ས་ཆེན་གྱི་མཆིན་པ་ནག་པོ་མ་རུལ་བར་དུ
གཙང་བོའི་བཞུར་རྒྱུན་གྱི་མིད་ཐག་མ་འགགས་བར་དུ
དུས་ཚོད་ཀྱི་ངོ་གདོང་ལ་རྒ་རྒས་ཀྱི་སྐྱི་གཉེར་མ་ཆགས་བར་དུ

ང་རང་ཐོག་མའི་ཁ་དན་གྱི་གཟུངས་ཤིང་ལ་འཇུས་ཤིང
ཁྱོད་ཀྱི་འཁོར་བའི་སྙིང་བོ་རུ་སྦྲུམ་ངེས

ལོ་ཟླའི་གཙང་ངོགས་ནས་བཞུད་ཟིན་པའི་ངང་སྒུག་གི་ཀོ་གྲུ་ཆུང་ཆུང
ཡུན་རིང་སྨྲ་བ་བསྡམས་པའི་བརྩེ་དུང་གི་སྨྲ་ལྕེ་ལྐུག་པོ
ཁྱོད་ཉིད་གཞི་ནས་བདག་གི་འཚོ་བའི་གོམས་གཤིས་སུ་གྲུབ་ཅིང
གོམས་གཤིས་ལྟ་བུའི་ངང་སྒུག་གི་མེ་ཏོག་ཏུ་འབུས
དེ་ལས་མང་། »

ཁྱོད་ནི་གངས་ལྗོངས་འདི་ན་ཀུན་གྱིས་འཕྱ་བ་དང་། སྨོད་པ་དང་། ཁྲེལ་མེད་དུ་བརྩིས་པ་དང་། ངོ་ཚ་མེད་པར་བགྲངས་པ་དང་། མ་རབས་གྲས་སུ་བཞག་པ་དང་། སྤྱོན་ངན་དུ་མཐོང་བ་དང་། མི་རིགས་ཀྱི་ཞབས་འདྲེན་དུ་ཁས་ལེན་པ་སོགས་བྱས་དང་བྱེད་ཀྱིན་པར་ཡོད་ན་འང་། གལ་ཏེ་ཁྱོད་ད་ཀྱིས་རྫུན་དང་མགོ་སྐོར་བཏང་ནས་གཞན་ལ་གནོད་པ་མ་བྱས་ན། རང་ཉིད་ལ་དབང་པའི་རང་གི་ལུས་པོ་འདི་ཅི་བྱེད་ཁྱོདརང་ལ་ཐུག གལ་ཏེ་ཁྱོད་ལ་གཞན་ཡིད་འཕྲོག་ཐུབ་པའི་ཁྱད་ཆོས་ཞིག་མེད་ན་གཞན་གྱིས་ཀྱང་ཁྱོད་ལ་སྒོར་ཕྲད་དོན་མེད། འདོད་ཆགས་དབང་གིས་ཉོ་མཁན་ངོ་ཚ་མི་དགོས་ན་ཁྱོད་རང་ཡང་ངོ་ཚ་དགོས་དོན་མེད། གང་ལྟར་ཁྱོད་ནི་རང་གི་མི་རིགས་ཀྱི་རིགས་རུས་འཚོང་མཁན་མ་རེད། སྨད་འཚོང་མ།
མི་རིགས་ཞིག་གི་སྲོག་སྙིང་ནི་མི་རིགས་དེའི་སྐད་ཡིག་ཡིན་པ་ཤེས་བཞིན་དུ་རང་གི་འཚོ་བའི་ཆེད་དུ་མི་ཚེ་གང་པོར་མི་རིགས་གཞན་ཀྱི་སྐད་ཡིག་ཁོ་ནར་འབད་ནས་རང་རིགས་སམ། ཕ་ཡུལ། ཕ་ཆས་གང་ཡིན་ངོས་མི་ཟིན་པར། ཕྱི་དང་ནང་རྗེ་མཁན་ནི་སྨད་འཚོང་མ་ཁྱོད་མ་རེད།
ནང་ཕུ་ནུའི་ཐོག་ལ་དཔའ་ངར་རྒྱ་སྟག་ཁྲ་བོའི་འཛུམ་དྲུག་ངོམ་མཁན་དང་། ཕྱིའི་དགྲ་བོའི་འོག་ན་མགོ་བོ་ཁྱི་རྔ་བཞིན་དུ་ཞུམ་ཞུམ་གྱི་གར་སྟབས་སྒྱུར་མཁན་ནི་སྨད་འཚོང་མ་ཁྱོད་མ་རེད། དེ་ལས་མང་། »

