དཀར་ཆག: སྙན་རྩོམ

༈ ཁྱོད་ཀྱི་དོན་དུ། ང་ལ་ཅི་ཡང་ཕོད་པའི་སྣང་བ་ཞིག

  • སྐྱ་རེངས།

    _____བརྩེ་བ་སྲུང་རོགས་ཀྱི་བུ་མོ་ཞིག་ལ།

    གཅིག་བྱས་ན། ཁྱོད་རང་གིས་ཤེས་ཡོད་སྲིད།
    ཐེངས་དང་བོར་ང་ཚོ་ངོ་འཕྲད་དུས།
    ང་ཧ་ཅང་བཚབས་བྱུང་། ངས་མགྲིན་པའང་བརྣངས་སོང་།
    སྐབས་དེ་ནས་བཟུང་།
    ངས་མི་ཚེ་ནང་ཅི་ཞིག་ཤོར་སོང་བ་དག
    ཕྱིར་རང་གི་ལག་ཏུ་ཐོབ་ངེས་ཀྱི་རེ་འདུན་འཆང་།
    གང་ལྟར། སྐབས་དེ་ནས་བཟུང་།
    མི་ཚེ་ནི་རིང་ཡང་ཆོག་ལ། ཐུང་ཡང་རུང་།
    སེམས་བསམ་པའི་གཏིང་ནས།
    ང་ཁྱོད་ལ་དགའ་མགོ་ཚུགས།
    དེང་འདིར། དངོས་ནས་ང་ཚད་ལས་བརྒལ་ཡོད་སྲིད།
    རེད་དེ། ནམ་ངས་ཁྱོད་ཡིད་ལ་དྲན་དུས།
    ང་ལ་ཁྲིམས་འགལ་ལམ། ཅི་ཡང་ཕོད་པའི་སེམས་ཁམས་ཤིག དེ་ལས་མང་།»

  • སྙན་རྩོམ་ཁག་ཅིག

  • རེབ་ཐོག་མདའ

    མིག་ཟུང་བོར་སྟངས་ཤིག

    བརྩེ་བས་ཟིན་ན་དུང་བས་བརླན་ཡོད་ཡར་ཁའི་བུ་མོ་ཨེ་གོ་ཐལ།།
    དུང་སེམས་མེད་ན་ཟུར་མིག་མ་འཕེན་བདག་གི་སྙིང་ལ་འཕོག་འགྲོ་བས།།
    ཆགས་ལྡན་མ་ཁྱོས་རྒྱབ་གཟུགས་དེ་ལ་གང་ནས་བལྟས་ཀྱང་སེམས་པ་འདི།།
    བདེ་བའི་གོ་སྐབས་ནམ་ཡང་མ་མཆིས་ཁྱོད་ལ་ལན་གཅིག་འགྲོག་ན་བསམ།།

    སྐྱེས་བའི་གཟུགས་ལ་སྒེག་ཉམས་དོད་པ་ན་ཆུང་མ་ཡི་ལང་ཚོ་ཅན།།
    དཀར་པོའི་བཞིན་ལ་དམར་པོའི་མདངས་ཀྱིས་མཛེས་པའི་ཆ་དེ་མིག་ལ་ཐོགས།།
    ལྷན་ཏུ་འདྲེས་ནས་མཉམ་ཏུ་འགྲོག་ན་ཡིད་ཀྱི་འདོད་འདུན་བསྐོང་སྙམ་པས།།
    དེང་སང་ནང་ཁའི་གསར་མོ་ཁྲོད་ན་ཁྱོད་ནི་ཡིད་འགུག་ལྷ་མོ་དངོས།།

    རྒྱུ་ཆེན་ཚང་གི་སྲས་མོ་ཨེ་ཡིན་གོང་ཆེན་ནུབ་ལྭའི་ལུས་པོ་ཅན།།
    ཡོ་རོབ་ཨ་རིའི་མནའ་མ་ཨེ་ཡིན་ལས་རྒྱུ་མེད་ལ་ཁོམ་ནས་འདུག།
    ཚིག་ཇ་འཐུང་ཞོར་ཁ་བརྡ་གློད་པའི་ན་ཆུང་མ་ཁྱོད་ཉམས་འགྱུར་དེ།།
    ད་ནངས་ད་དུང་མིག་ན་ལྗིང་བའི་ཁྱོད་རང་མིག་གིས་འཚོས་དེ་ཡོད།།

