཚུངས
    གང་ལྟར་མི་ལོ་ཉེར་ལྔའི་གཙང་བོ་ཞིག བདག་གིས་བརྒལ་ཟིན
    རི་ཚོགས་ཤིག་ད་དུང བདག་གི་མིག་མདུན་དུ་སྟར

    གནའ་བོའི་མཐོ་སྒང་གི་སྐར་ཚོགས་ཁོ་ནས
    ད་གཟོད་སུ་ཡིས བདག་གི་རྒྱལ་ཁམས་འཇིག་པ་རྟོགས
    ལོ་རྒྱུས་ཀྱི་གསང་བ་རྨང་ནས་གཏོར་བའི་མི་རབས་ཤིག
    དུས་རབས་འདིར བདག་གིས་རེ་ཞིང་སྒུག
    དེ་ལས་མང་།»

  • སེམས་ཀྱི་ཉི་ཟླ།

  • ——-༸པཎ་ཆེན་དགེ་འདུན་ཆོས་ཀྱི་ཉི་མའི་སྐུའི་འཁྲུངས་སྐར་ལ་ཕུལ།

    རླུང་བུ།

    མཐོང་བྱེད་དབང་བོའི་ཡུལ་ནས་བརླགས་གྱུར་ཏེ།།
    མི་ལོ་བཅུ་དགུ་དལ་གྱིས་ཟད་ན་ཡང་།།
    བསིལ་ལྗོངས་མི་ཡི་སེམས་ན་ཉི་ཟླ་བཞིན།།
    ཆེས་ཆེར་གསལ་ཁྱོད་རྟག་ཏུ་དྲན་པ་ཉིད།།

    པཎ་ཆེན་གོང་མའི་མཛད་དཀའ་དྲན་གྱུར་ཏེ།།
    མིག་ཟུང་མཆི་མས་བརླན་པ་མང་མོད་ཀྱང་།།
    ཁོང་གི་བླ་མེད་བཙན་པོའི་དཔའ་སྙིང་དེས།།
    སེམས་ལ་ངར་ཤུགས་བསྐྱེད་པའང་ཉུང་ཉུང་མིན།།
    དེ་ལས་མང་།»

  • ཟླ་བར་སྒུག་པ།

  • སྦྲ་རིགས་ཐོགས་མེད། (ལྦར་སོ་སློབ་ཆེན། )

    ༧པཎ་ཆེན་སྐུ་ཕྲེང་བཅུ་བ་ཆེན་མོ་མཆོག་རྗེས་སུ་དྲན་པ།

    རླུང་གཡུགས་པའི་མཚན་མོ་དེར། གློག་ཆད་སོང་བས་ཐ་ན་ཁྱིམ་མཚེས་ཚང་གི་སྒེའུ་ཁུང་ཐོག་གི་འགུལ་རིས་སྙིང་རྗེ་བོ་དེ་ཚོ་ཡང་མཐོང་རྒྱུ་མེད་པར་གྱུར།
    མུན་ནག་ནང་དུ་ལག་སྙོབས་བྱས་ནས་ལཱ་སྒྲོན་ཞིག་འཚོལ་དགོས་བསམ་མོད། བསམ་བློ་ཞིག་བཏང་དུས། གློག་ཐོན་པའི་སྔ་གཞུག་ཏུ་ལཱ་སྒྲོན་དང་བཞུ་མར་ཡོད་ཚད་གད་སྙིག་ཁྲོད་དུ་གཡུགས་ཟིན་པ་དྲན།

    སྐབས་དེར་གཞི་ནས་ཕྱི་རོལ་གྱི་ཟླ་བ་དྲན་སོང་། དབུགས་ཐེངས་གཅིག་ལ་སྒོ་རའི་ནང་དུ་ཟླ་བ་བལྟ་བར་བརྒྱུགས།
    ཁྱིམ་མཚེས་དག་སྔོན་ནས་སྒོ་རའི་ནང་དུ་འཛོམས་ནས་ཟླ་བར་བལྟས་འདུག
    འོན་ཀྱང་། གསལ་ཞིང་དྭངས་པའི་ཟླ་བའི་ཕྱེད་ཙམ་སྔ་མོ་ནས་སྤྲིན་པས་གཡོགས་ཟིན་འདུག
    དེ་ལས་མང་།»

  • ཆུང་འདྲིས་མིན་པའི་བག་ཆགས།

  • ཨ དོན་ཉི།

    བག་ཆགས་དེའི་རྐྱེན་གྱིས། ངས་མགྲིན་པ་སྐྲང་བཞིན་དུ་གླུ་བླངས།
    རྐང་བ་འཐེང་བཞིན་དུ་བྲོ་ལྡིང་།
    མུ་མཐུད་དུ་ཅི་ཞིག་བཤད་རྩིས་བྱས་ན་ཡང་།
    མར་རྩམ་ལྟ་བུའི་སྐད་ཆ་དེ་ད་དུང་ཤོད་མེད་པ་འདྲ།

