༧གོང་ས་མཆོག་ཐའེ་ཝན་དུ་འབྱོར་བ།

༧གོང་ས་མཆོག་ཚེས་༣༠ཐའེ་ཝན་དུ་འབྱོར་འདུག་ལ། ཐའེ་ཝན་མང་གཙོ་ཚོགས་པས་ཐེངས་འདིར་༧གོང་ས་མཆོག་ཐའེ་ཝན་ནང་ཕེབས་པ་དེ་རྒྱ་གཞུང་ལ་བཀག་འགོག་བྱེད་པའི་དབང་ཆ་མེད། ཅེས་བརྗོད་འདུག

བྷི་བྷི་གསར་ཁང་གིས་ཚེས་༣༠ཉིན་གནས་ཚུལ་སྤེལ་བ་ལྟར་ན། ཉེ་ཆར་ཐའེ་ཝན་དད་ལྡན་མང་ཚོགས་གཙོས། དམངས་གཙོ་ཚོགས་པ་དང་དྲག་རླུང་གནོད་འཚེ་ཐེབས་ཡུལ་མི་མང་གིས་རེ་སྐུལ་དང་གསོལ་འདེབས་ཞུས་ཡོད་པ་བཞིན། ༧གོང་ས་མཆོག་ལ་ཐའེ་ཝན་གཞུང་ངོས་ནས་ཆིབས་བསྒྱུར་གྱི་མཆོག་མཆན་གནང་ཡོད་པ་མ་ཟད། ཚེས་༣༠ཉིན་གྱི་ཞོགས་པའི་ཆུ་ཚོད་ ༡༠ ཡས་མས་སུ་༧གོང་ས་མཆོག་ཐའེ་ཝན་ནང་ཞབས་སོར་བདེ་བར་འཁོད་ཡོད་པ་དང་། ཞབས་སོར་འཁོད་མ་ཐག་ཐའེ་ཝན་ལྷོ་ཕྱོགས་ཀྱི་གནོད་འཚེ་ཐེབས་ཡུལ་དུ་ཆིབས་བསྒྱུར་བསྐྱངས་ཏེ་དེར་ཡོད་ས་གནས་མི་མང་ལ་འཚམས་གཟིགས་གནང་ཡོད་པ་རེད། ཐའེ་ཝན་གཞུང་ནས་ཐེངས་འདིའི་༧གོང་ས་མཆོག་གི་ཆིབས་བསྒྱུར་མཛད་འཕྲིན་གྱི་བཀོད་སྒྲིག་ལྟར། སང་ཉིན་༧གོང་ས་མཆོག་གིས་དེར་ཡོད་གསར་འགོད་པ་རྣམས་ལ་གསར་འགོད་ལྷན་ཚོགས་ཤིག་སྐོང་འཆར་ཡོད་པ་དང་། གནངས་ཉིན་ནས་བཟུང་ཐའེ་ཝན་ལྷོ་ཕྱོགས་ཀྱི་གནོད་འཚེ་ཐེབས་ཡུལ་དུ་ཆིབས་བསྒྱུར་བསྐྱངས་ཏེ་དེར་ཡོད་གནོད་འཚེ་ཐེབས་ཡུལ་གྱི་མང་རྣམས་ལ་བསྔོ་སྨོན་གསོལ་འདེབས་ཞུ་རྒྱུ་ཡིན་འདུག ཡིན་ཡང་། རྒྱ་གཞུང་གིས་༧གོང་ས་མཆོག་གི་ཐེངས་འདིའི་ཆིབས་བསྒྱུར་ཐད་སྐྱོན་བརྗོད་ཤུགས་ཆེར་བྱས་ཡོད་པ་དང་། ཐེངས་འདིར་ཏཱ་ལའི་བླ་མ་གདན་ཞུ་གནང་མཁན་དེ་སྲིད་འཛིན་མཱ་ཡུན་ཇིག་གི་སྲིད་འཛིན་ཚོགས་པ་མིན་པར། ཐའེ་ཝན་ནང་གི་ཏཱ་ལའི་བླ་མ་དང་འབྲེལ་ཡོད་ཀྱི་མི་སྣ་དང་དམངས་གཙོ་ཚོགས་པའི་མི་སྣ་ཚོའི་བྱེད་སྤྱོད་ཡིན་ཚུལ་བརྗོད་ཡོད་པ་མ་ཟད། རྒྱ་ནག་ཆོས་ལུགས་ཚན་པའི་འགན་འཛིན་ཡོས་ཞོ་ཝིན་གྱིས། ཐའེ་ཝན་ནང་རང་བྱུང་གནོད་འཚེ་ཐེབས་པའི་དུས་སྐབས་འདིར་སྐྱོན་མེད་སྐྱོན་འཚོལ་བྱེད་པའི་དུས་ཤིག་མིན་པ་དང་། རང་བྱུང་གནོད་འཚེའི་གོད་ཆག་མཇུག་མ་སྒྲིལ་གོང་ཐའེ་ཝན་མི་མང་ལ་གནོད་འཚེ་འབྱུང་བའི་ཉེན་ཁ་ཡོད་པའི་བརྡ་སྤྲད་ཡོད་པ་རེད། དེ་ལས་མང་། »

