རྒྱ་ནག་གཞུང་གིས་ཁམས་དཀར་མཛེས་ཀྱི་བོད་མི་གསུམ་ལ་ཁྲིམས་ཆད་ལྗིད་མོ་བཅད་འདུག

ཟླ་བ་འདིའི་ཚེས་ ༢༦ ཉིན་བོད་ཀྱི་འགྲོ་བ་མིའི་ཐོབ་ཐང་དང་དམངས་གཙོ་འཕེལ་རྒྱས་ལྟེ་གནས་ཁང་གིས་གནས་ཚུལ་སྤེལ་བ་ལྟར་ན། དཀར་མཛེས་ཁུལ་འབྲིང་རིམ་མི་དམངས་ཁྲིམས་ཁང་གིས་ཉེ་ཆར་རྒྱལ་ཁབ་ཁ་བྲལ་གྱི་ངན་སྐུལ་དང་། སྤྱི་ཚོགས་བདེ་འཇགས་ལ་གཏོར་བརླག་བཏང་བའི་ནག་ཉེས་བཙུགས་ནས་བོད་མི་པད་མ་ཡེ་ཤེས་ལ་ལོ་གཉིས་ཕྱིར་འགྱངས་ཀྱི་སྲོག་ཁྲིམས་དང་།གཞན་བོད་མི་བསོད་ནམས་མགོན་པོར་ཚེ་བཙོན་དང་། ཚེ་དབང་རྒྱ་མཚོ་ལ་ལོ་བཅུ་དྲུག་གུ་བཙོན་འཇུག་ཁྲིམས་ཆད་བཅད་འདུག

ཡང་བོད་ཀྱི་འགྲོ་བ་མིའི་ཐོབ་ཐང་དང་དམངས་གཙོ་འཕེལ་རྒྱས་ལྟེ་གནས་ཁང་གིས་གསན་ཚུལ་སྤེལ་བ་ལྟར་ན། ༢༠༠༩ ལོའི་ཟླ་ ༢ པའི་ཚེས་ ༢༨ ཉིན་ཉག་རོང་རྫོང་ཐང་སྐྱིད་ཤང་གྲོང་བརྡལ་ནང་བོད་རང་བཙན་གྱི་སྦྱར་ཡིག་བཀྲམ་པ་དང་། ཐང་སྐྱིད་ཤང་སྲིད་གཞུང་གི་གཞུང་ལས་ཁང་ལ་མེ་སྐྱོན་བྱུང་ཡོད་པ་རེད། དོན་རྐྱེན་བྱུང་རྗེས་ཀྱི་ཟླ་ ༣ པའི་ཚེས་ ༡༡ ཉིན་ཉག་རོང་རྫོང་གི་སྤྱི་བདེ་ཉེན་རྟོག་པས་ཤང་སྲིད་གཞུང་གིས་དོན་རྐྱེན་དེ་དག་དང་དོགས་གཞི་ཡོད་ཚུལ་གྱིས་པད་མ་ཡེ་ཤེས་དང་། བསོད་ནམས་མགོན་པོ། ཚེ་དབང་རྒྱ་མཚོ་བཅས་རང་ཁྱིམ་ནས་འཛིན་བཟུང་བྱས་ནས་ཟླ་བ་ལྔ་རིང་གར་སོང་ཆ་མེད་དུ་གྱུར་ཡོད་ལ། དེ་རྗེས་སི་ཁྲོན་གྱི་ཁྲིན་ཏུའུ་ནང་བཀག་ཉར་བྱས་ཡོད་པ་ཤེས་རྟོགས་བྱུང་འདུག དེ་ལས་མང་། »

བོད་ཀྱི་བུད་མེད་སྐོར་གླེང་བ།

རྒྱ་ནག་གིས་གོང་ས་མཆོག་ལ་ཏྭ་ལའི་སྤྲུལ་སྐུའི་ལམ་ལུགས་ལ་འགྱུར་བ་གཏོང་བའི་དབང་ཚད་མེད་ཟེར།