    དེ་ལས་མང་།»

  • ༈ ཚངས་མགུར་མ་ཡིན་པའི་ཚངས་འགུར་ཞིག

  • སྐྱ་རེངས།


    ཉི་མ་ནུབ་རྗེས་ཟླ་བ་འཆར།།
    ཟླ་བ་ནུབ་རྗེས་ཉི་མ་ཤར།།
    ཉི་མ་ཟླ་བ་འཕྲད་ས་ཞིག།
    རྒྱ་མཚོའི་གཏིང་ན་ལུས་ཡོད།།

    ཁྱོད་ནི་རྒྱ་མཚོ་ཕ་རོལ།།
    ང་ནི་རྒྱ་མཚོ་ཚུལ་རོལ།།
    ང་གཉིས་འཕྲད་སའི་ཁྱིམ་ཞིག།
    ཤར་ནུབ་མཚམས་སུ་ལུས་ཡོད།།

    སྙིང་སྡུག་བྱམས་པ་ཁྱེད་ཉིད།།
    ཐེངས་གཅིག་མཐོང་བས་མོད་ལ།།
    ང་ཡི་ལུས་སེམས་གཉིས་ཀ།
    བླ་འོག་གཏིང་ནས་བརྗེས་སོང་།།

    མེ་དང་འདྲ་བའི་བརྩེ་བ།།
    སྙིང་གི་མཐིལ་ནས་འབར་སོང་།།
    ཆུ་དང་འདྲ་བའི་དུངས་བ།།
    ཡ་ཆུང་ཁོག་ནས་གཞུར་སོང་།།
    དེ་ལས་མང་།»

  • དགེ་ཆོས་བཀླགས་པ།

  • རེབ་ཐོག་མདའ།

    —–མཁས་དབང་དགེ་འདུན་ཆོས་འཕེལ་མཆོག་གི་གསུང་རྩོམ་འགའ་བཀླགས་པའི་ཚོར་སྣང་།

    རྨོངས་པའི་མུན་པ་སེལ་བའི་སྒྲོན་མེ་ཅིག །
    བྱང་ཕྱོགས་བོད་ཀྱི་སྡེ་ལ་བསྒྲོན་ན་་ཡང་།།
    རྒྱང་མཇལ་མིག་ཟུང་བོར་བའི་ཀླད་མེད་འགས།།
    དཀར་བོ་འོད་ལ་རིན་ཐང་མེད་འདི་སྐྱོ།།
    རིག་པ་འབྱུང་བའི་གྲོང་དུ་གྲགས་པ་ཡི།།
    ལྷོ་རྒྱུད་རྨ་ཀླུང་རིང་མོའི་ཕ་རོལ་ནས།།
    སྙན་པ་གླིང་འདིར་གྲགས་པའི་སྐྱེས་ཆེན་མཆོག །
    བདག་གི་ཡབ་མེས་དམ་པ་དགེ་ཆོས་དྲན།།
    བླ་བྲང་དྷི་ཚ་སྨད་ཀྱི་ཆོས་སྡེ་དང་།།
    དབུས་ཀྱི་ལྷ་སའི་འབྲས་དཀར་སྤུངས་པ་ནས།།
    ཐུབ་བསྟན་གཞུང་ལ་རིགས་པས་དཔྱད་མཛད་མཁན།།
    རྣམ་དཔྱོད་རིག་པའི་དཔའ་བོ་དགེ་ཆོས་དྲན།།
    དེ་ལས་མང་།»

  • ༈ བདག་གིས། ཁྱེད་དྲན་མྱོང་།

  • སྐྱ་རེངས།

    00
    རྡ་ས་ཟེར་ན་ཅི་ཞིག་རེད། རྡ་ས་ཟེར་ན་ཉི་འོད་མི་ཕོག་པའི་བྲག་ཁུང་ཞིག་རེད།
    དེའི་ནང་དུ་ང་རྒྱལ་དང་རང་རློམ་གྱི་བྲག་ཅ་འཁོར་ཞིང་། མུན་ནག་དང་གཡོ་རྫུན་མཉམ་དུ་འཐབ།
    01
    རྡ་ས་ནི་དྲན་ཆོག་པའི་ལྷ་ས་མ་ཡིན་པས། ཁྱེད་ཀྱིས་རྡ་ས་དྲན་པ་དེ།
    དོན་དུ། ཁྲམ་པ་ཁྱུ་གཅིག་དྲན་པ་ལགས།
    02
    དོ་ནུབ། བདག་གིས་ཕ་ཡུལ་དུ་དྲན་མྱོང་པའི་རྡ་ས་གང་དུ་མཆིས།
    ཕ་ཡུལ་དུ། ང་ཚོས་ལྷ་ས་ལས་ཀྱང་རྡ་ས་དྲན་མྱོང་བ་སུ་ཡིས་རྟོགས།
    03
    བོང་བུ་འདེད་མཁན་གྱིས། བདག་གི་རྒྱལ་ཁབ་དང་མི་རིགས་ཀྱི་མཚན་སྙན་བསྲུང་དུས།
    ད་གསོད། བདག་གིས་དོ་ནུབ་ཀྱི་རྡ་ས་དྲན་ཆོག་ཨང་།

