ས་བྱི་ལོའི་ངོ་རྒོལ་ནང་ཞུགས་མཁན་བོད་མི་ཞིག་ལ་ལོ་བཅུའི་ཁྲིམས་ཆད་བཅད་པ།

ས་བྱི་ལོའི་བོད་མིའི་ཞི་བའི་ངོ་རྒོལ་ཆེན་མོ་སྐབས་གར་སོང་ཆ་མེད་གྱུར་བའི་བོད་མི་ཞིག་ལ་རྒྱ་ནག་གཞུང་གིས་ལོ་བཅུའི་ཁྲིམས་ཆད་བཅད་པ་ཉེ་ཆར་ཁོང་གི་ནང་མིས་ཤེས་རྟོགས་བྱུང་ཡོད།

ཉེ་ཆར་ངྷ་རམ་ས་ལར་ཡོད་པའི་རྣམ་རྒྱལ་ཚེ་རིང་ལགས་ཀྱིས་བོད་ནས་འབྱོར་བའི་གནས་ཚུལ་འགྲེལ་བརྗོད་གནང་བ་ལྟར་ན། ད་ལྟ་ལོ་ན་༢༤ཡིན་པའི་རྒྱལ་མཚན་ལུང་རྟོགས་ལགས་།སྤྱི་ལོ་༢༠༠༨ལོའི་སྤྱི་ཟླ་གསུམ་པར་བོད་ཀྱི་རྒྱལ་ས་ལྷ་ས་ནས་ཞི་བའི་ངོ་རྒོལ་ནང་ཞུགས་རྗེས་། ཚེས་༡༤ཉིན་ཁོང་གར་སོང་ཆ་མེད་གྱུར་ནས་ལོ་གཉིས་འགོར་བ་དང་། ཁོང་གི་ནང་མིས་ཁོང་གི་སྐོར་ལ་རྩད་གཅོད་བྱེད་མ་ཐུབ་པར་ལྷག་ཡོད་ཀྱང་།ཉེ་ཆར་ཁོང་གི་ནང་མིས་ཁོང་ད་ལྟ་ལྷ་སའི་ཉེ་འགྲམ་གྱི་ཆུ་ཤུལ་བཙོན་ཁང་དུ་ལོ་བཅུའི་ཁྲིམས་ཆད་ཁུར་བཞིན་པའི་སྐོར་གཞི་ནས་ཤེས་རྟོགས་བྱུང་ཡོད་པ་། ཕ་ཡུལ་ཚ་བ་མཛོ་སྒང་ནས་ཡིན་པའི་རྣམ་རྒྱལ་ཚེ་རིང་ལགས་ཀྱིས་བོད་ནས་གནས་ཚུལ་འབྱོར་བའི་སྐོར་གསུང་དོན།སྤྱི་ལོ་༢༠༠༨ལོ་ནས་བོར་བརླག་ཕྱིན་པ་རེད་།ཉེ་ཆར་ནང་མིས་ལྷ་སའི་ཆུ་ཤུལ་བཙོན་ཁང་ནང་བཅུག་ཡོད་པ་ཤེས་ནས་ལྟ་རུ་ཕྱིན་དུས་ལོ་བཅུའི་བཙོན་འཇུག་ཁྲིམས་ཆད་ཁུར་བཞིན་པ་ཤེས་བ་དང་། ད་ལྟ་ལོ་གཉིས་ཕྱིན་པས་ད་དུང་ལོ་བརྒྱད་ལ་བཙོན་དུ་འདུག་དགོས་པ་དང་། ཁྲིམས་ཆད་གཅོད་དུས་ཁྲིམས་རྩོད་པ་གླ་རྒྱུ་ཕར་ཞོགས་ད་བར་གཞུང་ཕྱོགས་ནས་ནང་མིར་བརྡ་ལན་ཙམ་ཡང་སྤྲད་མེད་པ་མ་ཟད་། ད་དུང་ཡང་ཁོང་ལ་ཉེས་བ་ཅི་བཙུགས་གསལ་ཁ་མེད་ཟེར།རྒྱལ་མཚན་ལུང་རྟོགས་ལགས་ནི་ཁམས་ཆབ་མདོ་ཁུལ་ཚ་བ་མཛོ་སྒང་ནས་ཡིན་པ་དང་། ཨ་ཕའི་མིང་ལ་གཡང་དྲུང་ཟེར་བ་དང་ནམ་རྒྱུན་ལྷ་སར་གནས་སྡོད་གནང་མཁན་ཞིག་ཡིན་པ་རེད།