ཐེངས་འདིར་༧གོང་ས་སྐྱབས་མགོན་ཆེན་པོ་མཆོག་གིས་ཨ་རིའི་ནང་གཟིགས་སྐོར་དུས་སུ་ཨ་རིའི་སྐད་གྲགས་ཅན་གྱི་སུའི་ཨིན་ཨིན་བརྙན་འཕྲིན་ཁང་གི་ལེ་རོས་ཁེན་ཐད་གཏོང་ལེ་ཚན་གྱི་གཙོ་སྐྱོང་པ་ལེ་རོས་ཁེན་གྱིས་༧གོང་ས་སྐྱབས་མགོན་ཆེན་པོ་མཆོག་ལ་ཐེངས་འདིའི་ཨ་རིའི་སྲིད་འཛིན་ཨོ་བྷ་མ་དང་མཇལ་འཕྲད་གནང་བ་གཙོས་བོད་དོན་དང་འབྲེལ་བའི་གནད་དོན་མང་པོ་ཞིག་གི་ཐོག་བཅར་འདྲི་གནང་ཡོད་པ་བཞིན་།ཡང་༧གོང་ས་མཆོག་ལ་ཡང་སྲིད་ཀྱི་སྐོར་ལ་དྲི་བ་འདོན་སྐབས་།༧གོང་ས་སྐྱབས་མགོན་ཆེན་པོ་མཆོག་གིས་གལ་སྲིད་བོད་མི་མང་ཆེ་ཤོས་ཀྱིས་ཏྭ་ལའི་བླ་མའི་སྤྲུལ་སྐུའི་ལམ་ལུགས་འདི་དུས་རབས་ཀྱི་རྗེས་ལ་ལུས་ཡོད་པ་བསམ་གྱི་ཡོད་ན་།ལམ་ལུགས་འདི་མཇུག་རྫོགས་འོས་ཤིང་ངོས་ནས་བསམ་འཆར་གང་ཡང་མེད་ཅེས་དང་།༧གོང་ས་སྐྱབས་མགོན་ཆེན་པོ་མཆོག་གིས་རྒྱ་ནག་གཞུང་གིས་ང་ལས་ལྷག་པའི་ཐུགས་ཁུར་བྱེད་ཀྱི་ཡོད་པ་འདྲ་ཞེས་གསུང་ཡོད་།ཚེས་༢༥ཉིན་རྒྱ་ནག་འཐབ་ཕྱོགས་གཅིག་གྱུར་ལྷན་ཁང་མངའ་འོག་གི་ཀྲུང་གོའི་བོད་ལྗོངས་ཆ་འཕྲིན་ལྟེ་གནས་ཟེར་བའི་དྲ་བའི་ཐོག་གནས་ཚུལ་དེ་ལུང་འདྲེན་གྱིས་ཏྭ་ལའི་སྤྲུལ་སྐུའི་ལམ་ལུགས་ལ་ལོ་ངོ་སུམ་བརྒྱ་ཙམ་གྱི་ལོ་རྒྱུས་ཡོད་ཚུལ་དང་།ཏྭ་ལའི་བཤད་སྲོལ་དེས་ནང་བསྟན་ལོ་རྒྱུས་ལ་བརྩི་འཇོག་མ་བྱས་པ་ཡིན་ཚུལ་གྱིས་སྐྱོན་བརྗོད་བྱས་འདུག ཡང་རྒྱ་ནག་བོད་རིག་པ་ཞིབ་འཇུག་ལྟེ་གནས་ཁང་གི་ཚན་ཞིབ་སྡེ་ཚན་གྱི་འགན་འཛིན་ལེན་ཞང་མིན་ཟེར་བ་ཞིག་གི་སྐད་ཆ་ལུང་འདྲེན་བྱས་ཏེ་།༧གོང་ས་མཆོག་གིས་གནས་བབ་མི་འདྲ་བའི་འོག་གཏམ་མི་འདྲ་བ་བཤད་པ་དེ་གཙོ་བོ་དམངས་གཙོར་ཁ་གཡར་ས་དང་མཚན་སྙན་གྲགས་རྒྱས་ཆེད་ཡིན་ཚུལ་དང་།དེ་ནི་ཁོང་དང་མཐའ་འཁོར་གྱི་མི་ཉུང་ཤོས་ཤིག་གི་ལྟ་བ་ཡིན་པས་།རྒྱལ་ནང་གི་བོད་ལྗོངས་མི་དམངས་ཀྱི་ལྟ་བ་མིན་ཚུལ་གྱི་གནས་ཚུལ་བཀོད་འདུག

