ན་ནིང་། ལྷོ་ཁའི་འཕྱོང་རྒྱས་སུ།

ན་ནིང་། ལྷོ་ཁའི་འཕྱོང་རྒྱས་སུ།

ལྗང་བུ།

ན་ནིང  ལྷོ་ཁའི་འཕྱོང་རྒྱས་སུ
གྲོ་ནས་ཀྱི་ཞིང་གསེབ་དང་རི་ཞོལ་དུ
ཞོགས་པའི་ཁོད་དུ  ཆར་བ་ཟམ་ཟིམ་འབབ་ཀྱིན་འདུག

ན་ནིང   ལྷོ་ཁའི་འཕྱོང་རྒྱས་སུ
བཟོ་དབྱིབས་འདྲ་ཡང་ཆེ་ཆུང་མི་སྙོམས་པའི
ས་ཕུང་ཁ་ཤས་གཡས་ཉལ་གཡོན་ལོག་བྱས་འདུག
མི་ལོ་སྟོང་ཕྲག་སྔོན་གྱི་མིང་ལ་བཙན་པོ་ཟེར་བ་ཁ་ཤས
ད་ལྟའང་ས་ནག་ཁྲོད་ན་ཉལ་འདུག་ཟེར

ན་ནིང  ལྷོ་ཁའི་འཕྱོང་རྒྱས་སུ
ང་ཡིས་བསམ་བློ་བཏང་བར
མི་ལོ་སྟོང་ཕྲག་གི་ས་ནག་ཁྲོད་ཀྱི་དེ་ཚོ
སྔར་ནས་རུལ་ཚར་ཡོད་དམ
                     ༢༠༠༡.༧.༢༡

༼ཡོང་ཁུངས་།མཆོད་མེ་བོད་ཀྱི་རྩོམ་རིག་དྲ་བ༽

གནམ་ལ་བསྲིངས་པའི་ལག་པ།

གནམ་ལ་བསྲིངས་པའི་ལག་པ།

ཆོས་ཤུལ་གསང་བདག ༼གནམ་འོག་གི་རྨ་ཁུག་དང་པོ༽

༡

ཀླད་ནས་བཞུར་འོང་བའི་ཆུ་ཐིགས

ལག་པའི་མཐིལ་དུ་ལྷུང་དུས

ངོ་གདོང་བཀྲུ་བྱེད་ཀྱི་ལག་ཕྱེ

གསང་བར་སྦེད་པའི་ཚིག་དུམ་ཞིག་དང་འདྲ

མིག་གིས་འཐོང་ཐབས་བྲལ

ནམ་མཁའི་དབྱིངས་སུ་ཡལ

རྒོད་པོ་ཞིག་གི་གཤོག་སྣེ

བྲག་ལ་བརྡར་བའི་ཉིན་ཞིག

ཁྱོད་ཀྱི་ནམ་མཁའ་ཏིལ་འབྲུ་ཙམ་པོ

སུ་ཞིག་གི་ཆེད་དུ་བསྲིངས་པའི་ལག་པ

ཕྱོགས་སོ་སོ་ནས་བསྲིངས་ཡོང

ལག་པར་གོན་པའི་སོར་གདུབ

བུ་མོ་ཞིག་གི་གམ་དུ་བཞག་རྗེས

རང་ཉིད་ལ་གཏོགས་པའི་ནེའུ་གསིང་དང་གཞིས་ཀ

རི་རབ་འདི་དག་གི་རྒྱབ་ཏུ་ཡིབ་ཡོད་པ་འདྲ་སྟེ

བདག་གིས་བཙལ་ཀྱང་རྙེད་རྒྱུ་མི་འདུག

  དེ་ལས་མང་། »