ཡ་ང་བའི་ས་ཡོམ་ཆེན་པོས་གོད་ཆག་འདི་འཁྲབ་སྟོན་གྱི་གོ་སྐབས་ཤིག་ཏུ་མ་འཛིན་རོགས།

འདི་ནས་མནན་ཏེ་གཟིགས་རོགས་གནོངས།555555 2

བོད་འབྱོར་རྩོམ་ཡིག

ངས་སྐད་ཆ་བདེན་པ་ཞིག་བཤད་ན་འདོད།

གསལ་བསྒྲགས།

རང་རིགས་བྱེས་འཁོད་རྒྱ་ཆེའི་མི་མང་ཡོངས་ཀྱི་སྙན་ལམ་དུ་ཆེད་ཞུ།

ཕྱི་ལོ་ ༢༠༡༠ ཟླ་ ༤ ཚེས་༡༤ ཉིན་བོད་མདོ་ཁམས་སྐྱེ་རྒུ་ཡུལ་ཤུལ་ཁུལ་དུ་འཇིགས་སུ་རུང་བའི་རང་འབྱུང་ས་ཡོམ་ཤུགས་ཆེན་ཐེབས་ཏེ་ལོ་རྒྱུས་ཐོག་བྱུང་མ་མྱོང་བའི་མི་ཤི་རྒྱུ་གྱོང་གི་གོད་ཆགས་བསམ་ཡུལ་ལས་འདས་པ་ནི། རོ་ཡི་རི་བོ་བརྩེགས་པ་དང་། ཁྲག་གི་རྒྱ་མཚོ་འཁྱིལ།
ཡུལ་གྲོང་ཁང་པའི་ཁྱིམ་ཤུལ་ཐམས་ཅད་ཇི་ལྟར་ཡིན་མིན་ངོས་འཛིན་མི་ཤེས་པའི་རྩ་འཐོར་དགུ་འཐོར་དུ་སོང་བ་དེ་དག་མཐོང་ཚེ་མིག་ཆུ་དབང་མེད་དུ་ཤོར་རྒྱུ་ལས་མ་འདས། ང་ཚོ་བྱེས་སུ་འཁོད་པའི་བོད་མི་ཚོ་ས་གནས་ཡུལ་ཤུལ་དུ་ཕྱིན་ཏེ་རོགས་རམ་བྱ་ཐབས་དབེན་ནའང་༸སྤྱི་ནོར༸གོང་སྐྱབས་མགོན་ཆེན་པོ་མཆོག་གི་དབུ་ཁྲིད་པའི་ཆོས་བརྒྱུད་ཆེན་པོ་བཞི་དང་།
གཡུང་དྲུང་བོན་བཅས་ཀྱི་བླ་ཆེན་བླ་སྤྲུལ་རྣམ་པ་ཡོངས་སུ་རྫོགས་པ་རྒྱ་གར་འཕགས་པའི་ཡུལ་དུ་སྐུ་ཟིལ་པ་ཕྲོམ་མེར་བཞུགས་ཡོད་པ་དང་། སྐྱབས་ཡུལ་དགེ་འདུན་རྒྱ་མཚོའི་ཐུགས་རྗེ་བླ་ན་མེད་པའི་དྲིན་གྱིས་བསྐྱངས་ཡོད་པར་བརྟེན། འདས་གསོན་དེ་དག་སྐྱབས་པའི་ནུས་པ་སྐྱབས་གནས་ལས་ལྷག་པ་ཞིག་མེད་པ་ཀུན་གྱིས་མཁྱེན་གསལ་ལྟར་། དེ་ལས་མང་། »

མིག་ཆུ་དང་ལྷན་དུ་བཞུར་པའི་ན་ཟུག

ཁམས་སྐྱེ་རྒུ་མདོར་རྒྱ་སྒོར་ཐེར་འབུམ་བརྒྱད་ཀྱི་དངུལ་སྒོར་དང་དངོས་རྫས་འབྱོར་ཡོད་ཟེར།