བོད་ལ་རང་དབང་མེད་པའི་སྙན་ཞུའི་འོད་སྡེར།

པར་དབང་།VOT

པར་དབང་།VOT

ངས་མི་རིགས་འདི་ལ་བཅངས་པའི་རེ་བ་ནི་རང་རང་གིས་རང་ཚུགས་རེ་བཟུང་སྟེ། ༸པཎ་ཆེན་སྐུ་ཕྲེང་བཅུ་བ་ཚང་གིས་གསུངས་དོན་ལྟར་སྔོན་བྱོན་དམ་པ་ཚོའི་གསུང་དེ་དག་སེམས་ལ་བཟུང་ནས་བོད་སྐད་གཙང་མ་ཞིག་བཤད། བོད་ཡིག་ཡང་དག་ཅིག་སྦྱངས་ཏེ། མིག་རྒྱང་ཐུང་དུ་མ་བཅུག་པར་བོད་ཅེས་པའི་ཐ་སྙད་འདིར་དོན་བཤད་ལེགས་པོ་ཞིག་བྱས་ཏེ། མཐུན་སྒྲིལ་ཡག་པོའི་སྒོ་ནས་བོད་ཀྱི་རིག་གནས་འདི་ལ་གཅེས་སྤྲས་གང་ལེགས་བྱ་དགོས་པ་དང་། གནས་ཚུལ་ཆུང་ཆུང་རེའི་སྟེང་ནས་རང་གི་རང་ཚུགས་འཆོར་དུ་མི་འཇུག་རྒྱུ་འདི་ཡིན་ཟེར།

ཟླ་འདིའི་ཚེས་ ༢༨ ཉིན་བོད་གཞུང་དྲིལ་བསྒྲགས་ལས་ཁུངས་ཀྱི་ལྷག་པ་ཚེ་རིང་ཚོགས་ཁང་དུ་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་གོ་སྒྲིག་འོག ཉེ་ཆར་བོད་ནས་ཐོན་པའི་རང་དབང་མེད་པའི་སྐོར་གྱི་སྙན་ཞུ་ཞེས་པའི་གློག་བརྙན་ཞིག་སྐར་མ་བཅུའི་རིང་བསྟན་པ་དང་འབྲེལ། གསར་འགོད་གསལ་བསྒྲགས་ཤིག་བསྐྱངས། འགྲོ་བ་མིའི་ཐོབ་ཐང་ལྟེ་གནས་ཁང་གི་ཉམས་ཞིབ་པ་འཇམ་དཔལ་སྨོན་ལམ་ལགས་དང། འོད་སྡེར་བཟོ་སྐྲུན་པ་སྙན་ཚང་སྟག་སྒྲིག་གམ་མིང་དངོས་ལ་སྐལ་བཟང་ཚུལ་ཁྲིམས་ཞུ་བ་དེའི་སྤུན་མཆེད་སྐལ་བཟང་དམ་ཆོས་ལགས་གཉིས་ཀྱིས་གསར་འགོད་པ་རྣམས་ལ་མཇལ་འཕྲད་གནང་ཡོད། འཇམ་དཔལ་སྨོན་ལམ་གྱིས་གསུངས་དོན། ཐེངས་འདིའི་འོད་སྡེར་བཟོ་སྐྲུན་པ་ནི་ཞེ་དྲག་གི་བློ་སྟོབས་ཆེན་པོ་ཞིག་ཡིན་ཞིང། དུས་ཡུན་ཆུ་ཚོད་གཅིག་ལྷག་གི་འོད་སྡེར་དེའི་ནང་དུ། བཟོ་སྐྲུན་པས་བོད་ཀྱི་ལོ་རྒྱུས་འགྲེལ་བརྗོད་དང། རྒྱ་ནག་གཞུང་གིས་བོད་ཐོག་སྲིད་བྱུས་འཛིན་སྟངས། ས་གནས་རང་སྐྱོང་ཁུལ་གྱི་ནང་དུ་བཟོས་བཞག་པའི་སྒྲིག་ཁྲིམས་དག་གི་འོས་འགན་མ་གཏོགས། རང་དབང་གི་ལོངས་སྤྱོད་མེད་པ། ༧གོང་ས་མཆོག་ལ་གཞིས་སྡོད་བོད་མི་ཚོས་དད་དམ་གཡོ་བ་མེད་པ་བཅས་དངོས་དོན་གསལ་བཤད་བྱས་འདུག་པ་དང། ཁོ་རང་ནི་ཀན་སུ་ཞིང་ཆེན་ཀན་ལྷོ་རྫོང་ཁོངས་དགེ་ཚང་གྲོང་སྡེ་ནས་ཡིན་པའི་མི་དཀྱུས་མ་ཞིག་རེད། ཅེས་དང། ཡང་ཁོང་གིས་མུ་མཐུད་གསུངས་དོན། དེ་ལྟ་བུའི་བོད་ཀྱི་དངོས་དོན་འགྲེལ་བརྗོད་བྱས་པའི་འོད་སྡེར་དེ་འདྲ་ཞིག་བཟོས་པ་དེར་ང་ཚོས་ངོས་ནས་བསྔགས་བརྗོད་ཞུ་འོས་པ་ཞིག་དང་། ལྷག་པར་མི་ཞིག་གིས་བོད་མི་རིགས་ཀྱི་ལ་རྒྱ་འཛིན་པའི་ཐོག་ནས། སྨྲ་བརྗོད་རང་དབང་བེད་སྤྱད་དེ་བོད་ཀྱི་རིག་གཞུང་ལ་སོགས་པ་མང་ཚོགས་ལ་གསལ་བཤད་བྱེད་ཐུབ་རྒྱུ་དེ་ཞེ་དྲག་གི་གལ་འགངས་ཆེན་པོ་རེད་དྲན་གྱི་འདུག འགྲོ་བ་མིའི་ཐོབ་ཐང་གི་ཆ་ནས་ཀྱང་ཁོང་གིས་མངོན་འདོད་ཞུས་པ་མཐའ་དག་ཁྲིམས་དང་མཐུན་ཞིང་སྲུང་སྐྱོབ་ཐུབ་པ། རྒྱ་ནག་རྒྱལ་ཁབ་ཆེན་པོའི་རྩ་ཁྲིམས་དང་འགལ་མེད་པ་གསལ་བོ་རེད་ཅེས་གསུངས་བྱུང།
དེ་ལས་མང་། »