༡
སྒྲོམ་དང་འབྲེལ་བ་མེད་པའི་ལོ་ཟླའི་ནང
ངས་ཁོ་མོ་ད་དུང་རྨི་ལམ་དུ་རྨིས་ཤིང
གཙང་པོ་ཞིག་གི་ཕར་ཚུར་ནས
ཕན་ཚུན་ལ་མེ་ཏོག་འཕེན་རེས་བྱེད

སེམས་ཀྱི་འཕྲུལ་སྣང་ཞིག་ལ
མེད་པ་དེ་དངོས་སུ་ཡོད་ཡོད་འདྲ་བས
ངས་གྲོགས་པོ་ཚོར་ཆང་དཀར་འདེགས་བཞིན
སྒྲོལ་མ་དངོས་སུ་ཡོང་གིན་ཡོད་ཅེས་བཤད
༢
སྒྲོལ་མ་དང་འབྲེལ་བ་མེད་པའི་ལོ་ཟླའི་ནང
ངས་རྒྱུན་དུ་སྒྲོལ་མ་སེམས་ཀྱིས་འཚོས་ཤིང
སྒྲོལ་མ་ཉེར་གཅིག་གི་བསྟོད་པ་དེ་ཡང
ཚེ་རབས་སྔོན་མའི་སྔོན་མ་ཞིག་ལ
རང་གི་བྲིས་པ་ལོས་ཡིན་སྙམ
དེ་ལས་མང་། »

དུས་ཚོད་ནི་གདུག་རྩུབ་ཀྱིས་འབར་བའི་མེ་ལྕེ་ཞིག་སྟེ
རླབས་ཆེན་དང་སྨྱོ་ཧམ་གྱི་ཐ་སྙད་མ་ལུས
ལྷག་མ་མེད་པར་ཟོས
དུས་ཚོད་ནི་མཐའ་མཇུག་གི་བང་སོ་བསྔོགས་པའི་བརྒྱུད་རིམ་ཧྲིལ་བོ་སྟེ
མུན་ནག་དང་འོད་སྣང་གི་དགོས་མཁོ་ཡོད་ཚད
རྗེས་ཤུལ་མེད་པར་བསུབས

དུས་ཚོད་ནི་མཐོང་མི་བཏུབ་པའི་རྨུ་ཐག་ནང་བཞིན
འཇིག་རྟེན་གྱི་བར་སྣང་དུ་དཔྱངས་ཤིང
ཡུན་རིང་གི་རྙེད་འཚོལ་དང་ཐོབ་ཤོར་བར་ནས
ཞོགས་པའི་ཆུ་ཟིལ་དང་རྩྭ་ལོ་ནང་བཞིན་བཞུད་འགྲོ
དེ་ལས་མང་། »