མཚོ་སྔོན་ཞིང་ཆེན་སྲིད་གཞུང་གིས་བརྗོད་ན་ད་བར་སྐྱེ་རྒུ་མདོའི་གནོད་ཁུལ་དུ་རོགས་སྐྱོར་མ་དངུལ་དང་དངོས་པོ་རྒྱ་སྒོར་ཐེར་འབུམ་བརྒྱད་འབྱོར་ཡོད་པ་དེ་དག་བཀོལ་སྤྱོད་ལེགས་པོ་ཡོང་བར་གཞུང་ཕྱོགས་ནས་ལྟ་རྟོག་ནན་མོ་བྱེད་ཀྱིན་ཡོད་ཟེར།
ཚེས་༢༦ཉིན་མཚོ་སྔོན་ཞིང་ཆེན་གྱི་སྤྱི་ཁྱབ་གཞོན་པ་ཀྲང་ཀོང་རོང་གིས་བརྗོད་ན།སྐྱེ་རྒུ་མདོའི་གནོད་ཁུལ་དུ་ད་བར་རྒྱ་སྒོར་ཐེར་འབུམ་བརྒྱད་ཀྱི་རོགས་སྐྱོར་མ་དངུལ་དང་དངོས་པོ་འབྱོར་ཡོད་ལ་། དེ་དག་ཁྲོད་རྒྱ་ནག་དབུས་གཞུང་གི་ཐད་ཀར་ཕྱིན་པའི་སྒོར་མོ་ཐེ་བའི་རོགས་སྐྱོར་མ་དངུལ་སྒོར་རྐྱང་ཐེར་འབུམ་བཞི་དང་རིན་ཐང་རྒྱ་སྒོར་ཐེར་འབུམ་བཞི་ཡི་དངོས་པོ་བཅས་འབྱོར་ཡོད་པས་། མཚོ་སྔོན་ཞིང་ཆེན་སྲིད་གཞུང་གིས་ཆེད་དུ་ལྟ་རྟོག་ཞིབ་བཤེར་ཚོགས་ཆུང་བཙུགས་ནས་མ་དངུལ་དེ་དག་བཀོལ་སྤྱོད་ལེགས་པོ་བྱེད་རྒྱུར་ལྟ་རྟོག་ནན་མོ་བྱེད་བཞིན་ཡོད་ཟེར་། ཡིན་ནའང་དེང་སང་རྒྱ་ནག་ནང་ལྐོག་ཟ་རུལ་སུངས་ཀྱིས་ཁེངས་པའི་གནས་སྟངས་དེའི་འོག་མ་དངུལ་དེ་དག་ཐད་ཀར་གནོད་ཁུལ་མི་མང་ཐོག་བཀོལ་སྤྱོད་བྱེད་ཐུབ་མིན་བོད་ནང་གི་ཤེས་ལྡན་མི་སྣ་ཚོས་ཐེ་ཚོམ་བྱེད་བཞིན་ཡོད་། དེ་མིན་སྐྱེ་རྒུ་མདོའི་གནོད་ཁུལ་གྱི་གཞུང་ལམ་དང་གློག་ཤུགས་ནུས་བའི་ཐད་གནོད་འཚེ་ཆེན་པོ་ཐེབས་པས་།སྐྱེ་རྒུ་མདོ་བསྐྱར་གསོ་ལས་དོན་ལ་དཀའ་ངལ་ཆེན་པོ་འཕྲད་ཀྱི་ཡོད་པ་མཚོ་སྔོན་ཞིང་ཆེན་གྱི་སྤྱི་ཁྱབ་གཞོན་པ་ཀྲང་ཀོང་རོང་གིས་ངོས་ལེན་བྱས་ཡོད་། སྐྱེ་རྒུ་མདོར་ལོ་གཅིག་ནང་ཟླ་བརྒྱད་ཙམ་ལ་གནམ་གཤིས་གྲང་ངར་ཆེ་བས་།ཁང་བ་གསར་སྐྲུན་སོགས་ཀྱི་ལས་གཞི་ཟླ་བ་ལྔ་ཙམ་རིང་མ་གཏོགས་སྤེལ་ཐུབ་ཀྱི་མེད་པ་རེད་། དེ་ལས་མང་། »

ཞིག་རོའི་ཁྲོད་ཀྱི་རྣམ་ཤེས་ཆུང་ཆུང་།

འདིར་མནན་ནས་གླུ་གཞས་ལ་གསན་གཟིགས་གནོངས།

ཡོང་ཁུངས།མཚོ་སྔོན་པོའི་དྲ་བ།

ཕངས་སེམས་ཀྱི་སྨྲེ་སྔགས།

ལྷ་འདྲེ་ཆང་གིས་བཟི་བའི་སྐྱུར་གོང་དེ་སྙན་པས།།

རྩོམ་པ་པོ་གྲགས་ཅན་ཞོགས་དུང་ལགས།

རྩོམ་པ་པོ་ཐེའུ་རང་ལགས།

རྩོམ་པ་པོ་ཞོགས་ལྗང་ལགས།

གནམ་ས་གོ་འབྱེད་ཀྱི་རྩོམ་པ་པོ་ཞོགས་དུང་ལགས་རྒྱ་ནག་ཉེན་རྟོག་པས་འཛིན་བཟུང་བཀག་ཉར་བྱས།