དམངས་གཙོ་ནི་ཁྱབ་སྤེལ་བྱེད་པའི་གོ་རིམ་ལ་རག་ལས་ཡོད་།

ཝང་ལི་ཞུང་།
རྒྱུན་ཏུ་ཤེས་ལྡན་མི་སྣ་ཚོས་མི་མང་ལ་དམངས་གཙོའི ་འདུ་ཤེས་མེད་ཚུལ་འཁང་ར་བྱེད་ཀྱི་ཡོད༌། གལ་སྲིད་ཁོང་ཚོར་དམངས་གཙོའི་གོ་སྐབས་བྱིན་ཡང་སྣང་མེད་བསྐྱུར་བ་མིན་ན༌། ཧུར་བརྩོན་གྱིས་དེའི་ཁྲོད་མི་ཞུགས་པ། ཡང་ན་ཁེ་བསྲང་ཆུང་ཆུང་ཞིག་ལ་རང་གི་དམངས་གཙོའི་ཁེ་དབང་དེ་བརྗེ་བ༌། ཡང་ན་ཆོས་ལུགས་དང་ཕྱོགས་ཁག་གི་འགྲམ་རྩོད་མི་ལེགས་པའི་ཁྲོད་ཞུགས་པ་སོགས་བྱེད་ཀྱི་ཡོད་ཟེར༌། དེ་བས་དམངས་གཙོ་མངོན་འགྱུར་བྱེད་ན༌། ངེས་པར་དུ་དུས་ཡུན་རིང་པོར་དམངས་གཙོའི་སློབ་གསོ་བྱས་ནས༌། མི་མང་གི་སྤུས་ཚད་ཇེ་མཐོར་བཏང་ན་ད་གཟོད་འགྲུབ་སྲིད་པ་རེད་ཟེར༌།
དོན་དངོས་ཐོག་ལོ་ངོ་བརྒྱ་ཡི་སྔོན་ལ་རྒྱ་ནག་གི་ཤེས་ལྡན་པ་ཞིག་གིས་གོང་གི་སྐད་ཆ་དེ་བརྗོད་མྱོང་བ་རེད༌། ལོ་བརྒྱ་ཡི་རིང༌། དེ་སྔའི་བློ་སྒོ་འབྱེད་པའི་དུས་ནས་མཚམས་ཆད་མེད་པར་འབད་བརྩོན་གནང་ཡོད༌། དུས་དེ་རིང་བར་གྱི་རྒྱ་ནག་གི་མི་མང་གི་དམངས་གཙོའི་འདུ་ཤེས་ཡར་རྒྱས་ཕྱིན་མེད་ཅེས་བརྗོད་མི་ཐུབ་ནའང༌། ཤེས་ལྡན་པ་ཚོས་ཚད་གཞིའི་ཆུ་ཚད་དང་ད་དུང་ཡང་ཧ་ཅང་རྒྱང་ཐག་་རིང་པོ་རེད༌། མིག་སྔར་སྡེ་བ་རིམ་པའི་དམངས་གཙོའི་འོསའདེམས་ཉག་ཅིག་ཡོད་པ་དེར་ཆ་མཚོན་ནའང༌། ཞན་ཆ་སྔར་བཞིན་མང་པོ་ཡོད༌།
ངོ་མ་རེད༌། དམངས་གཙོ་ལག་ལེན་གྱི་བརྒྱུད་རིམ་ཁྲོད་མི་མང་གི་སྐྱོན་ཆ་གྲངས་མེད་ཅིག་ལུང་འདྲེན་བྱེད་རྒྱུ་ཡོད༌། ཡིན་ནའང་ངས་བསམ་ན༌། དེའི་འགན་འཁྲི་དེ་མི་མང་གི་ཐོག་བཞག་ན་མི་འགྲིག་པར༌། གནད་དོན་དེ་དམངས་གཙོ་ཁྱབ་སྤེལ་བྱེད