སྐྱོ་བ་བསྲན་པ།

སྐྱོ་བ་བསྲན་པ།

སྦྲ་ནག་བློ་བཟང༌། ༼ཁྲ་མོ་གླིང༌།༽

མིག་ཆུ་ལྷུང་དུས་མཛའ་མོ་དྲན་ནམ།

མིག་ཟུང་དེས་ས་རྡུལ་འཚུབ་པའི་བྱེ་གཞོང་དུ་བལྟས

རང་ཉིད་འཚོལ་བའི་ལམ་ཁ་ཀྱག་ཀྱོག་ཏུ་འཐེན་འདུག

ཡུལ་ལྗོངས་གང་ན་རང་ཉིད་གྲུབ་པ་སུ་ཞིག་གིས་བཤད་མྱོང་ངམ།

ང གནས་ངེས་མེད་དུ་གྲུབ་པ་དེ་ཡིན་ནམ

ཡུལ་གྲུ་འདི་ན་ཁེར་ཧྲེང་དུ་སྡོད་པའི་མྱི་དེ་ཡིན་ནམ།

འཆར་ཡན་གྱིས་དྲངས་པའི་ཁྱོད་ཀྱི་ངོ་གདོང་སྐྱ་བོ

ངོ་མ་མདུན་དུ་གསལ་བོ་མཐོང་གིན་པ་དེའང

སྐབས་རེར་མཐོང་ལམ་དེ་རབ་རིབ་ཏུ་གྱུར་སོང དེ་ལས་མང་། »

བདག་དང་སྦྲ་ནག་གི་ལེའུ།

བདག་དང་སྦྲ་ནག་གི་ལེའུ།            

 སྦྲ་ནག་བློ་བཟང༌། ༼ཁྲ་མོ་གླིང༌།༽

སྲིད་པ་རྒད་པོའི་བརྩེ་ཞེན་གྱིས་འཐག་པའི་འཁོར་བ

ཨ་མ་རྒན་མོའི་ངལ་རྩོལ་གྱི་རྔུལ་ཆུས་གླན་པའི་ཡ་ཐོག་གི་ལྡིང་ཁང

བྱིས་དུས  བདག་གི་དྭངས་གཙང་གི་སེམས་པས་བཙལ་བའི་འཇིག་རྟེན

ངུ་སྐད་ཀྱིས་བསྲེས་པའི་གནམ་སྔོན་པོ་དང་ས་ཆེན་པོ

འཆན་ཡན་གྱི་རྟོག་འགྱུ་འཕྱོ་བའི་ཕོ་བྲང་ཁོ་ན

སྐད་བསྐུར་དང་མེ་ཏོག་འདྲེས་པའི་རྒྱན་ཆ་གཅིག་པུ

རོལ་མོས་གཅུན་པའི་བུ་གཉོར་གྱི་གཞས་གདངས

ཟོལ་གྱིས་མ་བསླད་པའི་འབྲོག་པའི་རྫི་གླུ་འཁྱིལ་ས

  དེ་ལས་མང་། »

བོད་མདོ་སྨད་འགུ་ལོག་ས་ཁུལ་གྱི་བོད་མི་ཞིག་བཙོན་གྲོལ་རྗེས་སུ་འདས་གྲོངས་ཕྱིན་ཡོད་པའི་གནས་ཚུལ་ཐོན་ཡོད༌།

བོད་མདོ་སྨད་འགུ་ལོག་ས་ཁུལ་གྱི་བོད་མི་ཞིག་ཟླ་བ་སྔོན་མའི་ནང་བཙོན་ནས་གློད་གྲོལ་ཐོབ་སྟེ་ཡུལ་དུ་ལོག་ཡོད་ཀྱང་ཟླ་བ་གཅིག་ལྷག་ཙམ་གྱི་རྗེས་སུ་འདས་གྲོངས་ཕྱིན་ཡོད་པའི་གནས་ཚུལ་ཐོན་ཡོད༌།

ཉེ་ཆར་བོད་ནང་གི་བོད་མི་ཞིག་གིས་ཨེ་ཞི་ཡ་རང་དབང་རླུང་འཕྲིན་ཁང་ལ་གནས་ཚུལ་ངོ་སྤྲོད་གནང་བ་ལྟར་ན༌།སྤྱི་ལོ་༢༠༠༧ལོའི་སྤྱི་ཟླ་དགུ་པའི་ནང་བོད་མདོ་སྨད་འགུ་ལོག་ཁུལ་དགའ་བདེ་རྫོང་དུ་བོད་མི་དང་ཁ་ཆེའི་བར་འགལ་ཟླ་བྱུང་པའི་ཁྲོད་བོད་མི་བཅུ་བཞི་ཙམ་འཛིན་བཟུང་བྱས་པའི་ནང་དཔལའབྱོར་གྱི་ཆད་པ་སྒོར་མོ་ཁྲི་དྲུག་ནས་གསུམ་བར་བཅད་དེ་ལོ་ཕྱེད་དང་ཡང་ན་ལོ་གཅིག་རྗེས་སུ་མང་ཆེ་བ་གློད་གྲོལ་བཏང་ཡོད་པའི་ཁྲོད༌། དེ་ལས་མང་། »