    ཆུང་འདྲིས་མིན་པའི་བག་ཆགས་དེའི་དབང་གིས།
    ང་ལ་སྨ་ར་སྐྱེས་ཤིང་། ངའི་ཕོ་ཚོད་བཏུལ།

    གློ་བུར་བའི་རྨི་ལམ་གྱི་དབུས་སུ། ཁྱེད་ལ་ཕྲད་ཅིང་ཁྱེད་ལ་གྱེས་དུས།
    ཟླ་བ་སྒོར་སྒོར་དེས་བག་ཆགས་གྱི་རལ་བ་ནས་བཟང་སྟེ་སྤྲུགས་སྤྲུགས་ཐེངས་ཤིག་བྱས།
    མུ་ཏིག་གི་མགུལ་རྒྱན་དེའང་སིལ་བུར་བཅག
    སེམས་པ་གནས་འགྲོ་དེས་གཏམ་རྒྱུད་ཀྱི་ས་ཤུན་སེན་མོས་རྐོ་བཞིན།
    དམར་མདོག་གི་ཟ་འགྲམ་མཆི་མར་དཀུས།

    མེ་ཏོག་གི་ཞི་འཇམ་མནབས་པའི་ཁྱེད་ཀྱིས།
    བོད་རྩག་དེའི་གོང་ཚར་ཕག་ནས་ངོ་ཕྱེད་སྟོན་བཞིན།
    སོ་དཀར་ཁོ་ན་ཕྱུང་བ། གནའ་བོའི་ཆང་རྙིང་གི་བསླུ་བྲིད་རུས་ལ་ཐིམ་པ་འདྲ།

    ཆུང་འདྲིས་མིན་བཞིན་དུ། ཆུང་འདྲིས་ལྟ་བུའི་བག་ཆགས་ཀྱི་དབྱར་ཁ་བཞེངས་དོན།
    འཁྲེང་སེམས་ཁྱེད་ལ་སྐུར་བའི་དེ་རིང་གི་ཡི་གེ་འདིའི་འཕར་ལྡིང་མིན་ན་ཅི་རེད།
    ཚོར་བར་གཤོག་པ་བཙུགས་པའི་རྨི་ལམ་གྱི་སྟོང་ཆ་དེའི་མཛེས་སྡུག་མིན་ན་གང་རེད།
    དེ་ལས་མང་།»

  • སྤྲིན་པ་དང་བརྩེ་བ།

  • སྐྲན།
    —ས་མཐའ་ནས་ཕྱོགས་བཞིར་འཐོར་བའི་སེམས་གྲོགས་ཚོ་དྲན་པ།

    སྙིང་ཉེ་བ་མང་བོ་ཞིག་སྤྲིན་པ་བཞིན་འདུས་ཏེ།
    སླར་ཡང་སྤྲིན་པ་བཞིན་འཐོར་ནའང་།
    ཞེ་འདང་དང་བརྩེ་བ་རྩྭ་ཟིལ་བཞིན་འཐོར་བར་བྱས་མེད།
    རྡོག་སྣེས་བཏུས་ཤིང་ལག་པས་སྐྱོར་ཏེ།
    སླར་ཡང་སྤྲིན་པ་བཞིན་ང་ཡི་ནམ་མཁའ་ལ་སྤུངས་ཡོད།

    ཨ་ཕས་ང་ལ་གཏམ་རྒྱད་ཅིག་བཤད་མྱོང་སྟེ།
    ཨ་མས་ཕྲན་ལ་འགྲོ་ལུགས་ཤིག་བསྟན་མྱོང་ཡོད།
    ངས་ཀྱང་ལམ་འགྲམ་གྱི་སྐྱེ་དངོས་དག་མར་མར་ལ་རྒྱུ་དུས།
    ད་གཟོད་ངེད་ཅག་ཡར་ཡར་ལ་ཆས་ཀྱིན་པའོ་ཟེར།

    ད་དུང་གཞན་ཞིག་ནི་ཆུ་བོ་འདི་དག་གོ།
    ཤར་ནས་ནུབ་དང་བྱང་ནས་ལྷོ་ལ་རྒྱུ་བའི་ཆུ་བོ་འདི་དག་གོ།
    འདི་ཡིས་ནི་ང་ཚོའི་ཕྱི་ཐག་འཐུད་ཅིང་བཀྲུ་ངེས་ལ།
    འདི་ཡིས་ནི་སླར་ཡང་ང་ཚོ་སྤྲིན་པ་བཞིན་གཅིག་ཏུ་བསྡུ་འོས་ཡིན།
    03/04/2014