་པར་ཐུག་ཡོད༌། དཔེར་ན་མི་མང་གིས་དམངས་གཙོ་སྣང་མེད་འཇོག་པ་ནི༌། མི་མང་དོན་ནུས་ལྡན་པའི་ངང་དམངས་གཚོའི་གོ་རིམ་ནང་ཞུགས་མི་ཐུབ་པའི་རྐྱེན་ཡིན་སྲིད༌། ཡང་ན་ཁྱབ་སྤེལ་བྱས་པའི་དམངས་གཙོ་དེར་དོན་འབྲས་ལྡན་པའིའབྲས་སུ་ཐོན་མི་ཐུབ་པར་རག་ལས་སྲིད༌། དེ་བས་མི་མང་གིས་དམངས་གཙོ་སྣང་མེད་བསྐྱུར་བ་ནི་གནས་ལུགས་ལྡན་པ་ཞིག་རེད༌། མི་རྣམས་ཀྱིས་འོསའདེམས་ཁྲོད་ཞུགས་པའི་མི་ལ་ཆ་རྒྱུས་མེད་པའི་དུས་སུ༌།འོསའདེམས་ཏེ་ཁོང་ཚོར་ཆ་མཚོན་ན་དོན་སྙིང་མེད་པ་ཞིག་རེད༌། གཤིས་གཙང་ལྷད་མེད་རྣམས་དེར་ཞུགས་པའི་སྤྲོ་སེམས་མེད་པས་ན༌། དངོས་དོན་གཉེར་མཁན་ཚོས་ཁེ་བསྲང་བརྗེ་བསྒྱུར་བྱས་ནས༌།འོསའདེམས་ཁྲོད་ལྐོག་རྔན་སྤྲོད་པའི་གནས་ཚུལ་བྱུང་གི་ཡོད་ལ༌། ཐོག་མར་དེ་ནི་མི་མང་གི་སྤུད་ཚད་དམའ་བའི་སྐྱོན་མ་ཡིན་པར༌།འོསའདེམས་ཁྲོད་ཀྱི་བཟང་ཆ་དེ་འོས་མིས་རྔན་པ་སྤྲད་པའི་ཆང་དང་དུ་བ་སོགས་ཀྱི་དོ་ཟླར་མ་ཡོང་བ་རེད༌། དེ་བས་འོསའདེམས་ཁྲོད་ཀྱི་བྱ་སྤྱོད་མི་ལེགས་པ་མང་པོ་ཞིག འོསའདེམས་མ་དཔེ་ལས་རང་ཉིད་ཇེ་མཐོར་བཏང་སྟེ་ཕ་རོལ་བ་སྣང་ཆུང་བྱས་ན་ད་གཟོད་རྒྱལ་ཁ་ཐོབ་པའི་རྐྱེན་རྩ་གཏན་འཁེལ་བྱས་པ་རེད༌། དེ་བཞིན་བདམས་ཐོན་བྱུང་བ་ན་རང་སྣང་གང་ཤར་གྱིས་དབང་ཆ་བེད་སྤྱོད་དང༌། རྐུབ་སྟེགས་རྒྱུན་གནས་སུ་ཐུབ་པས༌།འོས་འདེམས་བྱེད་མཁན་མི་མང་ལ་དབང་ཆ་ཅི་ཡང་མེད༌། ཕྱོགས་གཅིག་ནས་མི་མང་ལ་ཡིད་ཆེས་བརླག་ཏུ་བཅུག་པ་དང༌། ཕྱོགས་གཞན་ཞིག་ནས་དབང་ཆ་སྒེར་གཅོད་པར་ཐབས་ཤེས་སྣ་ཚོགསའཐེན་ནས་འོསའདེམས་ལ་རྒྱལ་བ་ལེན་པའི་དབང་ཤུགས་སྤྲད་པ་རེད༌། དེ་ལས་མང་། »

