༄༅།། སེམས་གཏམ་འོ་མའི་མར་ལོ།
གཞན་གྱི་ལུང་བར་འཁྱམས་པའི་རང་མིའི་དཀའ་སྡུག་མི་ཤེས་ཤིང༌། །
དེས་པའི་དགེ་སྦྱོང་མཆོག་ལ་གུས་པ་ཙམ་ལས་མི་བྱེད་པར། །
རང་ཉིད་རྒྱ་མ་བརྒྱ་ལ་རང་གིས་འདེབས་པའི་བུ་རྒོད་པོ། །
ཁྱོད་ཀྱིས་གཞན་ལས་ལྷག་པའི་སྤྱི་དོན་ག་ཙམ་བསྒྲུབས་ནས་ཡོད། །

ང་ཚོའི་ལས་དབང་ནག་པོ་གཅིག་མིན་ཀུན་གྱི་མགོ་ན་ཡོད། །
ང་ཚོའི་སྤྱི་དོན་དཀར་བོ་འགའ་མིན་ཡོངས་ཀྱི་ཕྲག་ན་ཡོད། །
ང་ཚོ་རང་གིས་རང་ལ་ངོ་མཚང་བྲུས་ན་ངོ་རེ་ཚ། །
ང་ཚོ་གཅིག་གིས་གཅིག་ལ་བལྟས་ཏེ་འདུག་ས་ཁྱོན་ནས་མེད། །

ང་དང་ཁྱོད་ཅེས་རང་ཉིད་གཞན་དུ་དགར་ས་གཏན་ནས་མེད། །
ཤ་དང་ཁྲག་གི་ཕུང་བོ་བོད་ལས་གཞན་དུ་ངོས་འཛིན་མེད། །
ཡ་གུའི་ཁྲི་ཡི་བདག་པོ་ཁྱོད་ཀྱིས་ནུས་ན་ཁྱོད་ཉིད་ཡིན། །
རང་གིས་རང་ལ་སྡིགས་ན་ངོ་ཚ་དེ་ཉིད་རང་གི་ཡིན། །

༡
ཟ་འོག་ལྗང་ཁྲ་ཐང་ལ་བཏིངས་འདྲའི། །
འཇམ་མཉེན་སྔོ་ལྗང་སྤང་གི་ཁུག་གི། །
མཐིང་སྨུག་སྦྲ་ཡི་ཧྲག་བར་བསིལ་མོར། །
བག་ཡངས་ངང་དུ་བྲིས་པའི་སྙན་ངག །
ཐག་རིང་གྲོགས་ཀྱི་ས་ལ་བསྲིངས་ཡོད། །
༢
རྒྱང་རིང་གྲོགས་པོས་ལན་གཅིག་གསན་ཚེ། །
བྱང་ཕྱོགས་གངས་རི་ཡིད་དུ་དྲན་ནམ། །
གཡའ་རི་ནགས་རི་བྲག་རི་དྲན་ནམ། །
ཚང་ཚིང་གཡུ་ལོའི་མགོ་ལྕོག་དྲན་ནམ། །
ཁུ་བྱུག་སྔོན་མོའི་མགྲིན་གླུ་དྲན་ནམ། །
སྔོ་ལྗང་སྤང་གི་ནེམ་ཤ་དྲན་ནམ། ། དེ་ལས་མང་། »