  • ༈ བདག་གིས། ཁྱེད་དྲན་མྱོང་།

  • སྐྱ་རེངས།

    ཀྱེ། ཁྱེད་ཀྱིས་གསན་ནམ།
    བདག་གིས་ཁྱེད་དྲན་མྱོང་། ཐ་ན་རྨི་ལམ་དུའང་དྲན་མྱོང་།
    ཁྱེད་དྲན་དུས་ཚོད་ཚོད་དུ། བདག་ཡར་འགྲེང་ཞིང་།
    དེ་མ་ཉིད་མར་ཙོག་པུར་གྱུར།
    ཀྱེ། ཁྱེད་ཀྱིས་གསན་ནམ།
    བདག་གིས་ཁྱེད་དྲན་མྱོང་། ཐ་ན་རྨི་ལམ་དུའང་དྲན་མྱོང་།
    ཁྱེད་དྲན་དུས། བདག་གིས་རང་གི་ལས་སུ་བྱ་བ་ནི་ཅི་ཞིག་ཡིན་པ་བརྗེད་པར་མ་ཟད།
    དོན་མེད་དུ་བདག་ཁྲོམ་སྲང་དག་འཁྱམས་པར་གྱུར།
    ཀྱེ། ཁྱེད་ཀྱིས་གསན་ནམ།
    “བདག་གིས་ཁྱེད་དྲན་མྱོང་། ཐ་ན་རྨི་ལམ་དུའང་དྲན་མྱོང་”ཞེས།
    བརྗོད་པར་གསན་ནམ།

  • ༈ རླུང་ལྡང་བའི་མཚན་མོ།

  • སྐྱ་རེངས།

    རླུང་ལྡང་བའི་མཚན་མོ་དེར།
    ཅི་ཕྱིར། ཁྱོད་བདག་གི་སྒོ་འགྲམ་དུ་འགྲེང་ནས་བསྡད་པ་ལགས།
    བདག་གིས་སྒྲོན་མེ་སྦར་ཡང་། དེ་དེ་མ་ཉིད་བསུམས་པར་གྱུར།
    “ཀྱེ་ཁྱོད་ཀྱི་དྲན་ནམ། དེ་ནི་ཟླ་བདུན་པའི་ཆར་སྨག་སྟུག་པའི་མཚན་མོ་ཞིག་ཡིན་པ་དྲན་ནམ།”
    དེ་ལས་མང་།»

  • ཞི་བདེའི་འོད་ཀྱི་ཁྱབ་པའི་ཉིན་མོ།

  • ཆབ་མདོ་ངག་དབང་ཕུན་ཚོགས།
    མགོན་པོ་མཆོག་དགུང་ ༧༩ ལ་ཕེབས་པའི་འཁྲུངས་སྐར་འཚམས་འདྲིའི་བཀྲ་ཤིས་བདེ་ལེགས་གྲངས་མེད་དུ་ཞུ།”

    མདོ་སྨད་སྟག་འཚེར་ཞེས་པའི་གྲོང་ཁྱེར་ནང་།།
    ༸རྒྱལ་བའི་ཡང་སྲིད་དངོས་སུ་འཁྲུངས་པ་མཛད།།
    གངས་ལྗོངས་ལྷ་མི་ཡོངས་ཀྱི་སེམས་ཁམས་ལ།།
    དགའ་སྐྱིད་ལྡན་པའི་གླུ་གར་དཔལ་ལ་རོལ།།