དྲང་སྲོང་རྒན་པོའི་ལྟ་གྲུབ།

བེ་རི་འཇིགས་མེད་ཀྱིས།
ཆར་དང་ཉི་ཟེར་འཐབ་པའི་དབྱར་གཞུང་ན།།
སྣ་ལྔའི་ཁ་དོག་འཁྱིལ་བའི་འཇའ་རིས་སྣེ།།
སུ་དང་གང་གིས་འཇུ་ཡང་མི་ཟིན་པ།།
བདེན་པའི་གནས་ལུགས་བསྟན་པའི་མཚོན་གཞི་ཞིག།

ཁ་རྩངས་གྲང་ལྷག་འཐབ་ནས་ཁ་བ་འབབ།།
དེ་རིང་གཡའ་དག་མཁའ་ནས་ཉི་གཉོན་འཛཱུམ།།
གནམ་སའི་གཤིསལུགས་ངེས་མེད་འགྱུར་བ་འདི།།
འདུས་བྱས་མི་རྟག་མཚོན་པའི་དཔང་རྟགས་ཤིག།

འཕར་སྤྱང་ཝ་མོ་ཚོགས་པའི་དུར་ཁྲོད་དུ།།
རྣམ་ཤེས་རླུང་གིས་ཁྱེར་བའི་མཛེས་མའི་ལུས།།
གོས་མེད་གཅེར་བུར་ལུས་པའི་མགྲོན་སྟོན་འདིས།།
དྲང་སྲོང་རྒན་པོའི་ཞལ་ལ་བདེན་ཁ་སྦྱིན།།
དེ་ལས་མང་། »

ཉིན་ཐོ་ལས་བཏུས་པའི་གཏམ།

བེ་རི་འཇིགས་མེད་ཀྱིས།
གྲོས་ཚོགས་འཐུས་མིའི་ཟབ་སྦྱོང༌།
ཞི་དུལ་སྤྱོད་པས་གཞནགྱི་ཡིད་དབང་འཕྲོག།
ཞི་བདེའི་གསུང་གིས་སྐྱེ་དགུའི་གདུང་བ་སེལ།།
ཞི་བ་བརྙེས་པའི་ཐུགས་ཀྱི་བརྩེ་བ་ཟབ།།
ཞི་བདེ་དེད་དཔོན་བསྟན་འཛིན་རྒྱ་མཚོ་མཆོད།།

མཚན་གྱི་སྙན་པ་ཁུ་བྱུག་སྨྱོས་པའི་གླུ།།
རྣ་བའི་ནགས་ཀླུང་འགྲིམ་སཔའི་འགྱུར་ཁུག་གིས།།
ཡིད་ལ་དཔྱིད་ཀྱི་དགའ་སྟོན་འཇོ་མཛད་པ།།
མ་ཧཱ་པཎ་ཆེན་ཟམ་གདོང་བླ་མར་འདུད།།

སྤྱི་སེམས་སྙིང་ལ་བཅངས་མིན་ཇི་ལྟར་ཡང༌།།
སྤྱི་པའི་འཐུས་མིར་བདམས་པའི་སྐུ་ངོ་འགའ།།
སྤྱི་འཐུས་རྣམས་ལ་རྒྱུས་སྟོན་ཟབ་འཁྲིད་ཅེས།།
སྤྱི་ཐབས་ཡང་སྟེང་ཚོགས་པར་བདག་ཀྱང་སླེབས།།
དེ་ལས་མང་། »

ཐེ་ཝན་སྲིད་འཛིན་༧གོང་ས་མཆོག་ལ་མཇལ་རྒྱུ་མིན་ཟེར།

༧གོང་ས་ཏཱ་ལའི་བླ་མ་ནི་ཆོས་ཕྱོགས་ཀྱི་མཛད་འཕྲིན་སྐྱོང་བར་ཕེབས་ཀྱིན་ཡོད་སྟབས། ཆབ་སྲིད་གྱི་མཛད་འཕྲིན་ལས་འཕྲོས་པའི་མཇལ་འཕྲད་གོ་སྒྲིག་བྱས་མེད་ཟེར།

