བོད་ཀྱི་ཁོར་ཡུག་སྲུང་སྐྱོབ་པ་རིན་ཆེན་བསམ་འགྲུབ་ལགས་སུ་ལོ་ ༥ ཡི་ཁྲིམས་ཆད་བཅད་འདུག
རིན་ཆེན་བསམ་འགྲུབ་ལགས།་
བོད་ཀྱི་ཁོར་ཡུག་སྲུང་སྐྱོབ་པ་དང་ཚོང་པ་གྲགས་ཅན་ཀརྨ་བསམ་འགྲུབ་ལགས་སུ་ལོ་ ༡༥ བཙོན་འཇུག་ཁྲིམས་ཐག་བཅད་དེ་ཉིན་བཅུ་ཙམ་ལས་སོང་མེད་པའི་སྐབས་འདིར། ཆབ་མདོ་འབྲིང་རིམ་མི་དམངས་ཁྲིམས་ཁང་གིས་ཁོང་གི་སྤུན་མཆེད་རིན་ཆེན་བསམ་འགྲུབ་ལགས་སུ་ལོ་ ༥ བཙོན་འཇུག་ཁྲིམས་ཐག་བཅད་འདུག
ཕྱི་ཚེས་ ༢༤ ཉིན་མི་ལོ་ ༡༥ ཁྲིམས་ཐག་བཅད་ཡོད་པའི་བོད་ཀྱི་ཁོར་ཡུག་སྲུང་སྐྱོབ་པ་དང་ཚོང་པ་གྲགས་ཅན་ཀརྨ་བསམ་འགྲུབ་ཀྱི་སྤུན་མཆེད་རིན་ཆེན་བསམ་འགྲུབ་ལ། དེ་རིང་ཆབ་མདོ་འབྲིང་རིམ་མི་དམངས་ཁྲིམས་ཁང་ནས་ལོ་ ༥ ཡི་ཁྲིམས་ཐག་བཅད་པ་དང་ལོ་ ༣ གྱི་ཆབ་སྲིད་ཁེ་དབང་འཕྲོག་ཡོད་འདུག རིན་ཆེན་བསམ་འགྲུབ་ལགས་ད་ལྟ་རང་ལོ་ ༤༤ ཡིན་ལ་ཁོང་ལ་ཁོར་ཡུག་སྲུང་སྐྱོབ་ཐད་ཀྱི་བྱ་དགའ་ཡང་ཐོབ་མྱོང་ཡོད་འདུག
ཁོང་གི་ཁྲིམས་རྩོད་པ་ཞ་ཅིན་གྱིས་རོའུ་ཊར་གསར་འགོད་པར་བརྗོད་ན། ཁོང་ལ་ཁྲིམས་ཐག་གཅོད་དགོས་དོན་ནི་སྐུ་ཞབས་རིན་ཆེན་བསམ་འགྲུབ་ལགས་ཀྱིས་གཙོ་གཉེར་བྱེད་བཞིན་པའི་ཁོར་ཡུག་དྲ་ཚིགས་དེའི་ཐོག ༧གོང་ས་མཆོག་ལ་ནོ་བྷེལ་ཞི་བདེའི་གཟེངས་རྟགས་བཞེས་པའི་སྐོར་གྱི་རྩོམ་ཡིག་འགའ་བཀོད་ཡོད་སྟབས། ཁོང་ལ་རྒྱལ་ཁབ་ཁ་བྲལ་གྱི་ཉེས་འདོགས་འོག་ཁྲིམས་ཐག་བཅད་པ་རེད་ཟེར། དེ་ལས་མང་། »
གསར་འགྱུར | གཡུ་ཞུན | 
སྤྱི་ཟླ་བདུན་པ། 4, 2010 8:53 pm | 
མཆན་བུ་།(0)
Subscribe