འབྱུང་འགྱུར་གྱི་བཀའ་ཁྲི་ཞེས་པའི་བརྗོད་གཞིའི་སྟེང་དུ་བསམ་ཚུལ་བཤད་སྐྱེས་མོད། འོན་ཀྱང་འགོ་གང་ནས་བཙུགས་རྒྱུ་དང་མཇུག་གང་ནས་བསྡུས་དགོས་མི་ཤེས་པའི་བརྗོད་གཞི་ཞིག་ཀྱང་རེད། གང་ལྟར་ཡང་། འབྱུང་འགྱུར་གྱི་བཀའ་ཁྲི་ད་ལྟའི་ལས་ཐོག་པ་ཟམ་གདོང་རིན་པོ་ནང་བཞིན་ཞིག་མི་ཡོང་བ་བརྒྱུད་ལམ་ཁག་གི་གསལ་བསྒྲགས་ལ་གཞིག་ན་ཧ་གོ་ནུས། ཡིན་ནའང་། ཡ་མཐའི་ས་མཚམས་ཤིག་དང་མ་མཐའི་ས་མཚམས་ཤིག་ངོས་བཟུང་ནས་དེའི་ཐད་ཀྱི་སྐད་ཆ་ཚིག་འགའ་བཤད་ན་འོས་ཤིང་འཚམ་པ་དེ་རེད་སྙམ།
སྤྱིར་བཏང་ཆོས་སྲིད་ཟུང་འབྲེལ་ཅན་གྱི་རྒྱལ་ཁབ་ཅིག་གི་བཀའ་ཁྲི་ལ་ཆོས་འཇིག་རྟེན་གཉིས་ཐད་ནས་ཤེས་འཇོན་གང་འཚམ་དགོས་པ་རེད། རྒྱུ་མཚན་དེས་ན། རང་རེའི་བོད་ཀྱི་འབྱུང་འགྱུར་གྱི་བཀའ་ཁྲི་ལ་ཡ་མཐའི་ཕྱོགས་ནས་རེ་བ་མེད་ཀྱང་། མ་མཐའི་ཕྱོགས་ནས་ངེས་པར་ཚང་དགོས་པ་ནི་ཁ་ཚ་དགོས་གཏུགས་ཀྱི་ཆ་རྐྱེན་ཞིག་རེད། ཡ་མཐའི་ས་མཚམས་ལ། ཆོས་ཕྱོགས་ནས་ད་ལྟའི་༧རྒྱལ་བ་རིན་པོ་ཆེ་དང་ ཟམ་གདོང་བླ་མ་ལྟ་བུ་ཞིག སྲིད་ཕྱོགས་ནས་རྒྱ་ནག་གི་སྲིད་འཛིན་ཧུ་ཅིན་ཐོ་ལྟ་བུ་ཞིག གདེང་འཇོག་གི་ཆ་ནས་ཨ་རིའི་ཨོ་བྷོ་མ་ལྟ་བུ་ཞིག འབྱུང་འགྱུར་གྱི་བཀའ་ཁྲི་ལ་ཡ་མཐའི་ཕྱོགས་ནས་རེ་བ་ཆེར་མེད། མ་མཐའི་ས་མཚམས་ལ་ང་ཚོས་ངེས་པར་རེ་བ་རྒྱག་དགོས། མ་མཐའི་ས་མཚམས་ནི། བོད་རྒྱལ་ཁབ་ཀྱི་དབུ་ཁྲིད་མཁན་ཞིག་ཡིན་པའི་ཆ་ནས་བོད་ཀྱི་སྐད་ཡིག་ལ་མི་རྨོངས་པ་ཞིག ཡང་ཕ་ས་གཞན་ལ་ཤོར་བ་དེ་ཕྱིར་ལེན་དགོས་པས་རྒྱ་ནག་གི་སྐད་ཡིག་ལ་གོ་བརྡ་འཕྲོད་ཐུབ་པ་ཙམ། རང་རེའི་བཙན་བྱོལ་བོད་གཞུང་སྐྱབས་བཅོལ་སའི་རྒྱ་གར་གྱི་སྐད་ཡིག་ལ་གོ་བརྡ་འཕྲོད་ཐུབ་ན་རབ་ཡིན། དེ་ནི་མ་ཤེས་ཀྱང་མི་སྐྱོན། དེང་དུས་འཛམ་གླིང་གི་སྤྱི་སྐད་ལྟ་བུར་ཆགས་ཡོད་པའི་དབྱིན་ཇིའི་སྐད་ཡིག་ལ་ཅུང་ཙམ་བྱང་ཆ་ཐོན་པ་ཞིག་ངེས་པར་དགོས། དེ་ནི་དུས་རབས་དང་བསྟུན་དགོས་པས་ཡིན་ལ་རྒྱལ་ཁབ་སྟོབས་ཆེན་དག་ལ་རེ་བ་བཅོལ་དགོས་པས་ཀྱང་ཡིན། ད་དུང་ནང་ཆོས་ཕྱོགས་ནས་ནག་འཐོམས་སེ་མེད་ན་ཧ་ཅང་ལེགས་ཤིང་དགོས་པ་ཞིག་རེད་མོད། ཆ་ཚང་འཛོམས་རྒྱུ་ཁག་པོ་རེད། དེ་གཞུག་ནས་༧རྒྱལ་བ་རིན་པོ་ཆེའི་བཀའ་གསུང་ཅི་སྒྲུབ་བྱེད་མཁན་ཞིག་དང་བཙན་བྱོལ་སྤྱི་ཚོགས་ལ་རྒྱུས་མངའ་ཡོད་པ་ཞིག་བྱུང་ན་བཟང་། དེ་ལས་མང་། »