རྒྱ་ནག་གཞུང་གིས་གནས་འཕྲིན་དྲ་བར་སྟངས་འཛིན་ཤུགས་ཆེར་གཏོང་བཞིན་ཡོད་འདུག

རྒྱ་ནག་གཞུང་གིས་གནས་འཕྲིན་དྲ་བར་སྟངས་འཛིན་བྱེད་རྒྱུ་ཤུགས་ཆེ་རུ་བཏང་ནས་།གནས་འཕྲིན་དྲ་བ་ཐོ་འགོད་བྱེད་མཁན་སུ་རུང་གིས་ངེས་པར་དུ་ཐད་ཀར་སྲིད་གཞུང་གི་ལྟ་རྟོག་སྡེ་ཚན་དང་ངོ་འཕྲོད་ཀྱིས་རང་ཉིད་ཀྱི་ཐོབ་ཐང་ལག་ཁྱེར་སོགས་བདེན་དཔང་ཡིག་ཆ་མཁོ་སྤྲོད་བྱེད་དགོས་པའི་གཏན་འབེབས་གསར་བ་བཟོས་ཡོད་ལ་།རྒྱ་ནག་བཟོ་ལས་དང་བརྡ་འཕྲིན་ཁྱབ་སྤེལ་ལྷན་ཁང་གིས་བརྗོད་ན།གཏན་འབེབས་འདིའི་དམིགས་ཡུལ་ནི་གནས་འཕྲིན་དྲ་བ་རྒྱུད་ཆགས་སྲེད་ཀྱི་ནང་དོན་བཀོད་པའི་རིགས་བཀག་འགོག་ཆེད་ཡིན་ཟེར་།
ཡིན་ནའང་དྲ་གནས་ཀྱི་ཁེ་དབང་སྲུང་སྐྱོབ་མི་སྣས་བརྗོད་ན།གཏན་འབེབས་འདི་ནི་སྲིད་གཞུང་གིས་གནས་འཕྲིན་དྲ་བར་ཞིབ་བཤེར་གྱི་རྣམ་པ་གསར་བ་ཞིག་རེད་ཟེར།
མིག་སྔར་གནས་འཕྲིན་དྲ་བ་ཁ་ཤས་ཀྱིས་ཕྱི་ལོག་ནས་ཐོ་འགོད་བྱས་ཏེ།སྲིད་གཞུང་གི་སྟངས་འཛིན་ལས་གཡོལ་ཐབས་བྱེད་བཞིན་པ་རེད་།
རྒྱ་ནག་ནི་འཛམ་གླིང་ཐོག་གནས་འཕྲིན་དྲ་བ་བེད་སྤྱོད་བྱེད་མཁན་མང་ཤོས་དེ་ཡིན་པ་དང་།ཧ་ལམ་གནས་འཕྲིན་དྲ་བ་བེད་སྤྱོད་བྱེད་མཁན་དུང་ཕྱུར་གསུམ་དང་བྱེ་བ་བརྒྱད་ཡོད་པར་ཡིད་ཆེས་བྱེད་བཞིན་ཡོད་།དེ་བཞིན་དེང་སང་བོད་ནང་དུའང་དགོན་སྡེ་དང་ན་གཞོན་ཤེས་ཡོན་པ་།སློབ་གྲྭ་ཆེ་འབྲིང་གི་སློབ་མའི་ཁྲོད་གནས་འཕྲིན་དྲ་བ་བེད་སྤྱོད་བྱེད་མཁན་མང་དུ་འགྲོ་བཞིན་ཡོད་།