  • རྗེས་དྲན་ཡིད་ཀྱི་མིག་ཆུ།

  • ཆབ་མདོ་ངག་དབང་ཕུན།

    སྔོན་གླེང་ཐུང་ངུ་།
    བོད་མི་རིགས་ཀྱི་དཔའ་བོ་དང་རྩོད་སྒྲུབ་རིག་པ་སྨྲ་བའི་མཁས་དབང་འབའ་པ་ཕུན་ཚོགས་དབང་རྒྱལ་མཆོག་ནི་བོད་མི་རིགས་ཀྱི་ལོ་རྒྱུས་ཀྱི་ཀྱོག་མཚམས་ནང་འཁྲུངས་ཤིང་། བོད་མི་རིགས་ཀྱི་ལོ་རྒྱུས་གསར་རྙིང་གཉིས་ཀྱི་བར་མཚམས་དཔང་པོའི་གལ་ཆེ་མི་སྣ་རླབས་ཆེན་ཞིག་ཡིན་ལ། ལྷག་པར་དམར་པོ་རིང་ལུགས་ཀྱི་བོད་ནང་དུ་གདུག་རྩུབ་ཅན་གྱི་ལས་དོན་གང་འདྲ་ཞིག་སྤེལ་ཡོད་པ་སོགས་ཀྱི་དཔང་པོའི་མི་སྣ་ཞིག་ཀྱང་ཡིན། དེ་བཞིན་གྲོས་མཐུན་དོན་ཚན་བཅུ་བདུན་གནས་སྟངས་གང་འདྲ་ཞིག་གི་འོག་ཏུ་འཇོག་དགོས་བྱུང་བ་སོགས་ཀྱི་དཔང་པོའི་མི་སྣ་ཞིག་ཀྱང་ཡིན་ཞིང་། རྒྱ་ནག་བཙོན་ཁང་དུ་མི་ལོ་བཅོ་བརྒྱད་རིང་ལ་གདུག་རྩུབ་མནར་གཅོད་གང་འདྲ་བཏང་ཡོད་ན་ཡང་ནམ་ཡང་མགོ་བོ་སྒུར་མྱོང་མེད་པའི་བོད་མི་རིགས་ཀྱི་དཔའ་བོ་ཡང་དག་ཞིག་ཀྱང་ཡིན། ད་རེས་ཁོང་གཤེགས་པ་དེ་ནི་ཧ་ཅང་བློ་ཕམ་བྱུང་ཞིང་། ད་ནི་བོད་ནང་གནད་ཡོད་མི་སྣ་རིམ་གཤེགས་ཀྱིས་མགོན་མེད་དྭ་ཕྲུག་ལྟ་བུ་གྱུར་སོང་ཞིང་། བོད་མི་རིགས་བདེན་དོན་རྩོད་ཐུབ་མཁན་གྱི་གལ་ཆེའི་མི་སྣ་ཞིག་ཕྱི་མའི་ལམ་དུ་གཤེགས་སོང་། ད་ནི་བོད་མི་རྣམས་ཀྱི་ཁོང་གི་བརྩམས་ཆོས་ཁག་ལ་ཉམས་ལེན་གྱིས་བོད་མི་རིགས་ཀྱི་བདེན་པའི་ཐོབ་ཐང་རྩོད་དགོས་པ་དེ་རེད། ང་ཚོ་ནམ་ཡང་མགོ་བོ་སྒུར་མི་ཉེས།
    རྗེས་དྲན་ཡིད་ཀྱི་མིག་ཆུ།

    (མི་རིགས་ཀྱི་དཔའ་བོ་དང་རྩོད་སྒྲུབ་རིག་པ་སྨྲ་བ་འབའ་པ་ཕུན་ཚོགས་དབང་རྒྱལ་མཆོག་ལ་རྗེས་དྲན་དུ་ཕུལ།)

    གངས་རི་ལྗོངས་ཀྱི་དཔའ་རྒོད་གཤེགས་ཐོས་པའི།།
    སེམས་ཁོང་ངོས་ནས་སྡུག་གི་མུན་པ་རུབ།།
    གངས་ལྗོངས་ཆོས་ཀྱི་ཞིང་ཁམས་དེང་མཐུན་པའི།།
    འཕོ་འགྱུར་ཡོང་རེ་ཡོད་ཚད་སྐུ་ལས་བསྐྱོན།།

    གངས་ལྗོངས་ཆབ་སྲིད་ལམ་ལུགས་འཕོ་འགྱུར་སོགས།།
    འཛམ་གླིང་མཐུན་པའི་བཅོས་བསྒྱུར་དགོས་ཚུལ་བརྗོད།།
    ཐབས་ལམ་སྣ་ཚོགས་བརྒྱུད་ནས་གནང་ན་ཡང་།།
    བོང་བུའི་རྣ་བར་གསེར་བྱེ་བླུགས་ལྟར་གྱུར།།

    སྙིང་ཞེན་བག་ཞུམ་ཆེ་ཞིང་ཕུགས་རྒྱང་འཐུང་།།
    སྤྱི་ཚོགས་རྙིང་པའི་ལམ་ལུགས་རྒྱུན་འཛིན་བརྔམས།།
    འཛམ་གླིང་འགྱུར་ལྡོག་མ་རེག་མུན་འཐོབ་བསྡད།།
    གངས་ལྗོངས་ཆབ་སྲིད་འཕོ་འགྱུར་སྣང་མེད་བཏང།།
    དེ་ལས་མང་།»

  • WordPress Themes