ཕྱི་ཚེས་ ༢༨ ཉིན་ཐའེ་ཝན་སྲིད་འཛིན་གྱི་ལས་ཁུངས་ནང་གོ་བརྡ་སྤྲད་པ་ལྟར་ན། ཐེངས་འདིར་༧གོང་ས་མཆོག་གླིང་ཕྲན་དེའི་ནང་ཕེབས་སྐབས་སྲིད་འཛིན་མ་ཡོན་ཇིག་མཇལ་འཕྲད་གནང་རྒྱུ་མིན་ཟེར། སྲིད་འཛིན་གྱི་མགྲིན་ཚབ་པ་ ཝང་ཡུ་ཁྲི་ ཡིས་བརྗོད་དོན། སྲིད་འཛིན་མ་ཡོན་ཇིག་ཐའེ་ཧྥུན་དྲག་རླུང་གི་གནོད་འཚེ་ཕོག་མཁན་ཚོའི་མྱ་ངན་དྲན་གསོའི་མཛད་སྒོར་ཕེབས་པའི་ཉིན་མོ་ནི་ཕྱི་ཚེས་ ༧ ཉིན་ཡིན་ལ། ཉིན་དེ་ནི་ཏཱ་ལའི་བླ་མ་ཐའེ་ཝན་ནས་ཕྱིར་ཕེབས་ཚར་བའི་རྗེས་སུ་རེད། ང་ཚོའི་དྲན་ཚུལ་ལ། ཏཱ་ལའི་བླ་མ་འདིར་ཕེབས་པ་ནི་ཆོས་ཕྱོགས་ཀྱི་མཛད་འཕྲིན་སྐྱོང་བར་ཕེབས་པ་ཡིན་སྟབས། ང་ཚོས་སྲིད་འཛིན་མཆོག་དང་༧གོང་ས་ཏཱ་ལའི་བླ་མ་གཉིས་ཀྱི་བར་མཇལ་འཕྲད་ཀྱི་མཛད་རིམ་གོ་སྒྲིག་བྱ་གི་མིན་ཅེས་བརྗོད་ཡོད་པ་རེད།

ཡིན་ཡང་། ཐའི་ཝན་གྱི་སྲིད་འཛིན་ཟུར་པ་ལིས་ཏིན་ཧུའེ་ནི་ཐེངས་འདིར་ཏཱ་ལའི་བླ་མར་མཇལ་སྲིད་པ་རེད་ཅེས་ཐའེ་ཝན་གྱི་གདུང་སེམས་མཉམ་སྐྱེད་མཐུན་ཚོགས་ཀྱི་འགན་འཛིན་ཧང་ཁུན་ཧུའེ་ཡིས་བརྗོད་ཡོད་པ་རེད། ད་ལྟའི་ཆར་ཁོང་གཉིས་ཀྱི་བར་མཇལ་འཕྲད་ཀྱི་མཛད་རིམ་གོ་སྒྲིག་བྱས་མེད་ནའང་། ཏཱ་ལའི་བླ་མ་མཆོག་ཐེངས་དང་པོར་ཐའེ་ཝན་ལ་ཕེབས་པ་ནས་བཟུང་ཁོང་རྣམ་གཉིས་ཀྱི་བར་གྲོགས་འབྲེལ་དམ་པོ་ཞིག་ཡོད་པ་རེད། དེ་བས་སྲིད་འཛིན་ཟུར་པ་ཁོང་གིས་རང་གི་གྲོགས་པོ་རྙིང་བར་མཛལ་འདོད་ཡོད་པ་རེད། ཡིན་ཡང་མཇལ་ཐུབ་མིན་ནི་ཏཱ་ལའི་བླ་མ་མཆོག་འདིར་ཕེབས་རྗེས་ཀྱི་མཛད་འཕྲིན་ལ་རག་ལས་པ་རེད་ཅེས་བརྗོད་འདུག
དེ་ལས་མང་། »