ཨ་རིའི་སུའི་ཨིན་ཨིན་བརྙན་འཕྲིན་ཁང་གིས་གོང་ས་མཆོག་ལ་བཅར་འདྲི།

ྋགོང་ས་མཆོག་དང་སྐུ་ཞབས་ལེ་རོས་ཁེན་རྣམ་གཉིས།

༄༅། །ཕྱི་ལོ་ ༢༠༡༠ ཟླ་ ༢ ཚེས་ ༢༡ ཉིན་ཨ་རིའི་གྲོང་ཁྱེར་ལོ་སི་ཨེན་ཇེ་ལི་སིའི་(Los Angeles)ནང་ཡོད་པའི་ཨ་རིའི་གྲགས་ཅན་བརྙན་འཕྲིན་(CNN)ཞེས་པའི་གསར་འགྱུར་གཙོ་སྐྱོང་བ་སྐུ་ཞབས་ལེར་རི་ཀིང་(Larry King) ལགས་ཀྱིས་ྋགོང་ས་མཆོག་ལ་སྐར་མ་ ༤༥ ཙམ་གྱི་རིང་ཆེད་དོན་དྲི་བ་ཞུས་པར་བཀའ་ལན་ཕེབས་པ་སྙིང་བསྡུས་ཤིག་ཟུར་འདོན་ཞུས་ཡོད་པ་གཤམ་གསལ།

དྲི་བ། སྲིད་འཛིན་ཨོ་བྷ་མ་དང་མཇལ་འཕྲད་དེ་ག་འདྲ་བྱུང་ཡོད་དམ།
བཀའ་ལན།ཁོ་རང་གྲོས་ཚོགས་གོང་མའི་ཚོགས་མི་ཡིན་པའི་སྐབས་ནས་ངོས་དང་ཐུག་མྱོང་ཡོད། དངོས་གནས་གཞོན་སྐྱེས་ཡིད་ལ་བབ་པོ་ཞེ་དྲག་འདུག སྲིད་འཛིན་འོས་བསྡུའི་སྐབས་སུའང་ཁོང་གིས་ངོས་ལ་ཁ་པར་བཏང་སྟཻ་བོད་ཀྱི་གནད་དོན་སྐོར་ལ་བཀའ་འདྲི་གནང་བྱུང༌། ད་ཆ་སྐུ་ཞབས་ཨོ་བྷ་མ་མཆོག་སྲིད་འཛིན་ཞིག་ཡིན་པའི་ཆ་ནས་ཀྱང་ངོས་རང་དང་འབྲེལ་བ་ཕྲན་བུ་ཡོད། ལོ་སྔོན་མར་མཇལ་འཕྲད་ཞུ་རྒྱུའི་གོ་སྐབས་བྱུང་ཡོད་ཀྱང་མཇལ་ཐུབ་མེད། སྲིད་འཛིན་མཆོག་པེ་ཅིང་(Peking)དུ་རྒྱལ་དོན་འཚམས་གཟིགས་ལ་མ་ཕེབས་གོང་མཇལ་འཕྲད་བྱ་རྒྱུ་ངོས་རང་ཉིད་ནས་ཀྱང་ཡག་པོ་ཞིག་མཐོང་མ་བྱུང་ལ་སྲིད་འཛིན་མཆོག་ལ་ཡང་བསམ་ཚུལ་དེ་མཚུངས་འདུག དེ་ལས་མང་། »