ཉེ་ཆར་ཨ་རིའི་སྲིད་འཛིན་བྷི་ར་ཁི་ཨོ་བྷ་མ་(Barack Obama)ཡིས་ཨེ་ཞི་ཡའི་ནང་གི་གཟིགས་སྐོར་ཐོག་མ་དེ་མཇུག་སྒྲིལ་ཡོད་ལ།རྒྱལ་སྤྱིའི་སྟེང་ཚང་མས་དོ་སྣང་བྱེད་གཞི་གཙོ་བོར་རྒྱུར་བའི་རྒྱ་ནག་གི་གཟིགས་སྐོར་དེ་མི་རྣམས་ཀྱི་རེ་བ་བཞིན་འགྲུབ་མེད་ཕྱིར་།ཨ་རིའི་གསར་འགྱུར་བརྒྱུད་ལམ་དང་རྒྱལ་སྤྱིའི་ཐོག་གི་འགྲོ་བ་མིའི་ཐོབ་ཐང་དོན་གཉེར་བ་ཚོས་སྲིད་འཛིན་ཨོ་བྷ་མར་སྐྱོན་བརྗོད་ཤུགས་ཆེན་བྱེད་བཞིན་པ་མ་ཟད་།སྲིད་འཛིན་ཨོ་བྷ་མས་རྒྱ་ནག་ནང་གི་གཟིགས་སྐོར་གསུང་བཤད་ཀྱི་སྐོར་ལའང་།རྒྱལ་སྤྱིའི་གསར་འགྱུར་བརྒྱུད་ལམ་དང་རྒྱ་ནག་ནང་གི་གསར་འགྱུར་བརྒྱུད་ལམ་བར་བཤད་སྟངས་མི་འདྲ་བ་རེ་ཡོང་གི་ཡོད་པས་།དེ་རིང་འདིར་དེ་དག་ཐད་གཤིབ་བསྡུར་རགས་ཙམ་བྱས་ན།
ཕྱི་ལོག་གི་གསར་འགྱུར་བརྒྱུད་ལམ་ཁག་ཏུ་བརྗོད་ན།རྒྱ་ནག་གཞུང་གིས་ཁོ་ཚོའི་གསར་འགྱུར་བརྒྱུད་ལམ་ལ་སྟངས་འཛིན་གྱི་དབང་ཚད་བེད་སྤྱོད་ཀྱིས་རྒྱ་ནག་ནང་མི་དམངས་ཀྱིས་གཟིགས་པའི་ཨོ་བྷ་མས་གསུང་བཤད་ཁག་ནི་བཟོ་བཅོས་བྱས་པའི་རྗེས་ཀྱི་གནས་ཚུལ་རེད་ཟེར་།དཔེར་ན་།སྤྱི་ཟླ་༡༡པའི་ཚེས་༡༦ཉིན་ཨ་རིའི་སྲིད་འཛིན་ཨོ་བྷ་མ་ཡིས་རྒྱ་ནག་གི་ཧྲང་ཧེ་གྲོང་ཁྱེར་ནང་རྒྱ་ནག་གི་ན་གཞོན་རྣམས་དང་མཉམ་དུ་ཐད་ཀར་གླེང་མོལ་སྐབས་སུ་སྲིད་འཛིན་ཨོ་བྷ་མ་ཡིས་རྒྱ་ནག་ལ་བསྔགས་བརྗོད་དང་འབྲེལ་།རྒྱ་ནག་གིས་འགྲོ་བ་མིའི་ཀུན་ཁྱབ་ཐོབ་ཐང་དང་རང་དབང་ངོས་ལེན་བྱེད་པར་སྐུལ་འདེད་བྱས་ཡོད་ཀྱང་། དེ་ལས་མང་། »

དེང་གི་གོ་ལ་འདིར་ཀུན་གྱིས་གཙུགས་སུ་འཛིན་པའི།།
ནུབ་ཕྱོགས་སྟོབས་ལྡན་གྱི་རྒྱལ་ཁབ་ཨ་མེ་རི་ཁར།།
མི་ནག་སྲིད་འཛིན་གྱི་རླབས་ཆེན་ཙུང་ཐུང་ཐོག་མར།།
ཁྱེད་ཉིད་བཞུགས་པ་དེས་འཛམ་གླིང་གཡོ་བར་བྱས་སོང་།།

དབྱི་རག་དམག་འཐབ་ཀྱི་དུད་སྤྲིན་ཉུང་དུ་བཏང་ཞིང་།།
གོ་པའི་བཀག་སྡོམ་གྱི་སྲིད་ཇུས་མེད་པར་བཟོས་ཏེ།།
གླིང་འདིའི་ཞི་བདེ་ལ་བྱས་རྗེས་བླ་ན་མཐོ་བས།།
གཟིགས་བཟོས་རྟགས་མ་ཡང་ཉིད་ནས་ཉེ་སྔོན་བཞེས་སོང་།།