ཞོགས་དུང་ལགས།

ཉེ་དུས་ཁམས་ཕྱོགས་ཡུལ་ཤུལ་དུ་ས་ཡོམ་གོད་ཆག་བྱུང་ནས་སེམས་ཅན་སྟོང་ཕྲག་མང་པོའི་ ཚེ་སྲོག་ཤོར་བ་དང་། སེམས་ཅན་ཁྲི་ཕྲག་མང་པོ་སྡུག་བསྔལ་གྱི་གཡང་ལ་དཔྱངས་པར་གྱུར་པས། རྒྱལ་ཁབ་ཡུལ་ལུང་མི་གཅིག་པ་སྐད་རིགས་མི་རིགས་མི་འདྲ་བ་བགྲང་ཡས་པའི་སེམས་པ་ མྱ་ངན་གྱིས་རབ་ཏུ་ནོན་པར་གྱུར་པའི་དུས་མཚུངས་སུ་སོ་སོའི་སྙིང་རྗེའི་ལག་ཟུང་ རིང་དུ་བརྐྱངས་ཏེ་དངོས་བརྒྱུད་གང་རུང་ནས་རྒུད་སྐྱོབ་རོགས་རམ་གང་ཅི་འཇོན་ བྱེད་ཅིང་ཡོད་པ་ཀུན་གྱིས་ཤེས་གསལ་ལྟར་རོ། ། འོན་ཀྱང་། ཚང་མའི་བློ་ཡུལ་ལས་འདས་པ་ཞིག་ནི་བདག་གཞན་ཀུན་གྱིས་ཐེངས་འདིའི་གོད་ཆག་ཁྲོད་ ཤི་རྨས་སུ་སོང་བའི་སྤུན་ཟླ་དག་ལ་གདུང་སེམས་མཉམ་བསྐྱེད་ཀྱིས་རང་ནུས་ཅི་ ལྕོགས་འདོན་བཞིན་པའི་སྐབས་ཏག་ཏག་ལ། ང་ཚོའི་གྲོགས་པོ་ཞོགས་དུང་རྒྱལ་ཁབ་ཉེན་རྟོག་པས་གློ་བུར་དུ་ཁྲིད་སོང་།
སྤྱི་ ཟླ༤པའི་ཚེས༢༣ཉིན་གྱི་ཕྱི་དྲོ་དུས་ཚོད༥དང་ཕྱེད་ཀའི་སྟེང་ཟི་ལིང་གྲོང་ཁྱེར་ ཉེན་རྟོག་ཅུ་ནས་ཡིན་ཟེར་བའི་ཉེན་རྟོག་པ་ལྔ་དྲུག་ཙམ་ཞིག་གིས་ཁོ་རང་ལས་ཁུངས་ ནས་ཁྲིད་དེ་ཁྱིམ་དུ་ཕྱིན་པ་དང་ཁྱིམ་གྱི་དཔེ་ཀློག་ཁང་སོགས་སུ་བཤེར་སློག་དང་ བརྙན་པར་གང་འཚམ་བརྒྱབ་རྗེས་གཞི་ནས་ཁྲིད་སོང་ཟེར། དགོང་མོ་དུས་ཚོད༡༠ཡས་མས་སུ་ཉེན་རྟོག་པ་སླར་ཡང་ཁྱིམ་ལ་ཡོང་སྟེ་རྩིས་འཁོར་ གཉིས་ཀ་དང་གཞན་ཡིག་དཔར་སོགས་ཁྱེར་སོང་། ཉེན་རྟོག་པའི་སྤྱོད་ལམ་ཅུང་ཞི་འཇམ་ཡིན་ཚོད་དུ་སྣང་། ཞོགས་དུང་གི་ཆུང་མ་ལྷ་འཚོས་བཤད་པ་ལྟར་ན། དེ་ཉིན་གྱི་མཚན་གུང་དུས་ཚོད༣ཡས་མས་སུ་ཉེན་རྟོག་པ་ཡང་བསྐྱར་ཁྱིམ་ལ་ཡོང་སྟེ་ ཞོགས་དུང་དངོས་སུ་བཀག་སྐྱིལ་བྱེད་པའི་བརྡ་ཡིག་བྱིན་པ་དང་ཁོ་རང་ལ་མཁོ་བ་ཡིན་ ཟེར་ནས་ཉལ་ཆས་སྟབས་བདེ་ཙམ་ཁྱེར་ནས་བུད་སོང་ཟེར། ཕྱི་ཉིན་སྔ་དྲོ་བཀག་སྐྱིལ་ཡི་གེའི་སྟེང་གསལ་བ་ལྟར་ལྷ་འཚོ་དང་བུ་མོ་ཡེ་ཤེས་ འཚོ་མོ་སོགས་ཟི་ལིང་གྲོང་ཁྱེར་བཀག་སྐྱིལ་ཁང་དང་པོ་རུ་ཐེངས་འགར་ཕྱིན་ཀྱང་ངོ་ ཐུག་མ་ཐུབ་པར་མ་ཟད་ད་ལྟ་དངོས་གནས་དེ་རུ་ཡོད་མེད་ཀྱང་ཤེས་དཀའ་འདུག དེ་ལས་མང་། »