ཁམས་ནང་ཆེན་དུ་བོད་མི་ཚོང་བ་ལྔ་འཛིན་བཟུང་བྱས་འདུག

ཕྱི་ཟླ་ ༢ ཚེས་མགོ་ཞིག་ལ་མཚོ་སྔོན་ཡུལ་ཤུལ་ནང་ཆེན་གཙོས་པའི་ས་ཁུལ་ ༣༠ ཙམ་དུ་ཡིག་ཆ་མང་པོ་ཞིག་སྦྱར་འགྲེམས་བྱས་ཡོད་འདུག་ལ། ལོ་གསར་ཚེས་གཉིས་ཡས་མས་ལ་ནང་ཆེན་ས་ཁུལ་གྱི་བོད་རིགས་ཚོང་བ་ ༥ རྒྱ་གཞུང་གིས་འཛིན་བཟུང་བྱས་ཡོད་འདུག དེ་ནི་སྦྱར་ཡིག་དེ་དག་ཏུ་ནང་ཆེན་ས་ཁུལ་གྱི་བོད་རིགས་ཚོང་པ་ཐུན་མོང་གིས་འགྲོ་སོང་བཏང་སྟེ། སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་ཞབས་བརྟན་བསྒྲུབ་རྒྱུ་དང་། བོད་རིགས་ཡོངས་ཀྱིས་མཐུན་ལམ་ལྡོག་རྩ་གཅིག་སྒྲིལ་བྱ་དགོས་སྐོར་སོགས་བཀོད་ཡོད་འདུག སྦྱར་ཡིག་དེའི་མཇུག་ཏུ་ཟླ་ ༢ ཚེས་ ༢ ཞེས་བཀོད་ཡོད་འདུག་ཀྱང་། དངོས་སུ་སྦྱར་འགྲེམས་བྱས་པའི་དུས་ཚོད་གསལ་བོ་ཤེས་རྟོགས་བྱུང་མི་འདུག་ལ། དེ་བཞིན་འཛིན་བཟུང་བྱས་པའི་ཚོང་བ་དེ་དག་གི་མིང་དང་ད་ལྟའི་གནས་སྟངས་སོགས་ཀྱང་ཁ་གསལ་མི་འདུག
༼ཡོང་ཁུངས།བོད་ཀྱི་དུས་བབ།༽

