གླུ
དམངས་གླུ་།
༡ སྟོད་དབུས་གཙང་ཇོ་ཡི་གཡས་ཟུར་ན།།
ཇོ་ཡི་ལུ་མ་རང་བྱོན་བཞུགས་།།
དབུས་ཆོས་འདང་ཆེ་བ་དེ་དོན་རེད།།
སྐུ་བརྒྱ་བོད་ཀྱི་མཁར་ཁ་ན།།
རླུང་རྟའི་དར་ལྕོག་རང་མོ་ཡོད་།།
བོད་བསྟན་པ་དར་བ་དེ་དོན་རེད།།
་
༢ དགུང་ཨ་སྔོན་དཀྱིལ་ནས་འཇའ་གསུམ་ཤར།།
རྗེ་བླ་མ་འཁྲུངས་གི་རྟེན་འབྲེལ་རེད་།།
འཇའ་ཁ་དོག་སྣ་ལྔ་ཚང་ནོ་འདི།།
ཚེ་འདི་ཕྱི་མཁྱེན་ནས་རྟེན་འབྲེལ་རེད་།།
བྲག་དམར་པོ་ཐེམ་ལ་རྒོད་པོ་བབས།།
བྱ་ནམ་འཕོང་བསྟད་ལས་འཕུར་ནོ་འདི།།
ཕ་ཨ་ཁུ་སྐྱིད་པོའི་རྟེན་འབྲེལ་རེད་།།
༣ ཡང་ཡང་སྐྱིད་པའི་གླུ་ཞིག་ལེན།།
བྲག་དང་ཤུག་ག་མཉམ་སྐྱེས་རེད་།།
ཡངསྐྱིད་རྒྱ་རྫོང་མཁན་པ་རེད་།།
ཡང་ཡང་སྐྱིད་པའི་གླུ་ཞིག་ལེན།།
ཧ་ཨ་ཁུ་འཛོམས་པའི་སྐྱིད་ཟིག་རེད།།
ཡང་སྐྱིད་ཁ་ཡ་ན་ཟླ་རེད་།།
༤ གླུ་མགོ་མ་མཆོད་རྟེན་དཀར་རོ་ལེན།།
ཕྱག་འཚལ་ན་སྡུག་སྒྲུབ་དག་ནི་ལེན་།།
གླུ་བར་མ་ཁས་ཀི་ལབ་རྩེ་ལེན།།
འདི་བསྟད་ན་དགྲ་ལྷ་འཁོར་ནི་ལེན།།
གླུ་བཞུགས་མ་ཆུ་ཆེན་ཟམ་མ་ལེན་།།
འདི་ཕངས་ན་བསམ་དོན་འགྲུབ་ནི་ལེན་།།
༼ཚེ་རིང་ལྷ་མོས་ཕྱོགས་སྒྲིག་གནང་༽
བྱང་བུ་།: ཚེ་ལྷ
དམངས་གླུ་། | གཡུ་ཞུན | 
སྤྱི་ཟླ་བཅུ་གཉིས་པ། 11, 2008 12:30 am
Subscribe
By བོད། ལྷ་ཀླུ་གཉན་གསུམ།, སྤྱི་ཟླ་བཅུ་གཉིས་པ། 20, 2008 @ 9:14 pm
དམངས་གླུ་འདི་ང་ཆུང་དུས་སུ་ཨ་མས་བསླབ་པ་ཡིན། མདོ་སྨད་ཀྱི་དམངས་གླུ་ཞིག་རེད།
ང་རྟ་ཞིག་ཡོད་ནོ་ཐོ་རུ་ཡིན།
ཐོ་རུའི་རྟ་རྗེས་མི་ཆོད་ཀི
མི་ཆོད་རང་ར་རྒྱུགས་རྒྱུ་ཡིན།
ང་གླུ་ཞིག་ཡོད་ནོ་བྱིས་གླུ་ཡིན།
གླུ་བས་གླུ་རྗེས་མི་ཟིན་གི
མི་ཟིན་རང་ར་ལེན་རྒྱུ་ཡིན།