ཚྭ་འདམ་གཞོངས་ལ་ས་ཡོམ་བྱུང་བ།

མཚོ་སྔོན་ཞིང་ཆེན་མཚོ་ནུབ་ས་ཁུལ་དུ་བསྟུད་མར་ཐེངས་གཉིས་ལ་ས་ཡོམ་བྱུང་ཡོད་འདུག

དེ་རིང་སྔ་དྲོ་མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་གྱི་ཚྭ་འདམ་གཞོངས་ཀྱི་ཤར་ལྷོའི་མཚམས་སུ་ཐེངས་གཉིས་ལ་ས་ཡོམ་བྱུང་ཡོད་པ་དང་། ཐེངས་དང་པོ་དེ་རིང་ཞོགས་པའི་ཆུ་ཚོད་ ༩ དང་སྐར་མ་ ༥༢ སྟེང་ཚད་རིམ་ ༦༌༣ ཅན་གྱི་ས་ཡོམ་བྱུང་ཡོད་པ་དང་། ཐེངས་གཉིས་པ་ཆུ་ཚོད་ ༡༠ དང་སྐར་མ་ ༡༤ སྟེང་ཚད་རིམ་ ༥༌༣ ཅན་གྱི་ས་ཡོམ་བྱུང་ཡོད་པ་རེད། ད་ལྟའི་ཆར་མཚོ་ནུབ་སོག་རིགས་བོད་རིགས་རང་སྐྱོལ་ཁུལ་གྱི་ན་གོར་མོ་དང་གཏེར་ལེན་ཁ་བཅས་ས་ཁུལ་ཁག་ཅིག་ནང་ཚོར་བ་དྲག་པོ་ཡོད་ཀྱང་། ད་ལྟའི་ཆར་མི་མང་ལ་གནོད་སྐྱོན་གྱི་གནས་ཚུལ་ཅི་བྱུང་གསལ་རྟོགས་མེད་ཀྱང་། ས་ཡོམ་བརྟག་དཔྱད་ཚན་པས་བརྗོད་དོན་ལྟར་ན་ཐེངས་འདིའི་ས་ཡོམ་འགུལ་ཚད་སའི་གཏིང་རུམ་གྱི་སྤྱི་ལེ་ ༧ གྱི་མཚམས་ཡིན་པ་དང་། གཡོ་འགུལ་བྱུང་བའི་ཚད་རིམ་དེ་ས་ངོས་ལས་རྨིས་ ༤༠༠༠ གི་མཚམས་ཡིན་ཚུལ་བརྗོད་ཡོད་པ་མ་ཟད། ན་གོར་མོ་དང་གཏེར་ལེན་ཁ་ས་ཁུལ་དུ་ས་ཡོམ་གྱི་གཡོ་འགུལ་ཤུགས་ཆེར་བྱུང་ཡོད་ཚུལ་བརྗོད་ཡོད་པ་རེད། དེ་ལས་མང་། »

ཉིན་ཐོ་ལས་བཏུས་པའི་གཏམ།

བེ་རི་འཇིགས་མེད་ཀྱིས།
གྲོས་ཚོགས་འཐུས་མིའི་ཟབ་སྦྱོང༌།
ཞི་དུལ་སྤྱོད་པས་གཞནགྱི་ཡིད་དབང་འཕྲོག།
ཞི་བདེའི་གསུང་གིས་སྐྱེ་དགུའི་གདུང་བ་སེལ།།
ཞི་བ་བརྙེས་པའི་ཐུགས་ཀྱི་བརྩེ་བ་ཟབ།།
ཞི་བདེ་དེད་དཔོན་བསྟན་འཛིན་རྒྱ་མཚོ་མཆོད།།

མཚན་གྱི་སྙན་པ་ཁུ་བྱུག་སྨྱོས་པའི་གླུ།།
རྣ་བའི་ནགས་ཀླུང་འགྲིམ་སཔའི་འགྱུར་ཁུག་གིས།།
ཡིད་ལ་དཔྱིད་ཀྱི་དགའ་སྟོན་འཇོ་མཛད་པ།།
མ་ཧཱ་པཎ་ཆེན་ཟམ་གདོང་བླ་མར་འདུད།།

སྤྱི་སེམས་སྙིང་ལ་བཅངས་མིན་ཇི་ལྟར་ཡང༌།།
སྤྱི་པའི་འཐུས་མིར་བདམས་པའི་སྐུ་ངོ་འགའ།།
སྤྱི་འཐུས་རྣམས་ལ་རྒྱུས་སྟོན་ཟབ་འཁྲིད་ཅེས།།
སྤྱི་ཐབས་ཡང་སྟེང་ཚོགས་པར་བདག་ཀྱང་སླེབས།།
དེ་ལས་མང་། »

ཁ་ཆེམས།

བེ་རི་འཇིགས་མེད་ཀྱིས།
སྔོན་དུས་བདེ་བར་གཤེགས་པས་བདེན་བཞི་ཡིས།།
དྲང་སྲོང་རྒྱས་པའི་འགོས་ནད་བཅོས་མཛད་མོད།།
ཀ་ཤིའ་མཛེས་དགའི་འཕྲུལ་གྱི་ཁ་རླངས་རྒྱུན།།
ད་ལྟའང་རླུང་དང་འགྲོགས་ནས་ཕྱོགས་འདིར་བདས།།