ཁ་སང་ངྷ་ས་ཆོས་ཀྱི་མགྲོན་སར་སྐྱིད་པའི་དགོད་སྒྲ་མཉམ་དུ་བཞད།།
དེ་རིང་མི་སྙན་གཏམ་ངན་ཞིག་གིས་དམར་པོ་སྙིང་ལ་ཙག་ཤད་བསླངས།།
རྟེན་འབྲེལ་ལས་ཀྱི་འཇུག་ལྡོག་འདི་ལ་སུས་ཀྱང་ལྡོག་ཐབས་མི་འདུག་མོད།།
ཁོང་ན་གནས་པའི་མཛའ་མཐུན་བརྩེ་བས་འདི་ལྟར་མི་འདོད་སྡུག་སྨྲེ་འདོན།།

གདོང་དམར་མཁས་པའི་རྐང་འཛིན་མི་ལ་འཆི་བདག་བདུད་ཀྱི་བཀའ་ཆད་མང་།།
ཆོལ་གསུམ་དཀྲུགས་པའི་གདོན་འདྲེ་རིགས་ལ་གཞན་ལ་མེད་པའི་ཚེ་བསོད་དར།།
གོ་ལྡོག་ལས་ཀྱི་འཁོར་འདྲིས་འདི་དག་སྙིགས་མ་དུས་ཀྱི་རང་མཚང་དང་།།
བོད་པའི་ཁྲག་རྒྱུན་ས་ལ་འཐིམས་པའི་རྟེན་འབྲེལ་ཞིག་གི་དབུ་ཡིན་ནམ།།

སྟོང་འདང་ཆེ་བའི་སྙན་ངག་པ་ཁྱོད་མི་མངོན་ཡུལ་དུ་ཐལ་བ་ནས།།
དྲུག་འགྱུར་དབྱངས་རྟས་མི་སེམས་སྒུལ་བའི་སྨྱུག་ཐོགས་ཤིག་གི་གཤོག་ཡ་ཆད།།
བརྩེ་སེམས་འོ་མའི་མཚོ་ལ་བྱིངས་པས་འཇར་པན་བུ་མོ་མིག་ཆུར་འཐིམས།།
ཀྱེ་མ་འཁོར་བའི་བསླུ་བྲིད་འདི་ནི་ཇི་འདྲའི་ཞེད་སྣང་ཚ་བ་ལ།།

< <སྙིང་གཏམ་ནག་པོ>>འི་སྒྱུ་རྩལ་བཟི་ཁས་རྟོགས་ཟད་པ་དག་བསྙུངས་ལ་བསྐུར།།
< <དྲིན་ཆེན་ཕ་ལོ>>འི་དྲིན་གཟབ་མགུར་ལ་དགའ་སྐྱོ་སྟོང་གི་ཚོར་སྣང་བཞུར།།
ཁྱོད་ཀྱིས་བྲིས་པའི་སྙན་རྩོམ་ཕལ་ཆེར་རྒན་གཞོན་ཀུན་གྱི་ངག་ལ་བྱངས།།
ཁྱོད་ཀྱི་གོད་ཆག་འགྲུལ་བཞུད་འདི་ཡིས་དཔྱོད་ལྡན་མི་ལ་ངུ་ཁ་བསླངས།།
དེ་ལས་མང་། »