ཕྱིར་དྲན་གྱི་ཟིན་ཐོ །

ཕྱིར་དྲན་གྱི་ཟིན་ཐོ  །

—མིག་གཉིས་ཀྱིས་བལྟས་ན་ད་གཟོད་འཇིག་རྟེན་གྱི་ཡོད་ཚད་མཐོང་ཐུབ་ལ་མིག་གཉིས་ཀྱིས་ནམ་ཡང་རང་ཉིད་བསླུ་མི་སྲིད ། དེའི་ཕྱིར་ཡ་ཐོད་ཀྱི་མིག་འདི་གཉིས་ཆེ་ཆེར་བགྲད་དགོས །

ཆོས་ཤུལ་གསང་བདག

བྱིས་དུས་ཀྱི་འཚོ་བ་ནི་ཕྱུགས་རྫི་དང་རྩྭ་ཐང་གི་ལྷིང་འཇགས་

བསྲུངས་ཏེ་ཕུལ་མྱོང་ལ་གཞོན་ནུ་ཞིག་གི་མིང་བྱང་ཁུར་པ་ནས་

རྒྱལ་བཀུག་དང་ཆང་འཐུང་རྐུན་མ་སོགས་བྱས་བྱས་མཐར ། ལྟས་དབང་ཞིག་གིས་འགྲུལ་བཞུད་པ་ཞིག་གི་ལས་དབང་ལ་སྐྱ་ཐིག་ཕབས ། ཕོ་ལོ་བཅོ་བརྒྱད་ཀྱི་ལོ་མགོ་ཞིག་ནས་ས་མཐའི་ཡུལ་གྲུ་ཞིག་ཏུ་ཀ་ཁ་སུམ་ཅུའི་ཀློག་འདོན་བྱེད་པའི་སྟ་གོན་ཐོག་མར་བྱས ། བདག་ལ་མཚོན་ན་དུས་ཡུན་རིང་བོ་ཞིག་ལ་སློབ་སྦྱོང་གི་གོ་སྐབས་ཐོབ་མ་མྱོང་བའི་འབྲོག་ཕྲུག་ཅིག་ཡིན ། ད་ལྟ་ཕྱིར་མིག་ཅིག་བལྟས་ན་རང་ཉིད་ཀྱང་རང་ཉིད་ལ་ཡིད་མི་ཆེས་པའི་སྣང་བ་ཞིག་སྐྱེས་འོང་ །

གང་ལྟར་ཀ་ཁ་སུམ་ཅུ་ངོ་ཤེས་པ་ནས་བཟུང་སྲོལ་རྒྱུན་རིག་གནས་ཀྱི་སློབ་གསོའི་འོག་ལོ་ངོ་བཅུ་ཕྲག་རིང་སློབ་སྦྱོང་བྱེད་མྱོང་ །  སྲོལ་རྒྱུན་རིག་གནས་ཀྱི་ཁོར་ཡུག་ཁྲོད་འཚར་ལོངས་བྱུང་བའི་རང་ཉིད་ལ་ཕྱིར་རྟོགས་ཐེངས་ཤིག་བྱས་ན་སྲོལ་རྒྱུན་རིག་གནས་ཀྱི་ཁོར་ཡུག་འོག་སློབ་གསོ་མྱོང་བའི་ལོ་ངོ་བཅུ་ཕྲག་ནི་བོད་མི་རིགས་ལ་བྱིལ་བྱིལ་བཏང་སྟེ་འོང་བ་ཞིག་རེད་ལ་མི་རིགས་ཤིག་གི་རྣམ་ཤེས་ལ་ཟབ་འཇུག་བྱེད་མྱོང་བའི་དུས་སྐབས་ཤིག་ཀྱང་རེད །  རང་ཉིད་ལ་མཚོན་ནས་བཤད་ན་དེ་ནི་རང་ཉིད་གཏོགས་པའི་མི་རིགས་འདིར་ངེས་ཤེས་ཟབ་མོ་ཞིག་སྐྱེས་མྱོང་བའི་དུས་ཤིག་ཀྱང་རེད །མི་སྒེར་ཞིག་ལ་ཕ་མ་གལ་འགངས་ཆེ་བ་ཇི་བཞིན་རང་ཉིད་གཏོགས་པའི་མི་རིགས་འདིར་ངོས་ཟིན་ཡང་དག་ཅིག་ཀྱང་ཡོད་དགོས་འདུག   དེ་ལས་མང་། »