བཙོན་བྱོལ་བོད་གཞུངགི་བཀའ་བློན་ཁྲི་བ་ཟམ་གདུང་རིན་པོ་ཆེས་ཕྱི་ལོ་༢༠༡༠ལོའི་ཟླ་༥བའི་ཚེས་༢༢ཉིན་ཨ་མེ་རི་ཀའི་གྲོང་ཁྱེར་ནིག་ཡོག་ཏུ་བོད་མི་༥༠༠༠ཙམ་ལ་དབུ་མའི་ལམ་གྱི་སྲིད་བྱུས་བྱུང་རིམ་ཐད་གསུང་བཤད་གནང་པ་དང་། བཀའ་བློན་ཁྲི་པ་ཟམ་གདོང་རིན་པོ་ཆེས་གསུང་བཤད་ཡོངས་རྫོངས་གཤམ་གསལ་ལྟར།
དབུ་མའི་ལམ་ཀྱི་སྲིད་བྱུས་ཀྱི་རྒྱབ་རྟེན།
སྤྱིར་དབུ་མའི་ལམ་གྱི་སྲིད་བྱུས་ཞེས་པ་དེ་ནི་༡༩༧༤ལོ་ནས་ཐུགས་གཏན་ཁེལ་བའི་ང་ཚོས་རྒྱུན་ཡུན་རིང་བོར་འཛིན་སྐྱོང་གནང་བའི་སྲིད་བྱུས་ཤིག་ཏུ་ཆགས་ཡོད།དབུ་མའི་ལམ་གྱི་ཐོག་མའི་ལྟ་གྲུབ་ཀྱི་རྒྱབ་རྟེན་ནི།༧གོང་ས་སྐྱབས་མགོན་ཆེན་པོ་མཆོག་གིས་ནམ་རྒྱུན་སྙིང་རྗེ་སྙིང་བོ་ཅན་གྱི་ལྷག་སེམས་དེ་འཛམ་གླིང་ཡོངས་རྫོགས་ལ་གནང་དང་གནང་བཞིན་པ་དང་།སྒོས་སུ་འཇིག་རྟེན་འདིའི་ནང་དཀའ་རྙོག་ཅི་ཞིག་བྱུང་ཡང་གཉིས་མོས་མཛའ་མཐུན་གྱི་ངོས་ནས་སེལ་དགོས་པ་ལས་གདོང་ཐུག་དང་འགལ་ཟླའི་ལམ་ནས་སེལ་ཕྱོགས་དེ་ཕན་ཐོགས་ཅན་ཞིག་མིན་ཞེས་གསུངས་དང་གསུང་བཞིན་པ་རེད།འདས་པའི་དུས་རབས་ཉི་ཤུ་པ་དེ་དམག་འཁྲུག་དང་མི་གསོད་ཁྲག་སྦྱོར་གྱི་དུས་རབས་ཤིག་ཏུ་གྱུར་བ་རེད།དུས་རབས་ཉེར་གཅིག་པ་འདི་ནི་དཀའ་རྙོག་གི་ཆེད་དུ་དམག་འཁྲུག་སྤང་ནས་བགྲོ་གླེང་གི་ལམ་ནས་སེལ་དགོས་པའི་དུས་རབས་ཤིག་ཡིན་པ་བཀའ་གནང་གིན་ཡོད་པ་བཞིན།རྒྱུ་མཚན་དེའི་དབང་གིས།ང་ཚོའི་བོད་ཀྱི་རྕ་དོན་སྒྲུབ་ཕྱོགས་ཀྱི་ཐད་དུའང་གཉིས་མོས་དང་གཉིས་སྨན་གྱི་ལམ་ཞིག་ལ་མ་བསྟུན་ཚེ་སྒྲུབ་ཐབས་མེད་པ་ཞིག་ཡིན་པས།བགྲོ་གླེང་དང་གུ་ཡངས་ཀྱིས་རྩ་དོན་བསྒྲུབ་དགོས་ན་གཉིས་སྨན་གྱི་ལངས་ཕྱོགས་ཤིག་འཛིན་དགོས་པ་དང།ལྷག་པར་དུ་ནང་པའི་རྟེན་འབྱུང་གི་ལྟ་བར་བསྟེན་ནས་འཚེ་བ་མེད་པའི་སྤྱོད་པ་ཞིག་འཛིན་དགོས་ཚེ་གཉིས་མོས་གཉིས་སྨན་ཅན་དེ་གལ་འགངས་ཅན་དུ་གྱུར་ཡོད་ལ།ལྟ་གྲུབ་རྒྱབ་རྟེན་དེ་འདི་འདྲ་ཞིག་གི་འོག་ཏུ་བྱུང་པ་རེད།
དབུ་མའི་ལམ་གྱི་སྲིད་བྱུས་ཀྱི་ངོ་བོ།
དབུ་མའི་ལམ་ཞེས་པ་དེ་མཐའ་གཉིས་དང་བྲལ་བའི་ལམ་ཞིག་ལ་གོ་དགོས་ལ།འོ་ན་དབུ་མའི་ལམ་གྱི་མཐའ་གཉིས་དེ་གང་རེད་ཅེ་ན།བོད་དེ་རང་བཙན་བསྐྱར་གསོ་བྱས་ཏེ་རྒྱ་ནག་མི་དམངས་སྤྱི་མཐུན་རྒྱལ་ཁབ་དང་ཁ་བྲལ་དུ་འགྲོ་རྒྱུ་དེ་ནི་མཐའ་གཅིག་རེད།ད་ལྟའི་བོད་ཀྱི་རང་དབང་མེད་པའི་གནས་བབ་ཇི་ལྟར་ཡོད་པ་དེ་ལྟར་འདུག་རྒྱུ་དེ་མཐའ་གཞན་ཞིག་རེད།ད་ལྟའི་གནས་བབ་དང་ཁ་བྲལ་དུ་འགྲོ་རྒྱུའི་མཐའ་གཉིས་སྤང་པའི་དེའི་དཀྱིལ་དུ་འགྲོ་རྒྱུའི་སྲིད་ཇུས་དེ་ལ་དབུ་མའི་ལམ་གྱི་སྲིད་ཇུས་སུ་འབོད་ཀྱིན་ཡོད། དེ་ལས་མང་། »

རྣོ་སྦྲེང་།
གླིང་ཕྲན་འདིའི་ཕྱི་ནང་ཀུན་ན་ཁྱེད་ཀྱི་ཆེད་དུ་སྐད་འབོད་བྱེད་མཁན་མང་པོ་ཡོད་པས
ཡང་གཅིག་བཤད་ན ངས་ཁང་མིག་ཆུང་ཆུང་ཞིག་གི་ནང་ན
ཁྱོའི་ཆེད་དུ་འགྲན་བསྡུར་རེ་རེའི་སྣེ་མོ་ནས་ཤ་སྒྲིམ་ཚོད་སྦྲིད་ཀྱི་དུས་ཚོད་དེ་དག
ཁྱེད་ཀྱིས་དུས་ནམ་ཡང་ཚོར་ཐབས་ཡོད་པ་མ་རེད་མོད
ངས་ཁྱེད་ལ་འདི་ལྟར་བཤད་ཆོག་སྟེ
ང་ཡི་ཁི་པིས་པི་རན་ཐུ དེ་ལས་མང་། »

