འཛམ་གླིང་ཉི་མ་ཆེན་པོ།།
ཡུལ་གྲུ་གཞན་ལ་ཤར་ཡང་།།
གངས་ཅན་བོད་ཀྱི་རྒྱལ་ཁམས།།
མུན་པའི་གླིང་དུ་གྱུར་འདུག།

རྩམ་གཟན་གདོང་དམར་ཡིན་ན།།
ཕ་ཡུལ་ཕྱོགས་ལ་སོམས་དང་།།
འགྲོ་བ་མི་ཡི་ཐོབ་ཐང་།།
ལོངས་སུ་སྤྱོད་ཁོམ་འདུག་གམ།།

ཁ་བྲལ་རིང་ལུགས་རེད་ཟེར།།
ཏཱ་ལའི་ལོག་སྤྱོད་རེད་ཟེར།།
གསར་བརྗེར་ངོ་ལོག་རེད་ཟེར།།
ཁྲིམས་ཀྱི་མུན་པར་བརྫངས་སོང་།།

མ་བུ་ཁ་བྲལ་བཏང་སོང་།།
དགེ་སློབ་ཁ་བྲལ་བཏང་སོང་།།
ཁྱིམ་གཞིས་སྟོང་ལ་ཉེ་སོང་།།
རྩམ་གཟན་བོད་མིས་གཟིགས་སམ།།
དེ་ལས་མང་། »

བཀའ་སྤྱི་འོས་བསྡུའི་སྟ་གོན་ཚ་ཚ་འུར་འུར་ངང་སྤེལ་བཞིན་པའི་རི་འདབས་ནས་ཐོལ་བྱུང་དུ།

བཀའ་སྤྱི་གཉིས་ཀྱི་འོས་བསྡུའི་གྲ་སྒྲིག་ཁྲོད།།
དྲང་བདེན་བློ་མིག་ཐོགས་པ་ཇི་ཙམ་ཡོད།།
ཕྱོགས་རིས་ལིང་ཏོག་བྲལ་བ་ཇི་ཙམ་ཡོད།།
བཀའ་སྤྱིའི་འོས་མི་དོན་དམ་ཇི་འདྲ་ཞིག།

ང་ཡིས་བལྟས་ན་ཁྱོད་ཀྱི་འོས་མི་ནོར།།
ཁྱོད་ཀྱིས་བལྟས་ན་ང་ཡི་འོས་མི་ནོར།།
ང་དང་ཁྱོད་ཀྱི་བར་གྱི་འོས་མི་དེར།།
ལྷ་ཆེན་ཚངས་པས་གཟིགས་ན་ཅི་འདྲ་ཞིག།

ཡ་གིའི་ཚོགས་པས་ཁོ་དང་མོ་ཞེས་གླེང་།།
མ་གིའི་ཆོལ་ཁས་ཁོང་དང་ཁོང་ཞེས་བརྗོད།།
བར་གྱི་མི་མང་རང་རང་ཕྱོགས་གཏོགས་ཀྱི།།
མི་སྣ་དེ་དག་ཕྱོགས་ལ་བློ་མིག་འབུར།།

རེ་འགས་གཞོན་སྐྱེས་དགོས་ཞེས་ངར་ངར་བྱེད།།
འགའ་ཞིག་རྒན་རབས་དགོས་ཞེས་ལྷོད་ཀྱིས་གླེང་།།
རེ་ཟུང་གཉིས་ཀ་དགོས་ཞེས་གལ་ཆེར་གསུངས།།
ད་ནི་ན་ཚོད་བར་ནས་མགོ་བོ་རྨོངས།།
དེ་ལས་མང་། »