བོད་ཀྱི་སྐད་ཡིག་གླེང་བ་ཞེས་པའི་བགྲོ་གླེང་ཞིག་ཚོགས་པ།

༢༠༡༠ ཕྱི་ཟླ་ ༢ ཚེས་ ༢༢ རེས་གཟའ་ཟླ་བ།

༄༅། །ཕྱི་ལོ་ ༢༠༡༠ ཟླ་ ༢ ཚེས་ ༢༡ ཉིན་བཞུགས་སྒར་རྡ་སའི་ཡོངས་གླིང་ཚོགས་ཁང་དུ་བོད་ཀྱི་སྐད་ཡིག་རྒྱུན་འཛིན་ཚོགས་པ་དང་བོད་ཀྱི་སྐད་ཡིག་གཅེས་སྐྱོང་ལས་འགུལ་ཚོགས་པ་གཉིས་ཀྱིས་གོ་སྒྲིག་འོག་རྒྱལ་སྤྱིའི་ཕལ་སྐད་ཉིན་མོ་དང་སྟབས་བསྟུན་བགྲོ་གླེང་ཞིག་ཚུགས་ཡོད།
དེ་ཡང་ཉིན་རྒྱབ་ཆུ་ཚོད་ ༢།༠༠ ཐོག་སྐུ་མགྲོན་གཙོ་བོ་བཀའ་ཁྲི་ཟམ་གདོང་རིན་པོ་ཆེ་མཆོག་དང༌། ཤེས་རིག་ཟུང་དྲུང་ཀརྨ་སྨོན་ལམ་ལགས། ས་རཱ་མཐོ་སློབ་ཀྱི་སློབ་དགེ་བསོད་ནམས་རྒྱལ་མཚན་ལགས་བཅས་ཀྱི་དབུས་པའི་གོང་གསལ་ཚོགས་པ་གཉིས་ཀྱི་འཐུས་མི་དང༌། རྡ་སའི་ན་གཞོན་བཅས་མི་མང་བརྒྱ་ཕྲག་ལྷག་ཙམ་ཚང་འཛོམས་ཐོག་བོད་ཀྱི་སྐད་ཡིག་རྒྱུན་འཛིན་ཚོགས་པའི་ཚོགས་གཙོ་ཚུལ་ཁྲིམས་སངས་རྒྱས་ལགས་ཀྱིས་རྒྱལ་སྤྱིའི་ཕལ་སྐད་ཉིན་མོ་སྲུང་བརྩི་དང་འབྲེལ་བའི་བགྲོ་གླེང་ངོ་སྤྲོད་གནང་གྲུབ་མཚམས་ཤེས་རིག་ཟུང་དྲུང་ཀརྨ་སྨོན་ལམ་ལགས་ཀྱིས་བོད་ཕྱི་ནང་གཉིས་སུ་མིང་ཚིག་གསར་སྒྱུར་སྐོར་ལ་གསུང་བཤད་གནང༌། དེ་རྗེས་ས་རཱ་མཐོ་སློབ་ཀྱི་སློབ་དགེ་བསོད་ནམས་རྒྱལ་མཚན་ལགས་ཀྱིས་བོད་ཀྱི་བརྡ་སྤྲོད་སྐོར་ལ་གསུང་བཤད་གནང་མཚམས་མི་མང་རྣམས་ཀྱི་གོང་གསལ་བརྗོད་གཞི་གཉིས་ཀྱི་ཐོག་དྲི་བ་དྲིས་ལན་གནང༌། དེ་ནས་སྐུ་མགྲོན་གཙོ་བོ་བཀའ་ཁྲི་མཆོག་གིས་བོད་ཀྱི་སྐད་ཡིག་རྒྱུན་འཛིན་བྱེད་སྟངས་སྐོར་ལ་གསུང་བཤད་གནང་དོན། བོད་ཀྱི་སྐད་ཡིག་རྒྱུན་འཛིན་ཚོགས་པ་དང་བོད་ཀྱི་སྐད་ཡིག་གཅེས་སྐྱོང་ལས་འགུལ་ཚོགས་པ་གཉིས་ཀྱི་ཕྱག་ལས་གནང་མཁན་གྲོགས་པོ་ཚང་མར་དེ་རིང་ཁྱེད་རང་ཚོས་བོད་ཀྱི་སྐད་ཡིག་རྒྱུན་འཛིན་ཡོང་རྒྱུའི་ཆེད་དུ་ལས་འགུལ་སྤེལ་བ་དང་དེ་བཞིན་འདིར་བགྲོ་གླེང་གནང་བ་གཉིས་ཀར་ངས་རྗེས་སུ་ཡི་རང་དང་ལེགས་གསོའི་བསྔགས་བརྗོད་ཞུ་གི་ཡོད། སྤྱིར་བཏང་ང་ཚོའི་བོད་སྐད་ཀྱི་རིག་པའི་གཞུང་ལུགས་མང་ཆེ་བ་ཞིག་ལེགས་སྦྱར་གྱི་སྐད་ནས་ཡོང་བ་ཞིག་ཡིན། ལེགས་སྦྱར་གྱི་སྐད་ནང་ཡ་རབས་ཀྱི་སྐྱེས་བུ་དམ་པའི་སྐད་དང་ཕལ་པའི་སྐད་ཅེས་ཡོད། ཐ་སྙད་དེ་དང་མཚུངས་པའི་བོད་སྐད་ནང་ལའང་ཁ་སྐད་དང་ཡིག་སྐད་ཅེས་ནས་བརྗོད་ཚིག་གཅིག་དང་ཕལ་སྐད་དང་ཆོས་སྐད་ཅེས་བརྗོད་ཚུལ་མི་འདྲ་གཉིས་ཡོད། དེ་ལྟ་བུའི་བསམ་ཚུལ་གྱི་ཐོག་ནས་དེ་རིང་གི་ཉིན་མོ་འདི་དམིགས་བསལ་དམ་པའི་སྐད་དང་ཕལ་སྐད་གཉིས་ཀྱི་ནང་ནས་ཕལ་སྐད་ཀྱི་ཉིན་མོ་སྲུང་བརྩི་གནང་གི་ཡོད་ན། དེ་ཡང་གནས་ཚུལ་ཐ་དད་རེད། ད་ལྟ་རྒྱལ་ཚོགས་ཀྱི་ཡན་ལག དེ་ལས་མང་། »