ནམ་རྒྱུན།
ངས་ཁྱོད་རང་ས་སྲོད་ཀྱི་སྒྲོན་ངོགས་ལ་བསུས་ཞིང་།
ཞོགས་ཟིལ་གྱི་དྭངས་ཤ་བཞིན་འཚེར་བའི།
མཛེས་སྡུག་གི་བསམ་གཞིགས་མང་པོ་ཞིག་སྦྲུམ་རྗེས།
ཉི་ཟེར་གྱི་འོད་ངོགས་དང་།
མེ་ཏོག་གི་འདབ་མ་ལ་ཁྱིམ་གཞི་བྱས་ཤིང་།
བརྩེ་གླུ་ཡི་འགྱུར་ཁུགས་སྙན་མོ།
སྐྱི་བསེར་རླུང་བུས་བཏེགས་ནས།
གཙང་གཞུང་གི་འགྲམ་རྒྱུད་དང་།
རྫ་སྒང་གི་གཡས་གཡོན་ནས་སྤུར།
དེ་ལས་མང་། »

གནས་འགྲོ་བུ་མོ་ཞིག་གི་ཟིན་ཐོ་རིང་མོ།
༡
གཡར་བོའི་མ་ལོའི་མནར་སྡུག་ཐོག་ལས་ཚ།།
ཕ་ལོའི་སྨྲ་མེད་གདམ་ག་སྙིང་ལ་གཟན།།
མི་འདོད་གནས་ཡུལ་འགྲིམ་པའི་ལས་དབང་གིས།།
མིག་ཆུའི་ཕྲེང་ཐག་རིང་མོའི་རྒྱུན་ཐག་ཐོར།།
རྒྱང་རིང་འགྲུལ་བཞུད་ལམ་གྱི་གོམ་ཁ་ལྕི།།
མིག་ཆུ་སེམས་ལ་བསགས་པའི་ཞེ་རྩ་གཉོམ།།
རྒྱང་རིང་གནམ་ས་འདྲེས་བའི་སྲོད་ཁ་ན།།
ཁོ་མོའི་མིག་ཆུར་ཁྲག་གི་གཟི་མདངས་འཚེར།། དེ་ལས་མང་། »

བོད་ཁྲག

༄༅།།སྡོམ་པ།
ཆགས་ལྡན་རང་གི་མྱོང་ཙམ་པོ་སྤྱི་ལ་མ་འགེལ་རྨོངས་པའི་བུ། །
སེམས་ཅན་ཀུནད་ཀྱི་ཁམས་དང་མོས་པ་མི་གཅིག་ཁ་ཁ་སོ་སོ་ཡིན། །
ལ་ལ་སྒོར་གྱི་དོན་ལ་ངུ་ཞིང་འགའ་རེ་སྒོར་ལ་ཞེན་ཁ་ལོག །
ལ་ལས་སེམས་ཅན་སྲོག་ལ་རྒོལ་ཡང་འགའ་རེས་གཞན་དོན་རང་སྲོག་འབུལ། །

མགོ་ལོག་ཨ་ཁུ་ཚངས་དབྱངས་ཚང་ལ་སྒོར་མོ་མི་དགོས་གཞན་དོན་མཁོ། །
དྭ་ཕྲུག་སློབ་གྲྭ་ཁ་རུ་ཁྱེར་ནས་སེང་རྡོར་སྒོར་མོ་རུམ་གང་བསྡུས། །
སྔ་མ་སྒོ་གསུམ་དམ་དུ་བསྡམས་པའི་དགེ་བ་སྟོང་གི་གཟི་བྱིན་ཡིན། །
ཕྱི་མ་སྡོམ་པའི་ར་ལས་ཤོར་བའི་འདོད་ཆགས་དྲག་པོའི་རང་འཚང་ཡིན། །

ལོ་ངོ་སྟོང་ཕྲག་དུ་མའི་གོང་གི་སྒོ་གསུམ་བསྡམས་པའི་སྐྱེས་བུ་དག །
དུས་སྙིགས་སྤྱི་ཚོགས་འདི་ཡི་ཁྲོད་དུའང་ད་དུང་གསོན་པོར་བཞུགས་པ་འདྲ། །
འདི་ཚོས་འཕྲལ་དང་ཡུན་གྱི་བདེ་བ་མ་ནོར་བླང་དོར་གསལ་བོ་རུ། །
ཕྱི་རབས་བློ་ལྡན་སྟོང་ལ་བཞག་པའི་སྒོ་གསུམ་སྡོམ་པའི་དགེ་མཚན་ཡིན། །

དེ་ལས་མང་། »