རྒྱ་ནག་གི་མིག་གི་ཚེར་མར་བོད་པ་དང་ཡུ་གུར་མི་རིགས་།

རྒྱ་ནག་གི་མིག་གི་ཚེར་མར་བོད་པ་དང་ཡུ་གུར་མི་རིགས།

                   བོང་སྟག་རི་ལུ།

༢༠༠༨ལོ་ནི་རྒྱ་ནག་ནང་ཁུལ་ལ་མཚོན་ན་ཆེས་གལ་ཆེ་བའི་ལོ་ཞིག་ཡིན་པ་དང་།ལྷག་པར་དུ་ཨོ་ལེན་ཕིས་ཁི་ལུས་རྩལ་འགྲན་ཚོགས་ཏེ་རྒྱ་ནག་ནང་ཁུལ་དུ་འཚོགས་རྒྱུ་གཏན་འཁེལ་བྱས་པས་འཛམ་བུ་གླིང་གི་མི་ཚང་མས་མིག་གིས་ཀྲུང་གོར་བལྟས་པ་དང་རྣ་བས་ཀྲུང་གོར་ཉན་པ་རེད་།ཡིན་ན་ཡང་།རྒྱ་ནག་ནང་ཁུལ་དུ་ཆེས་མཐོང་མི་འདོད་པ་ཞིག་ནི་ཡུ་གུར་དང་བོད་པ་ཚང་གཙོ་བྱས་ཏེ་ཡར་ལངས་ཀྱི་ལས་འགུལ་སྤེལ་བ་དང་།སི་ཁྲོན་དང་ཀོས་ཀྲིག་གཙོ་བྱས་ཏེ་ངོ་རྒོལ་གྱི་གཏམ་ཡན་སྤེལ་བ་།ཐ་ན་ས་དང་ཆུ་ཡི་འཇིགས་པ་མང་པོ་ལ་བརྟེན་ནས་༢༠༠༨ལོ་ནི་ཕྱི་ནང་གང་རུང་ནས་བལྟས་ཀྱང་འུར་འུར་ཟིང་ཟིང་ཞིག་ཏུ་བཏང་སོང་། དེ་ལས་མང་། »

ད་ལོ་ནི་གླུ་ལེན་པའི་དུས་ཚོད་ཅིག་ཡིན་ནམ།

ད་ལོ་ནི་གླུ་ལེན་པའི་དུས་ཚོད་ཅིག་ཡིན་ནམ།

    གླུ་བ་ནམ་མཁའི་སེམས་ཁུར་དང་རྡུང་ལེན་སྤྲོ་ཚོགས་ཆེན་མོ་གླེང་བ།

                        བོང་སྟག་རི་ལུ།

 ༢༠༠༨ལོ་ནི་བོད་མི་རིགས་ལ་མཚོན་ན་།ཁྱོད་ཤི་ང་གསོན་དང་།ཤི་འཐམ་རོ་འཐམ་གྱི་ལས་འགུལ་ཆེན་པོ་ཞིག་ལངས་པའི་ལོ་ཡིན་ལ།ལྷ་སའི་པོ་ཏ་ལའི་བར་སྐོར་གཙོ་བྱས་ཏེ་མདོ་དབུས་ཁམས་གསུམ་གྱི་བོད་མི་གནས་སྡོད་བྱེད་སའི་ས་ཆ་གང་རུང་ནས་ཚེ་སྲོག་གི་མཆོད་པ་མ་ཕུལ་ས་ཞིག་གཏན་ནས་མེད་པ་འདྲ་།དེས་ན།༢༠༠༨ལོ་ལ་མི་རིགས་ཀྱི་བྱ་བཞག་རླབས་པོ་ཆེའི་དོན་དུ་ཚེ་སྲོག་གི་མཆོད་པ་ཕུལ་ཅིང་ངུ་འབོད་ཀྱི་སྐད་སྒྲ་མ་འཇགས་པའི་ཡར་སྔོན་ལ།ཨ་མདོའི་ཟི་ལིང་གྲོང་ཁྱེར་ནས་བོད་མི་རིགས་ལ་ཤ་ཞེན་རུས་ཞེན་ཆེ་ཟེར་བའི་བོད་ཀྱི་རྡུང་ལེན་པ་སྐོར་ཞིག་གིས་གླུ་སྐད་གཅིག་ལས་གཅིག་ལྷག་གིས་སྤྲོ་ཚོགས་རབ་དང་རིམ་པ་སྤེལ་པ་ནི་ཁོ་བོ་ཧ་ཅང་ཡིད་སྐྱོ་བའི་གནས་སོ་།