ན་ཟུག་དེ་ཁོང་ནས་འབར་གྱིན་འདུག

བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་གྱི་འགྲེལ་བརྗོད།

ཨ་རིའི་དམངས་གཙོ་ཐེབས་རྩ་ཁང་གིས་གོང་ས་མཆོག་ལ་དམངས་གཙོའི་གཟེངས་རྟགས་ཕུལ་བ།

གོང་ས་མཆོག་གིས་དམངས་གཙོའི་བྱ་དགའི་རྟགས་མ་བཞེས་བཞིན་པ།

ཟླ་བ་འདིའི་ཚེས་༡༩ཉིན་ཨ་རིའི་དམངས་གཙོ་ཐེབས་རྩ་ཁང་གིས་ཨ་རིའི་གྲོས་ཚོགས་ཀྱི་དཔེ་མཛོད་ཁང་དུ་བོད་ཀྱི་བླ་ན་མེད་པའི་དབུ་ཁྲིད་༧གོང་ས་སྐྱབས་མགོན་ཆེན་པོ་མཆོག་ལ་དམངས་གཙོའི་ཞབས་ཞུ་གཟེངས་རྟགས་ཞེས་པ་དེ་ཕུལ་ནས་གོང་ས་མཆོག་གིས་དམངས་གཙོ་དང་འགྲོ་བ་མིའི་ཐོབ་ཐང་ཐད་སྐུ་ངལ་བསྐྱོན་པའི་མཛད་རྗེས་ལ་ཆེ་བསྟོད་གནང་ཡོད་པ་རེད་།དེ་བཞིན་གཟེངས་རྟགས་མཛད་སྒོའི་ཐོག་ཨ་རིའི་གློག་བརྙན་འཁྲབ་སྟོན་པ་རོས་ཆར་ཌི་གྷར་དང་བཙན་བྱོལ་བོད་གཞུང་གི་ནིག་ཡོག་དོན་གཅོད་སོགས་གནད་ཡོད་མི་སྣ་གཙོས་བོད་མི་དང་བོད་དོན་རྒྱབ་སྐྱོར་བ་བརྒྱ་ཕྲག་ཁ་ཤས་ཞུགས་ཡོད་པ་རེད་།༧གོང་ས་སྐྱབས་མགོན་ཆེན་པོ་མཆོག་གིས་བྱ་དགའི་རྟགས་མ་བཞེས་སྐབས་འདི་ནི་ངོས་ནས་འཛམ་གླིང་གི་འགྲོ་བ་མིའི་རིགས་དུང་ཕྱིར་དྲུག་ཅུའི་བདེ་སྡུག་ལེགས་བཅོས་ཆེད་ལག་རྗེས་ཕྲན་བུ་བཞག་པར་མཐོང་ཆེན་བྱས་པར་བསམ་ནས་སྤྲོ་བ་ཆེན་པོ་སྐྱེས་ཞེས་གསུངས་ཡོད་།
ནུབ་ཕྱོགས་ཀྱི་མི་རྣམས་ཀྱིས་ཡོངས་ཁྱབ་ཀྱིས་༧གོང་ས་སྐྱབས་མགོན་ཆེན་པོ་མཆོག་ནི་འགྲོ་བ་མིའི་བདེ་སྡུག་ལ་ཐུགས་ཁུར་དང་དམངས་གཙོ་དར་སྤེལ་གནང་མཁན་ཞིག་ཏུ་ངོས་འཛིན་གནང་གི་ཡོད་།
༧གོང་ས་སྐྱབས་མགོན་ཆེན་པོ་མཆོག་གིས་དམངས་གཙོའི་ལམ་ལུགས་འོས་ཤིང་འཚམས་པར་འཁོར་སྐྱོད་བྱེད་དགོས་ན་གཙོ་བོ་སློབ་གསོར་རག་ལས་པ་ནན་གསུང་གནང་ཡོད་། དེ་ལས་མང་། »