གདན་ས་གསུམ་གཙོས་རིས་མེད་ཀྱི་ཆོས་སྡེ་ཁག་གིས་ད་ལྟ་དབར་དུ་གྲྭ་རྒྱུན་གྱི་ཐད་དུ་བསམ་བློ་བཏང་མྱོང་མེད་ལ། ད་ལྟ་ཡང་རེ་ཟུང་གིས་མ་གཏོགས་གཏོང་གིན་མི་འདུག ཡིན་ནའང་། ངས་བལྟས་ན་འདི་ནས་བརྩིས་པའི་ལོ་ངོ་ཉི་ཤུ་སུམ་ཅུའི་རྗེས་སུ་གྲྭ་ས་ཁག་ན་དགོན་པའི་འདུ་ཁང་སྲུང་མཁན་གྱི་གྲྭ་བ་བརྒྱ་སྐོར་ཞིག་ལས་མེད་པ་ཁ་ཚོན་གཅོད་ཐུབ། ངས་ཉིས་སྟོང་བརྒྱད་ནས་ད་ལོའི་དབར་དུ་གྲྭ་རྒྱུན་སྐོར་ལ་ཞིབ་འཇུག་ཅུང་ཙམ་བྱས་ པ་ཡིན། ༢༠༠༨ ནས་བཟུང་རྒྱ་ནག་གིས་མཐའ་མཚམས་ཁག་གི་ས་སྒོ་དམ་དྲག་བྱས་པ་ལ་རྟེན་བོད་མི་སྐྱབས་བཅོལ་བ་ཇེ་ཉུང་དུ་ཕྱིན་པ་རེད། སྔོན་མ་ ༡༩༩༩ ལོའི་ཟླ་མཇུག་ཏུ་ཕྲན་བལ་ཡུལ་སྣེ་ལེན་ཁང་དུ་འབྱོར་དུས་གསར་འབྱོར་བ་ཉིས་སྟོང་སུམ་སྟོང་ལྷག་འདུག་མོད། ༢༠༠༨ ཀྱི་ལོ་མཇུག་ཏུ་གསར་འབྱོར་བའི་གྲངས་ཚད་ཇེ་ཉུང་དུ་ཕྱིན་ཏེ་སྣེ་ལེན་ཁང་ དུ་སུམ་ཅུ་བཞི་བཅུ་ལྷག་ཅིག་ལ་སླེབས་པ་རེད། དེ་བཞིན་གྲྭ་ས་ཁག་གི་གྲྭ་རྒྱུན་གྱི་ཁ་གྲངས་ཇེ་ཉུང་དུ་ཕྱིན་པ་རེད། ༢༠༠༠ ལོ་ནས་ ༢༠༠༧ ལོའི་དབར་དུ་གྲྭ་རྒྱུན་གྱི་ཁ་གྲངས་ཧ་ཅང་མང་བོ་རེད། སྐབས་དེ་དུས་སེར་བྱེས་གྲྭ་ཚང་ལྟ་བུ་ལ་མཚོན་ན། འཛིན་གྲྭ་གསར་བ་བཅས་དེ་དུས་དགེ་འདུན་པ་གྲངས་ཉིས་བརྒྱ་སུམ་བརྒྱ་རེ་ཡོད་པ་རེད། ན་ནིངས་དང་ད་ལོ་ནས་བཟུང་འཛིན་གྲྭ་གསར་བ་རེ་བཙུགས་དུས་བརྒྱ་ཕྲག་ཅིག་ལས་བྱུང་མི་འདུག་ལ། དེ་ལས་མང་། »

རྒྱང་རིང་རྒྱ་ནག་ཁྲིན་ཏུའུ་གྲོང་ཁྱེར་ནས།།
རྒྱ་རོ་འགའ་རེས་ཁྱེད་ལ་གཅར་རྡུང་བཏང་།།
འཛིན་བཟུང་ཅི་ཡིན་གསལ་ཁ་མ་མཆིས་པ།།
ས་མཐའི་ཡུལ་དུ་གསར་འགྱུར་འདི་ལྟར་བསྒྲགས།།

ཚོགས་ཆོས་དཔེ་ཁྲིད་མང་བའི་དུས་ཚིགས་འདིར།།
དྲ་ཚིགས་བལྟ་ཀློག་བྱེད་ཁོམ་མ་བྱུང་བས།
གྲོགས་ཀྱི་གནས་སྟངས་སྐྱོ་བོ་མ་ཐོས་ཀྱང་།།
གཏམ་ངན་དེ་རིང་ཐོས་ཏེ་ལན་ཞིག་ཕུལ།།

བརྡ་འཕྲིན་བརྒྱུད་ནས་བདག་གིས་རིག་དུས་སུ།།
ང་ཡི་གློ་སྙིང་མཆིན་གསུམ་འདུར་བར་བྱས།།
རྒྱ་ནག་ཚང་གི་སྣང་ངོར་དོགས་གཞིར་གྱུར།།
མི་ཚེའི་མདུན་ལམ་ཐད་དུ་མནོ་བསམ་ཐོངས།།
དེ་ལས་མང་། »