    འཇིག་པ་མེད་པའི་སེང་གེའི་ཁྲི་སྟེང་ལ།།
    མངའ་གསོལ་མཛད་ཅིང་དགའ་སྟོན་རྟེན་འབྲེལ་མཛད།།
    གངས་ལྗོངས་ལྷ་མི་ཡོངས་ཀྱི་སེམས་ཁམས་ལ།།
    བཀྲ་ཤིས་དགེ་མཚན་དཔག་ཏུ་མེད་པ་སྐྱེས།།

    དགེ་བའི་གཤེས་གཉེན་གཙུག་བཀུར་ཡོངས་མཛད་པས།།
    གཞུང་ལུགས་གསན་བསམ་ཕར་མཐར་ཕྱིན་པ་མཛད།།
    མཁས་དབང་བརྒྱ་ཕྲག་འཛོམས་པའི་མདུན་ས་རུ།།
    ལྷ་རམ་དམ་འཇོག་ཀུན་རྣམས་ཡིད་དབང་འཕྲོག།།

    མི་ལོ་མང་པོའི་ཆབ་སྲིད་འཐུས་ཤོར་ཕྱིན།།
    བོད་ཀྱི་ཆབ་སྲིད་གཉའ་ཕྲའི་དུས་ལ་ཐུག།
    དཔོན་སྐུ་རྣམས་ཀྱིས་ང་མིན་ཁོ་མིན་ཟེར།།
    ཆབ་སྲིད་འགན་དབང་གཡོ་ཐབས་ཁོ་ན་བྱས།།
    དེ་ལས་མང་།»

  • ༈ བརྩེ་བ་དེ་མེ་བཞིན། ངའི་བྲང་གཞུང་ནས་འབར།

  • སྐྱ་རེངས།

    བརྩེ་བ་དེ་མེ་བཞིན། ངའི་བྲང་གཞུང་ནས་འབར།
    དུངས་པ་དེ་ཆུ་བཞིན། ངའི་ཡ་ཆུང་ནས་བཞུར།
    སེམས་པ་འདི། རླུང་བུ་ཞིག་ཏུ་སྤྲུལ་ནུས་ན།
    གཏན་དུ་ང་། ཁྱེད་ཀྱི་ལང་ཚོའི་སྦུབས་སུ་ཉུལ་ཡོང་།
    “ཀྱེ། འབར་གྱིན་པ་དེ་མེ་མ་ལགས། དེ་ནི་སེམས་པ་ཞིག་ལགས།”
    “བཞུར་གྱིན་པ་དེ་ཆུ་མ་ལགས། དེ་ནི་མིག་ཆུ་ཞིག་ལགས།”
    “དྲན་གྱིན་པ་དེ་ཅང་མ་ལགས།” དེ་ལས་མང་།»

  • ༈ ཉི་ཐིག་གི་མེ་ཏོག

  • སྐྱ་རེངས།

    ཉི་མ་བཞུད་ཤུལ། ས་གཞི་མུན་པས་རུམ་པར་གྱུར།
    བདག་གསོམ་ཤིང་ཁེར་སྐྱེས་ཤིག་དང་འགྲེང་ནས་ལྟ་དུས།
    ཁོ་མོའི་མགུལ་གྱི་རིན་ཆེན་ཕྲེང་རྒྱུད་ཉིད་ས་རུ་ཐོར་བ་ལྟར།
    རི་ཞོལ་གྱི་གྲོང་རྡལ་དག འོད་ཆེམ་ཆེམ་དུ་གྱུར་ནས་གདའ།

    བདག་གྲོང་གསེབ་ཀྱི་ལམ་ཕྲན་དེ་བརྒྱུད་ནས་འགྲོ་སྐབས།
    ཟླ་བ་ནི་ནམ་མཁའ་ནག་པོ་དེའི་བྲང་སྐྱེས་དོ་ཤལ་བཞིན་གསལ་ཞིང་།
    སྐར་ཚོམ་ཁྱུ་གཅིག་ཀྱང་དེའི་ཉེ་འཁྲིས་སུ་འོད་མདངས་འཕྲོ་ནས་མཆིས།
    བདག་གིས“མཚན་མོ་འདི་ཁྱོད་ཀྱི་སྐྲ་ལོ་བཞིན་ཤིན་ཏུ་གནག”
    “ཟླ་བ་འདི་ཁྱོད་ཀྱི་བཞིན་རས་ལྟར་ཤིན་ཏུ་སྒོར”ཞེས།
    ཁོ་མོར་དེ་ལྟར་བརྗོད་འདོད་སྐྱེས།
    དེ་ལས་མང་།»

  • WordPress Themes