          ད་ལོའི་ཟླ་༡༡པའི་ནང་ཁོ་བོ་གཞུང་དོན་ཙག་ཙིག་ཞིག་གི་ཆེད་དུ་གནའ་མཁར་ཟི་ལིང་དུ་སོང་བ་ཡིན་ལ་།སྐབས་དེར་ཨ་མདོའི་རྡུང་ལེན་སྤྲོ་ཚོགས་ཆེན་མོ་རབ་དང་རིམ་པ་སྤེལ་བའི་དུས་དང་ཁེལ་བྱུང་།ཡིན་ནའང་།

ང་རང་སྤྲོ་ཚོགས་དེར་ཞུགས་འདོད་མ་བྱུང་བར་གྲོགས་པོ་ཁ་ཤས་དང་མཉམ་དུ་ཇ་ཁང་དཀྱུས་མ་ཞིག་ནས་སེམས་གཏམ་ལབ་རེས་བྱས་ཏེ་བསྡད་པ་ཡིན་ལ།དུས་དེར།རྡུང་ལེན་པ་ནམ་མཁའ་ཡིས་ང་རང་འབྱོར་ཡོད་པ་ཐོས་འཕྲལ་ཁ་པར་བཏང་ཡོང་ཞིང་ངེད་གཉིས་ཀྱིས་སྤྱིར་བཏང་གི་མགྲོན་ཁང་ཞིག་ཏུ་ཁ་བརྡ་མང་པོ་བྱས་ཤིང་སྐད་ཆ་དེ་དག་གི་ཁྲོད་ནས་ཁོའི་སེམས་གཏམ་མང་པོ་ཞིག་ང་ལ་དམར་རྗེན་རྗེན་དུ་ལབ་སོང་།སྐབས་དེར་ངས་ཁོར་།ཁྱེད་རང་རྡུང་ལེན་གྱི་སྤྲོ་ཚོགས་ཆེན་མོ་འདིར་མི་ཞུགས་པའི་དོན་ཅི།ཁེ་ཉིན་ད་དུང་སྒྲ་སྡུད་འཕྲུལ་ཆས་ལས་ཁྱེད་ཉིད་གཙོ་བྱས་ཏེ་ཨ་མདོའི་ཡུལ་གྱི་རྡུང་ལེན་པ་གྲགས་ཅན་མི་ཉེར་ལྔ་ཞུགས་བཞིན་ཡོད་ཟེར་བ་མིན་ནམ་ཞེས་དྲིས་པ་ན་།ཁོས་གདོང་ལ་མི་འདོད་པའི་རྣམ་འགྱུར་ཞིག་བསྟན་ཏེ་།ད་ལོ་ནི་ང་ཚོ་བོད་མི་རིགས་ལ་མཚོན་ན་གླུ་ལེན་པའི་ལོ་ཞིག་ཡིན་ནམ་།ང་རང་ད་ལོའི་སྤྲོ་ཚོགས་འདི་དག་ལ་ཞུགས་པར་ཧ་ཅང་སུན་པོ་འདུག་ཟེར་། དེ་ལས་མང་། »