ཞི་འཚོ་དཔེ་མཛོད་ཁང་ནས་མ་མཇལ་གོང༌།།
ནཻ་རུ་མགྲོན་ཁང་རྙིང་པའི་གཟིམས་ཤག་ནང༌།།
ལན་ཆགས་བུ་ལོན་དེད་པའི་གྲུ་ཟུར་ནས།།
བྱ་རྡོ་ལམ་འཕྲོད་བྱུང་བའི་སྙིང་སྡུག་མ།།

ཨེ་སི་མེ་འཁོར་འགྲིམས་པའི་ཉལ་ཡོལ་ཕག།
སྐྱེས་བུ་གསུམ་པས་མཐོང་ཐོས་མི་རུང་བའི།།
སྙིང་གི་འཕར་སྒྲ་འདྲེས་པའི་འཐམ་ཁྱུད་ཀྱིས།།
ཞི་བདེའི་བག་ཆགས་སྨུག་པ་བཞིན་དུ་ཡལ།།
དེ་ལས་མང་། »

ྋགོང་ས་མཆོག་ཐེ་ཝན་དུ་གདན་ཞུའི་གསོལ་འདེབས་ཕུལ་བ།

༄༅། ། ཕྱི་ལོ་ ༢༠༠༩ ཟླ་བ་ ༨ ཚེས་ ༢༧ ཉིན་སྤེལ་བའི་གནས་ཚུལ་ལྟར་ན། ཐེ་ཝན་གྱི་སྲིད་འཛིན་ནས་རེས་གཟའ་ཕུར་བུའི་ཉིན་གཞུང་འབྲེལ་གསལ་སྒྲགས་སྤེལ་བའི་ནང་གསལ། ཕྱི་ཟླ་ ༨ ཚེས་ ༣༡ ནས་ ཕྱི་ཟླ་ ༩ ཚེས་ ༣ བར་ྋགོང་ས་ྋསྐྱབས་མགོན་ཏཱ་ལའི་བླ་མ་མཆོག་ ཐེ་ཝན ་ནང་ཉེ་ཆར་དྲག་ཆར་རླུང་འཚུབ་ མོ་ར་ཀོཊ་ དང་ཆུ་རུད་ཀྱིས་གཏོར་སྐྱོན་བྱུང་སའི་ས་གནས་ཁག་ཏུ་ཞབས་སོར་གྱི་རང་བྱུང་འཇིགས་པ་དེའི་འོག་འདས་གྲོངས་སུ་གྱུར་བ་དང་གོད་ཆག་ཕོག་པ་རྣམས་ཀྱི་ཆེད་དུ་སྨོན་ལམ་གསོལ་འདེབས་གནང་རྒྱུ་ཡིན་པ་རེད་ཅེས་རུ་ཊར་གསར་ཁང་ནས་བརྗོད་ཡོད།
ཐེ་ཝན ཕྱོགས་འགལ་དམང་གཙོ་ཡར་ཐོན་ཚོགས་པས་རེས་གཟའ་ལྷག་པའི་ཉིན་ྋགོང་ས་མཆོག་ལ་གདན་ཞུའྀ་གསོལ་འདེབས་ཞུས་པ་རེད་འདུག དེ་ཡང་ཕྱི་ཟླ་༨ ཚེས་༦ ནས་༩ བར་བྱུང་བའི་དྲག་ཆར་རླུང་འཚུབ་དང་ཆུ་རུད་འཇིགས་པའི་འོག་མི་གྲངས་༤༦༡ ཙམ་རྐྱེན་འདས་དང་མི་གྲངས ་༡༩༢ ཙམ་ཕྱི་ཟླ་ ༨ ཚེས་ ༦ ནས་༩ བར་ལ་གར་སོང་ཆ་མེད་གྱུར་པ་རེད།
གྲོང་ཁྱེར་ཀའོ་ཤུང་སྲིད་གཞུང་གི་དྲིལ་སྒྲགས་ལས་ཁུངས་ཀྱི་ངེས་སྟོན་པ་སྐུ་ཞབས་ཤུ་ལི་མིང་ནས་ྋགོང་ས་མཆོག་ཐེ་ན་ལྷོ་ཕྱོགས་གྲོང་ཁྱེར་ཆེ་ཁག་བདུན་གྱི་དབུ་ཁྲིད་རྣམས་ནས་ཁུལ་སོ་སོར་གདན་ཞུ་ཕུལ་ཡོད་སྐོར་གསུངས་པ་དེ་ཐའི་པེ་དུས་བབ་གསར་ཤོག་ནང་བཀོད་ཡོད། དེ་ལས་མང་། »

WordPress Themes