ད་ཡང་ཤར་ཕྱོགས་ཀྱི་སྐམ་ས་ཆེན་པོར་ཕེབས་ནས།།
རྒྱ་ནག་རྒྱལ་ཁབ་ལ་རྒྱལ་དོན་མཚམས་འདྲི་གནང་བར།།
མགོ་འདྲེན་ཆེ་དྲག་ཚོས་ལག་འཇུ་སྔུན་ནས་གཏོང་དུས།།
མི་སེར་ང་འདྲས་ཀྱང་རྣ་བ་རྒྱང་ནས་གཏད་ཡོད།།
དེ་ལས་མང་། »

ངའི དྲན་སྣང་ཁྱོད་ཀྱི་དག་ཞིང་དེ
ནམ་ཡང་དཔེ་མཛོད་ཁང་ཆེན་མོ་ཞིག
-བྷོ་ཨར་ཏི་ཟི།

ཟུངས་ཁྲག་འབབ་པའི་ངོ་གདོང་ཧ་ཅང་གནག
མཚན་མོར ལྟོགས་སྐོམ་གྱིས་མནར་བའི་སྤྱང་ཚོགས
སྔོ་རྩྭའི་གསེབ་ན་གཉིད་དུ་ཡུར

ཁྱོད་གནས་སའི་མཚམས་ནས་བཞུར་བའི་ཆུ་ཀླུང་ནག་པོ
ཆུ་ཀློང་འདིའི་ཁྲོད་བྱིང་པའི་ང སུས་ཀྱང་སྐྱོབ་ཐབས་བྲལ
ངས་བྷོ་ཨར་ཏི་ཟི་དང< <རྒྱ་སྟག་གི་གསེར་འོད>>དྲན་བྱུང

བྷོ་ཨར་ཏི་ཟི ཁྱོད་ཀྱི་གསེར་འོད་ཀྱི་ཟེར་མ་རེ་རེས
དཀར་ནག་འཐབ་པའི་འཇིག་རྟེན་འདི འོ་ཆུ་བཞིན་འབྱེད་ནུས་ན
པིར་རྩེ་གཅིག་གིས ང་རང་དམྱལ་ཁམས་ཀྱི་གཏིང་ནས་འདྲེན་རོགས

སྟག་རྒོད་དང་གསང་བའི་ཕོ་བྲང
མེ་ལོང་དང་རྨི་ལམ་ལས་གྲུབ་པའི་རྟོག་ལྗོངས་དེས
ང་ལ་སྐྱེ་བ་དང་འཆི་བ ཚེ་སྲོག་གི་གླུ་སྐད་དྲན་དུ་བཅུག
འབྲོག་སྡེ་དང་ལུག་ཁྱུ རལ་གྲི་དང་མཆེ་སྡེར
ཆུ་ཀླུང་ནག་པོ་འདིའི་གཏིང་དུ་མུ་ནས་མུ་ལ་བྱིང
ངའི་ཟུངས་ཁྲག་ལ་གློག་དམར་ཀྱི་འཚུབ་ཆ་སྐྱེས
ངའི་ལུས་སྟེང་ལ་གཙང་ཆུའི་ཚ་རླབས་འཕྱུར
བྷོ་ཨར་ཏི་ཟི ཆེས་མཐར་མར
ངས་མེ་ལོང་ནང་གི་སྟག་རྒོད་དེ་མཐོང་བྱུང
དེ་ནི་ས་སྒང་གི་སྤྱི་གཙུག་ནས་མཆེད་པའི་གསེར་འོད་རེད

བྷོ་ཨར་ཏི་ཟི་དང་སྟག་རྒོད
དུས་རབས་འདིར་མཆེ་ཙིགས་སྡེར་བགྲང་ཀྱིས་འོངས་པས
འཇིག་རྟེན་གྱི་མི་རྣམས་ཧ་ལས་སུ་བཅུག
དེ་ལས་མང་། »