འདི་ལྟར་བོད་ཀྱི་སྟོང་ལོ་གསར་བ་བསུ།།

འདི་ལྟར་བོད་ཀྱི་སྟོང་ལོ་གསར་བ་བསུ།།

          འོད་དཀར།

འཛམ་གླིང་ཤར་ཕྱོགས་གངས་རིའི་འཇིག་རྟེན་འདི།།

ནག་པོ་བདུད་ཀྱི་སྒྱུ་འཕྲུལ་དབང་ལ་ལྷུང་།།

རང་ལུས་འདོམས་གང་རང་ལ་མི་དབང་བར།།

རང་གི་མི་རིགས་གཞན་གྱིས་བྲན་འོག་བསྒྱུར།།

བླ་མ་ཕལ་ཆེར་སྒྲོ་ལོའི་ཆེད་དུ་བྱོན།།

མཁས་པ་ཕལ་ཆེར་སྡར་མའི་ངང་ཚུལ་འཛིན།།

གླེན་པ་ཕལ་ཆེར་གཤིན་རྗེ་ཡུལ་ལ་དྲངས།།

འཇོན་པོ་ཐམས་ཅད་ཕྱི་གླིང་ཡུལ་ལ་བྲོས།།

མཚོ་མོ་ཕལ་ཆེར་དམག་གི་རྟེན་གཞི་བྱས།།

ཁ་བ་དཀར་པོ་ཁྲག་གིས་དམར་པོར་བསྒྱུར།།

ཆུ་བོ་ཆེན་པོ་རྒྱ་ཡིས་འཁོར་སྤྱོད་བྱེད།།

རྩྭ་ཐང་ཆེན་པོ་དུ༔ཁའི་གནས་ལ་བསྒྱུར།། དེ་ལས་མང་། »

བོད་ཀྱི་ལོ་གསར་སྐོར་ལས་འཕྲོས་པའི་གཏམ།

བོད་ཀྱི་ལོ་གསར་སྐོར་ལས་འཕྲོས་པའི་གཏམ་།

རིག་པའི་རྡོ་རྗེས།   

༡༽  བོད་ཀྱི་དུས་འཁོར་སྐར་རྩིས།   

ཕྱི་ལོ་  ༡༠༢༧  ལོར་དུས་འཁོར་བོད་དུ་དར་བ་ནས་བཟུང་།   དུས་འཁོར་ལུགས་ཀྱི་སྐར་རྩིས་རིག་པའི་གཞུང་ལུགས་འདི་རྒྱ་ཆེར་དར་བ་རེད།    ད་ལྟའི་ཆར་བོད་ཀྱི་ནང་ཆོས་ཟེར་བ་བཞིན་བོད་ཀྱི་སྐར་རྩིས་ཞེས་བོད་རང་གི་ལུགས་ཀྱི་སྐར་རྩིས་རིག་པའི་གཞུང་ལུགས་ཤིག་ཏུ་གྱུར་ཡོད།   དེའི་ལུགས་ལ་ཁྱིམ་བཅུ་གཉིས་དང་།   སྒྱུ་སྐར་ཉེར་བདུན།   ཉི་ཟླར་སྒྲ་གཅན་འཇུག་ཚུལ།   གཟའ་ལྔ།   ཞག་གསུམ་སོགས་རྒྱས་པར་ཡོད་ཅིང་།   ཟླ་ལྷག་འདོན་སྟངས་ཐད།   མདའ་རོའི་ལྷག་མར་ཐིག་ཤར་ན།།   མཐའ་རུ་བཤོལ་བྱུང་གཟུགས་ཤར་ན།།   དབུས་སུ་ཟླ་བཤོལ་ཐོན་པ་ཡིན།།   ཞེས་སོགས་གསུངས་པ་ལྟར།    མདའ་ལྷག་སྟེ་ཟླ་བ་རེ་རེའི་མདའ་རོའི་ལྷག་མའི་ཐོག་ནས་ཟླ་ལྷག་འདོན་གྱིན་ཡོད་ལ།   འདི་ལྷ་སའི་ཕྱོགས་ནས་ལན་ལེན་བྱེད་ཀྱིན་ཡོད།     འོན་ཀྱང་ལྷ་སའི་ཕྱོགས་ནས་ཀྱང་རྒྱ་རྩིས་རྙིང་མའི་ལུགས་ཀྱི་དབུགས་སྒང་སོགས་ལེགས་ཆ་རྣམས་ཀྱིས་དུས་འཁོར་སྐར་རྩིས་ལ་ཁ་སྣོན་བྱས་མེད་པ་མིན་མོད།   ལག་ལེན་གྱི་ཐོག་ནས་བོད་རང་གི་སྐར་རྩིས་གཙོ་བོར་གནང་གིན་ཡོད།   དཔེར་ན་ཟླ་ལྷག་འདོན་སྟངས་ལྟ་བུ་རེད།     འདི་ཤིན་ཏུ་ལེགས། དེ་ལས་མང་། »